Vinsamlegast athugið að þetta efni er eldra en 1 árs.
Á bænum Gaul í Staðarsveit var vel mætt af hvítum hyrndum hrútum.
Á bænum Gaul í Staðarsveit var vel mætt af hvítum hyrndum hrútum.
Mynd / Herdís Leifsdóttir
Líf og starf 12. nóvember 2021

Ásbjörn Pálsson og Helga Jóhannsdóttir, bændur í Syðri-Haukatungu II, áttu besta lambhrútinn

Höfundur: HL - HKr.

Héraðssýning lambhrúta á Snæ­fellsnesi var haldin laugar­daginn 16. október og var henni skipt í tvo hluta milli varnargirðinga, sem sagt fyrri sýningin var á Gaul í Staðarsveit og á hana voru mættir 54 hrútar í heildina. Á þeirri sýningu var einnig haft gimbrahappdrætti sem hefur vakið mikla lukku og notað til að ná upp í kostnað við sýninguna.

Seinni sýningin fór svo fram sama dag um kvöldið og hún var í Syðri-Haukatungu II og þar voru 18 hrútar í heildina. Það voru svo fimm hrútar í uppröðun á hverri sýningu og kepptu þeir svo saman og dómarar röðuðu þeim í verðlaunasæti.

Það voru veitt verðlaun fyrir þrjá flokka, þ.e. mislita kollótta og hyrnda hrúta, kollótta hrúta og svo hvíta hyrnda. Dómarar voru Sigríður Ólafsdóttir og Stella G. Ellertsdóttir.

Það var líka vel mætt í mislitu fé á Gaul. Þarna má sjá helstu bændurna með hrútana sína til keppni og í bláu lopapeysunni er Kristinn, bæjarstóri Snæfellsbæjar, mættur og konan með gráa hrútinn er sýningarhaldarinn, Heiða Helgadóttir á Gaul.

Svo voru veitt verðlaun fyrir þrjá flokka, þ.e. mislita kollótta og hyrnda hrúta, kollótta hrúta og svo hvíta hyrnda. Dómarar voru Sigríður Ólafsdóttir og Stella G. Ellertsdóttir. Það voru svo veitt vegleg verðlaun fyrir vinningssætin og þar má nefna að Kalksalt ehf. á Flateyri gaf fötur með kalksalti í verðlaun. Þetta er íslensk framleiðsla í hágæðaflokki fyrir íslenska bændur.

Syðri-Haukatunga II með besta lambhrútinn á sýningunni 2021

Ásbjörn Pálsson og Helga Jóhanns­dóttir í Syðri-Haukatungu II áttu besta lambhrútinn á sýningunni 2021 og fengu fallega farandskjöldinn sem er veittur til eignar í eitt ár.

Ásbjörn Pálsson og Helga Jóhannsdóttir í Syðri-Haukatungu II áttu besta lambhrútinn á sýningunni 2021 og fengu fallega farandskjöldinn sem er veittur til eignar í eitt ár.

Halla Sif Svansdóttir frá Dalsmynni átti besta hrútinn í flokki mislitra hrúta og svo í öðru sæti var hrútur frá Halli Pálssyni á Nausti en hann var ekki viðstaddur. Í þriðja sæti voru Guðlaug Sigurðardóttir og Jóhann Eyberg Ragnarsson á Hraunhálsi.

Í kollótta flokknum voru Helga Jóhannsdóttir í Syðri-Haukatungu II í fyrsta sæti og Guðlaug Sigurðardóttir á Hraunhálsi var í öðru sæti. Í því þriðja var Brynjar Hildibrandsson í Bjarnarhöfn.

Jón Bjarni á Bergi með besta hvíta hyrnda hrútinn

Verðlaunahafar í flokki hvítra hyrndra hrúta voru Jón Bjarni Þorvarðarson á Bergi í fyrsta sæti, í öðru sæti var Helga í Syðri-Haukatungu II og í þriðja sæti var Gísli Þórðarson í Mýrdal. 

Verðlaunahafar í hvítu hyrndu flokknum, talið frá vinstri: Gísli Þórðarson í Mýrdal sem var í þriðja sæti. Helga Jóhannsdóttir í Syðri-Haukatungu II sem var í öðru sæti og Jón Bjarni Þorvarðarson á Bergi sem var í fyrsta sæti.

Verðlaunahafar í kollótta flokknum. Talið frá vinstri: Brynjar Hildibrandsson í Bjarnarhöfn sem var í þriðja sæti. Guðlaug Sigurðardóttir á Hraunhálsi, sem var í öðru sæti og Helga Jóhannsdóttir í Syðri-Haukatungu II sem hreppti fyrsta sætið.

Félagslíf og hagsmunir í forgrunni
Líf og starf 8. febrúar 2023

Félagslíf og hagsmunir í forgrunni

Félag eldri borgara í Reykjavík og nágrenni (FEB) er opið öllum þeim sem náð haf...

Félagsstarf landshorna á milli
Líf og starf 6. febrúar 2023

Félagsstarf landshorna á milli

Þeir eru heldur betur hressir öðlingarnir hér á myndunum, en félagsstarf þeirra ...

Fagnar nýburum með veglegum gjöfum
Líf og starf 6. febrúar 2023

Fagnar nýburum með veglegum gjöfum

Það er gaman að segja frá því að Borgarbyggð fagnar öllum nýburum sveitarfélagsi...

Gráþröstur
Líf og starf 5. febrúar 2023

Gráþröstur

Gráþröstur eru algengir varpfuglar um Skandinavíu og austur um Evrópu og Asíu. H...

Við skurðgröft í  snarbrattri hlíð
Líf og starf 3. febrúar 2023

Við skurðgröft í snarbrattri hlíð

Hólmar Bragi Pálsson, áður búsettur á Minni-Borg í Grímsnesi en nú á Selfossi, v...

Þróa fyrsta samsetta fiskileðrið á Íslandi
Líf og starf 3. febrúar 2023

Þróa fyrsta samsetta fiskileðrið á Íslandi

Nýsköpunarfyrirtækið AMC hlaut nýverið Sprotastyrk frá Tækniþróunarsjóði Rannís ...

Ræðismaður skipaður í Moldavíu
Líf og starf 2. febrúar 2023

Ræðismaður skipaður í Moldavíu

Moldavía er landlukt land í Suðaustur-Evrópu og liggur milli Úkraínu og Rúmeníu....

Gerir allt með sóma
Líf og starf 1. febrúar 2023

Gerir allt með sóma

Að þessu sinni tók Bændablaðið til prufu hinn nýja Kia Niro EV. Forveri þessa bí...