Vinsamlegast athugið að þetta efni er eldra en mánaðar gamalt.
Benjamína-vettlingar
Hannyrðahornið 1. nóvember 2022

Benjamína-vettlingar

Höfundur: Feykirknitting

Munstrið á þessum vettlingum er innblásið af minni fyrstu lopapeysuhönnun sem heitir Benjamína.

Dömustærð: Vettlingarnir eru prjónaðir úr léttlopa, ein dokka af aðallit og ein af munsturlit. Notast er við sokkaprjóna nr. 3 og 4,5. Prjónafesta gefur 18 lykkjur á 10 cm.

(Herrastærð): Vettlingarnir eru prjónaðir úr tvöföldum plötulopa, ein plata af aðallit og ein af munsturlit. Notast er við sokkaprjóna nr. 4,5 og 5,5. Prjónafesta gefur 14 lykkjur á 10 cm. Vettlingarnir eru nokkuð stórir, ef þú vilt hafa þá minni má notast við prjóna sem er hálfu nr. minni.

Til að koma í veg fyrir löng bönd inni í vettlingunum er gott að snúa garninu saman að aftan eftir hverjar 4-5 lykkjur. Ekki snúa garninu á sama stað í næstu umferð fyrir ofan, betra er að það sé gert á mismunandi stöðum svo það sjáist ekki í gegn

Fitjið upp 36 lykkjur með aðallit á prjóna nr. 3 (4,5). Skiptið lykkjunum niður á fjóra prjóna og tengið í hring. Prjónið stroff, 2 lykkjur sléttar og 2 lykkjur brugðnar til skiptis. Prjónið 6 umferðir stroff með aðallit, *prjónið 2 umferðir stroff með munsturlit, prjónið 2 umferðir stroff með aðallit*, endurtakið *til*. Prjónið 2 umferðir stroff með munsturlit og að lokum 5 umferðir stroff með aðallit. Skiptið yfir á prjóna nr. 4,5 (5,5) og prjónið slétt eftir munstri, í fyrstu umferð er aukið út um 4 lykkjur nokkuð jafnt yfir umferð, þá eru 40 lykkjur á prjónunum (10 lykkjur á hverjum prjón). Þegar búið er að prjóna 14 umferðir af munstri er gert ráð fyrir þumli (rautt strik á munstri sýnir hægri vettling).

Fyrir hægri vettling: Á fyrsta prjóni, prjónið þrjár lykkjur slétt, prjónið næstu 7 lykkjurnar á aukaband, færið þessar 7 lykkjur aftur yfir á vinstri prjón og prjónið yfir þær eftir munstri.

Fyrir vinstri vettling: Á öðrum prjóni, prjónið 1 lykkju slétt, prjónið næstu 7 lykkjur á aukaband, færið þessar 7 lykkjur aftur yfir á vinstri prjón og prjónið yfir þær með munstri

Úrtaka er gerð á eftirfarandi hátt:

Á fyrsta prjón eru tvær lykkjur prjónaðar slétt, þriðja lykkjan er færð óprjónuð yfir á hægri prjón, prjónið eina lykkju og steypið óprjónuðu lykkjunni yfir prjónuðu lykkjuna, prjónið næst út prjóninn. Á öðrum prjóni er prjónað út prjóninn þar til þrjár lykkjur eru eftir, prjónið tvær lykkjur saman, prjónið síðustu lykkjuna slétt. Þriðji prjónn er prjónaður eins og fyrsti prjónn. Fjórði prjónn er prjónaður eins og annar prjónn. Þessi úrtaka er endurtekin í hverri umferð þar til 8 lykkjur eru eftir á prjónunum. Athugið að í síðustu úrtöku er óprjónuðu lykkjunni steypt yfir lykkjurnar tvær sem voru prjónaðar saman. Slítið frá og dragið endann í gegnum lykkjurnar.

Næst er þumallinn prjónaður.

Hann er prjónaður á prjóna nr. 4,5 (5,5) með lit A. Takið aukabandið úr og takið upp 16 lykkjur, hafið 8 lykkjur á prjóni fyrir ofan þumalinn og notið 2 prjóna fyrir neðan þumalinn, 4 lykkjur á hvorum prjón. Prjónið 17 umferðir, úrtaka er gerð á hliðum, á fyrsta prjón er fyrsta lykkjan tekið óprjónuð yfir á hægri prjón, prjónið eina lykkju og steypið óprjónuðu lykkjunni yfir hana, prjónið út prjóninn. Á öðrum prjóni er prjónað þar til 2 lykkjur eru eftir, þær eru prjónaðar saman. Á þriðja prjóni er fyrsta lykkjan tekin óprjónuð yfir á hægri prjón, prjónið eina lykkju slétt og steypið óprjónuðu lykkjunni yfir hana, prjónið þar til tvær lykkjur eru eftir á prjóninum, þær eru prjónaðar saman. Þetta er endurtekið þar til 8 lykkjur eru eftir, slítið þá frá og dragið endann í gegnum lykkjurnar.

Gangið frá öllum endum, ef göt hafa myndast við þumal saumið fyrir þau. Þvoið vettlingana og leggið til þerris.

Aðrar uppskriftir eftir höfund er að finna á Instagram og Facebook undir Feykirknitting. Einnig er hægt að hafa samband við feykirknitting@gmail.com.

Skylt efni: vettlingar

Salka Valka-húfan
Hannyrðahornið 29. nóvember 2022

Salka Valka-húfan

Grunnuppskrift fyrir húfu úr Huldubandi frá www. uppspuni.is, líka kjörin til þe...

Skógarfjör
Hannyrðahornið 4. nóvember 2022

Skógarfjör

Fallegir jólalegir sokkar prjónaðir úr Drops Nord

Benjamína-vettlingar
Hannyrðahornið 1. nóvember 2022

Benjamína-vettlingar

Munstrið á þessum vettlingum er innblásið af minni fyrstu lopapeysuhönnun sem he...

Eyrnaband með fölskum köðlum
Hannyrðahornið 18. október 2022

Eyrnaband með fölskum köðlum

Fallegt og einfalt eyrnaband fyrir börn prjónað með fölskum kaðli úr DROPS M...

Húfa með dúski
Hannyrðahornið 4. október 2022

Húfa með dúski

Húfan er í þremur stærðum og upplagt er að setja á hana dúsk

Súkkulaðitoppur
Hannyrðahornið 20. september 2022

Súkkulaðitoppur

Klassísk garðaprjónshúfa á börn, prjónuð úr DROPS BabyMerino. Stykkið er ...

Ullarvikupeysa 2022
Hannyrðahornið 6. september 2022

Ullarvikupeysa 2022

Prjónað er úr plötulopanum tvöföldum. Bolur og ermar eru prjónuð í hring.

Taumvettlingar
Hannyrðahornið 18. ágúst 2022

Taumvettlingar

Samkvæmt upplýsingum frá Þjóðháttadeild Þjóðminjasafns Íslands hefur þjóð...