Vinsamlegast athugið að þetta efni er eldra en 3 ára.
Paprikur, nammi namm.
Paprikur, nammi namm.
Líf og starf 11. júní 2020

Paprikuplantan sem bætti sig

Höfundur: Vilmundur Hansen

Elín Árnadóttir var í leikskóladeild Krikaskóla þegar hún kom heim með paprikuplöntu fyrir þremur árum. Krakkarnir í hennar hreiðri gróðursettu fræ innan úr papriku í mold og var paprikuplantan sennilega orðin um tíu sentímetrar á hæð þegar þau tóku hana heim.

Elín var í fyrstu mjög svartsýn um plöntuna sína enda sagðist hún hafa verið síðasti nemandinn að velja sér plöntu og fengið þá minnstu. „Ég hafði ekki mikla trú á plöntunni en mamma hughreysti mig og sagði mér að tala við hana og hvetja hana til að vaxa sem mér fannst reyndar mjög furðulegt en gerði það samt,“ segir Elín.

Plantan er núna búin að gefa svo margar paprikur að Elín hefur misst töluna á þeim.

Leitað upplýsinga

Sigurveig Magnúsardóttir, móðir Elínar, segir að þrátt fyrir það hafi trú dótturinnar á plöntunni ekki aukist og var hún viss um að það væri eina plantan úr leikskólanum sem ekki myndi bera aldin. „Elín var reyndar fremur döpur yfir þessu og taldi að foreldrarnir stæðu sig ekki nógu vel í að aðstoða hana. Næsta skref var því að leita til garðyrkjufræðings og fá upplýsingar um ræktunina. Okkur var bent á að setja plöntuna í stærri pott og gefa henni áburð. Einnig fengum við ráðleggingar um frjóvgun plöntunnar með eyrnapinna, þ.e.a.s. að færa frjó á milli blómanna og gæta þess  að það væri alltaf vatn í disknum undir blómapottinum. Í kjölfarið fóru hlutirnir að gerast og höfðum við varla undan að vökva blessaða plöntuna. Stundum þarf að vökva tvisvar sama daginn þar sem hún er mjög þyrst.“


Greinarnar svignuðu

„Fljótlega fór plantan að mynda paprikur sem voru svo stórar að greinarnar svignuðu undan þeim, enda var plantan ekki mikill bógur til að byrja með. Þá var farið á stúfana og keyptir pinnar til að styðja við greinarnar og nokkrar bundnar saman með snæri.

 

Plantan er núna búin að gefa okkur svo margar paprikur að við höfum misst töluna á þeim. Þær hafa allar verið mjög safaríkar en misstórar og enn eru að koma paprikur á plöntuna, þriðja árið í röð.“

Elín segist vera mjög ánægð með afraksturinn og framlag foreldranna við að rækta upp plöntuna. Það má segja að nú hafi hún fulla trú á þeim við grænmetisræktunina.

Paprikuplantan hefur gefið af sér í þrjú ár.

Mannlíf á Búnaðarþingi
Líf og starf 25. mars 2024

Mannlíf á Búnaðarþingi

Æðsta samkoma Bændasamtaka Íslands er Búnaðarþing. Í ár stóð það yfir frá fimmtu...

Stjörnuspá 21. mars - 11.  apríl
Líf og starf 21. mars 2024

Stjörnuspá 21. mars - 11. apríl

Vatnsberinn hefur lengi verið að velta því fyrir sér að flytja sig um set og jaf...

Félagsskapur eldri borgara
Líf og starf 19. mars 2024

Félagsskapur eldri borgara

Stofnfundur Félags eldri borgara í Hvalfjarðarsveit var haldinn sunnudaginn 11. ...

Áframhaldandi búseta talin möguleg
Líf og starf 13. mars 2024

Áframhaldandi búseta talin möguleg

Við Langanesströnd sem liggur að botni Bakkaflóa stendur Bakkafjörður ásamt bæði...

Kirkjugarðsklúbburinn
Líf og starf 12. mars 2024

Kirkjugarðsklúbburinn

Halaleikhópurinn víðfrægi tók að sér verkið Kirkjugarðsklúbbinn eftir Ivan Mench...

Bændamótmæli á Íslandi?
Líf og starf 11. mars 2024

Bændamótmæli á Íslandi?

Mótmæli bænda í Evrópu hafa verið í fréttum undanfarin misseri þar sem þeir vald...

Stjörnuspá 7. mars - 21. mars
Líf og starf 8. mars 2024

Stjörnuspá 7. mars - 21. mars

Vatnsberinn hefur alla burði til þess að koma í framkvæmd þeim hugmyndum sem eru...

Lundi
Líf og starf 6. mars 2024

Lundi

Lundi er algengasti fuglinn okkar og jafnframt einn af okkar einkennisfuglum. Ha...