Vinsamlegast athugið að þetta efni er eldra en 10 ára.
Til að framleiða Whisky í tvö lítil staup þarf heilt baðkar af vatni
Fréttir 20. janúar 2015

Til að framleiða Whisky í tvö lítil staup þarf heilt baðkar af vatni

Höfundur: Hörður Kristjánsson

Vatn hefur meira notagildi en olía og er auk þess undirstaða lífs á jörðinni. Hins vegar hefur maðurinn farið mjög óvarlega með þetta dýrmæta vatn og horfir því víða um heim fram á vatnsskort í náinni framtíð.

Í bókinni Your Water Footprint er að finna ýmsar áhrifaríkar staðreyndir um vatn og vatnsnotkun. Þar segir að eftir einn áratug muni þrír af hverjum fimm jarðarbúum finna fyrir vatnsskorti. Um óheyrilega vatnsnotkun við iðnaðarframleiðslu segir m.a. að það þurfi 7.600 lítra af vatni til að framleiða einar gallabuxur. Á bak við hvern einasta bolla af morgunkaffi liggi vatnsnotkun sem nemur 140 lítrum. Það er að segja vatnið sem fer í að rækta kaffibaunina og vinna hana áður en vatnið fer í bollann sem kaffi. Gríðarlegt vatn sé þannig notað við framleiðslu á öllum neysluvörum, þar með töldum fötum, farsímum og öðrum raftækjum. Til að framleiða Whisky í tvö lítil staup þarf að nota vatn sem fylla myndi heilt baðkar. Til að rækta og vinna bómull í eina stuttermaskyrtu þarf að nota um 3 tonn af vatni.

Um 300 lítra þarf  til að framleiða tvær brauðsneiðar

Á bak við morgunverðinn er líka mikil vatnsnotkun. Til að framleiða hráefni sem fer í að búa til brauðsneiðar sem við setjum í brauðristina þarf að nota um 300 lítra af vatni. Til að framleiða tvö hænuegg fara samkvæmt bókinni um 400 lítrar af vatni, en þar á bakvið er væntanlega eldi á varphænunni og ræktun fóðursins sem hún étur. Þá eru tvær litlar beikonsneiðar sagðar útheimta um 300 lítra vatnsnotkun.

5,5 lítrar fara í að framleiða plastflösku fyrir hálfan vatnslítra

Þegar við kaupum vatn í hálfs lítra plastflösku, þá er búið að nota  um 5,5 lítra af vatni við að framleiða flöskuna sjálfa en plastið er unnið úr olíu.


Vesturlandabúar nota tvöfalt meira en meðaltal jarðarbúa

Fyrir utan þetta allt saman notum við óhemjumikið af vatni til að svala þorstanum, til eldunar og til að þvo okkur og umhverfi okkar. Þannig er talið að Bandaríkjamenn noti að meðaltali um  300 til 400 lítra af vatni á dag. Mesta vatnsnotkunin er þó við að sturta niður úr klósettinu. Ef öll vatnsnotkun vegna okkar lífshátta er talin með er áætlað að hver og einn Vesturlandabúi noti að meðaltali um 7.500 lítra af vatni á dag, sem er um tvöföld meðaltalsvatnsnotkun jarðarbúa. Líkum má leiða að því að Íslendingar noti miklu meira vatn en þetta. 

Skylt efni: vatn | Umhverfismál

Forvarnir gegn hófsperru verði hluti af ábyrgu hestahaldi
Fréttir 20. júní 2025

Forvarnir gegn hófsperru verði hluti af ábyrgu hestahaldi

Hófsperra er kvalafullur sjúkdómur í hrossum sem sífellt er að verða algengari h...

Eyjalín sópaði að sér verðlaunum á Skeifudeginum
Fréttir 20. júní 2025

Eyjalín sópaði að sér verðlaunum á Skeifudeginum

Skeifudagurinn fór fram í blíðskaparveðri sumardaginn fyrsta á Hvanneyri þar sem...

Lítill vöxtur í kjötframleiðslu á tólf mánaða tímabili
Fréttir 19. júní 2025

Lítill vöxtur í kjötframleiðslu á tólf mánaða tímabili

Samkvæmt nýlegum gögnum Hagstofu Íslands var heildarkjötframleiðsla nú í apríl á...

Spornar gegn dvöl fólks á hættusvæðum ofanflóða
Fréttir 19. júní 2025

Spornar gegn dvöl fólks á hættusvæðum ofanflóða

Næsta haust mun Jóhann Páll Jóhannsson, umhverfis-, orkuog loftslagsráðherra, mæ...

Pikkoló færir kaupmanninn aftur á hornið
Fréttir 19. júní 2025

Pikkoló færir kaupmanninn aftur á hornið

Á fimm stöðum á höfuðborgarsvæðinu má sjá lítil viðarhús merkt Pikkoló sem er ís...

Einkunnamet slegin á vorsýningum
Fréttir 19. júní 2025

Einkunnamet slegin á vorsýningum

Glæsileg kynbótahross hafa hlotið háar einkunnir og eftirtekt fyrir framgöngu sí...

Nóg af heitu vatni til að kynda öll hús
Fréttir 19. júní 2025

Nóg af heitu vatni til að kynda öll hús

Í maí 2024 fannst heitt vatn í Tungudal við Ísafjörð, aðeins um þremur kílómetru...

Spornað við útrýmingu
Fréttir 19. júní 2025

Spornað við útrýmingu

Nýlega var stofnað Fagráð um geitfjárrækt. Er það talið nauðsynlegt til að stuðl...