Tvö ný í stjórn Bændasamtaka Íslands

Ný stjórn Bændasamtaka Íslands var kjörin á Búnaðarþinginu sem lauk fyrir stundu. 

Trausti JHjálmarsson, sauðfjárbóndi í Austurhlíð, er áfram formaður stjórnar. Ný í stjórn eru Oddný Anna Björnsdóttir, sem rekur blandaðan búskap á Gautavík í Berufirði, og Steinþór Logi Arnarsson, sauðfjárbóndi á Stórholti og formaður Samtaka ungra bænda.

Áfram í stjórn sitja Axel Sæland, garðyrkjubóndi á Espiflöt, Petrína Þórunn Jónsdóttir, svínaræktarbóndi í Laxárdal, Reynir Þór Jónsson, nautgripa- og sauðfjárbóndi á Hurðarbaki í Flóa, og Sigurbjörg Ottesen, nautgripa- og sauðfjárbóndi við Hjaðarfell.

Úr stjórn gengu Eyjólfur Ingvi Bjarnason og Herdís Magna Gunnarsdóttir.

Varastjórn skipa í þessari röð Eyjólfur Ingvi Bjarnason, Sigrún Hanna Sigurðardóttir, Jón Helgi Helgason, Ásta Arnbjörg Pétursdóttir og Sveinn Þ. Finster Úlfarsson.