Vinsamlegast athugið að þetta efni er eldra en mánaðar gamalt.
Á kúabúinu í Reykjahlíð fer fram mjólkurframleiðsla, uppeldi og kjötframleiðsla nautgripa
Á kúabúinu í Reykjahlíð fer fram mjólkurframleiðsla, uppeldi og kjötframleiðsla nautgripa
Mynd / Aðsendar
Bóndinn 31. maí 2024

Með korn og kýr í haga

Nú kynnast lesendur búskapnum á Reykjahlíð í Skeiða- og Gnúpverjahreppi, en við gefum Melissu Line orðið. Geta lesendur einnig fylgst með fjölskyldunni á instagram-reikningi Bændablaðsins á næstu dögum.

Ingvar, Melissa og Iðunn á góðri stund.

„Ingvar Hersir er fæddur og uppalinn hér í Reykjahlíð á Skeiðum og er hann þriðji ættliðurinn sem tekur við búskap. Ábúðarsaga fjölskyldunnar er samt miklu lengri þar sem Reykjahlíð varð ekki til fyrr en sirka 1950 þegar upphaflegu jörðinni, Reykjum, var skipt niður í þrjár jarðir, Reyki, Reykhól og Reykjahlíð. Á Reykjum hóf ætt Ingvars búskap sirka 1720 og skemmtilegt að segja frá því að allar þrjár jarðirnar eru enn í eigu sömu ættarinnar og á öllum er starfandi kúabú í dag.

Ingvar Hersir hefur alla tíð unnið á búinu en kemur svo formlega inn í reksturinn 2018 eftir að hann útskrifaðist frá Hvanneyri. Sjálf flyt ég svo 2019 þegar ég útskrifaðist úr búfræði og sama ár keypti hann 50% í búinu á móti foreldrum sínum. Síðan þá höfum við bæði verið í fullu starfi við búið. Staðan er óbreytt í dag, enda ættliðaskipti ekki auðveld nú til dags, en við höfum tekið við rekstri smám saman síðastliðin fimm ár og sjáum við um reksturinn í heild sinni í dag.“

Býli, staðsetning og stærð jarðar? Reykjahlíð í Skeiða- og Gnúpverjahreppi, 270 hektarar, þar af 135 ræktaðir.

Ábúendur, fjölskyldustærð (og gæludýr)? Við erum Ingvar Hersir Sveinsson, Melissa Line og Iðunn Saga og búum hér í „gamla húsinu“ svokallaða með inniköttunum þeim Gullu og Patty. Í næsta húsi búa foreldrar hans Ingvars, þau Katrín Helga Andrésdóttir og Sveinn Ingvarsson.

Gerð bús og fjöldi búfjár? Við erum aðallega í mjólkurframleiðslu með sirka 75 árskýr auk uppeldis og kjötframleiðslu þar sem við ölum sirka 20 naut á ári.

Síðan eigum við 13 kindur, 3 hesta og fjósakisurnar Dellu og Stellu. Við stundum líka smá kornrækt og ræktum rúmlega 30 hektara af byggi á hverju ári sem við notum í heilfóðurblöndu.

Hvernig gengur hefðbundinn vinnudagur fyrir sig á bænum? Vinnudagarnir eru mjög mismunandi en við byrjum alla daga á morgunfjósi. Allt annað og sérstaklega lengd vinnudags er mjög breytilegt eftir árstímum.

Dekurdýrið Prinsessa gerir alla daga skemmtilegri.

Skemmtilegustu/leiðinlegustu bústörfin?

Melissa: Klárlega skemmtilegust er vinnan í kringum
dýrin og að enginn dagur er eins.

Mér finnst ekkert beint leiðinlegt þó að ég haldi að flestum finnist leiðinlegt að kveðja uppáhaldsgripi, hvort sem það er vegna veikinda eða í sláturhús. Mest krefjandi hins vegar finnst mér allt sem tengist kornræktinni. Það er alltaf kapphlaup að koma korninu niður á réttum tíma og svo þegar maður er loksins farinn að anda eftir sumarið koma haustlægðirnar skemmtilegu sem láta mann stressast aftur upp að missa uppskeruna af korninu.

Ingvar: Skemmtilegustu verkin eru öll sem tengjast kúnum og kornrækt. (Jákvæður maður sem finnst ekkert leiðinlegt við búskap.)

Hverjar eru áskoranirnar? Fjármálin, þar sem áskoranirnar eru aðallega að gera búskap hagkvæmari, umhverfisvænni og samkeppnishæfari við innflutning. Þetta tengist í flestum tilfellum fjármögnun eins og byggingu/breytingu húsakosta og tækjakaupa.

Hvernig væri hægt að gera búskap ykkar hagkvæmari? Það er alltaf hægt að gera búskapinn hagkvæmari með því að nýta hliðarafurðir betur. Eins er alltaf hægt að gera betur í fóðuröflun með tilliti til betri yrkja í kornrækt og grænfóðri.

Eftirminnilegasta atvikið við bústörfin? Það sem stendur upp úr hjá mér er kannski ekki beint atvik heldur kýr, en það er hún Prinsessa mín. Ég hafði greinilega á tilfinningunni að hún yrði dekurdýr þegar ég nefndi hana sem kálf, hún er virkilega einstök og gerir alla daga aðeins skemmtilegri í fjósinu.

Bændurnir í Reykjahlíð taka yfir Instagram Bændablaðsins @baendabladid næstu daga en einnig er hægt að fylgjast með þeim @reykjahlid

Svín og korn
Bóndinn 12. júlí 2024

Svín og korn

Bændurnir í Laxárdal stunda svína- og kornrækt en lesendur munu geta fylgst með ...

Góð samvinna
Bóndinn 28. júní 2024

Góð samvinna

Þau Eyjólfur Ingvi Bjarnason og Guðbjört Lóa Þorgríms- dóttir tóku við búinu Ásg...

Reksturinn í góðum höndum
Bóndinn 14. júní 2024

Reksturinn í góðum höndum

Bústjóri og fjósameistari Flateyjar á Mýrum taka nú við keflinu en lesendur geta...

Með korn og kýr í haga
Bóndinn 31. maí 2024

Með korn og kýr í haga

Nú kynnast lesendur búskapnum á Reykjahlíð í Skeiða- og Gnúpverjahreppi, en við ...

Bjartsýnir geitabændur
Bóndinn 17. maí 2024

Bjartsýnir geitabændur

Nú kynnast lesendur búskapnum á Gilhaga í Öxarfirði, en við gefum Brynjari Þór V...

Starfinu fylgja forréttindi
Bóndinn 29. apríl 2024

Starfinu fylgja forréttindi

Elínborg Erla Ásgeirsdóttir býr í Breiðargerði í fyrrum Lýtingsstaðahreppi í Ska...

Dýrmæt samvinna
Bóndinn 15. apríl 2024

Dýrmæt samvinna

Þórdís Halldórsdóttir bóndi kynnir lesendum búskap sinn á Ytri-Hofdölum í Skagaf...

Verðmæti til í öllu
Bóndinn 22. mars 2024

Verðmæti til í öllu

Grænegg eiga sér tæplega 70 ára fjölskyldusögu í hænsnarækt auk þess sem Sveinbj...