Vinsamlegast athugið að þetta efni er eldra en 7 ára.
Tekur við stjórnsýsluverkefnum sem flytjast frá Bændasamtökum Íslands
Mynd / Hörður Kristjánsson
Fréttir 21. janúar 2015

Tekur við stjórnsýsluverkefnum sem flytjast frá Bændasamtökum Íslands

Höfundur: Hörður Kristjánsson

Sjálfstæð rekstrareining hefur verður sett á laggirnar innan Bændasamtaka Íslands frá og með 1. janúar 2015 sem mun sinna þeim stjórnsýsluverkefnum sem Atvinnuvega- og nýsköpunarráðuneytið (ANR) hefur ákveðið að flytjist frá Bændasamtökunum.

Á síðasta ári var vinna í gangi við flutning stjórnsýsluverkefna frá Bændasamtökunum til stofnana ANR. Á haustdögum ákvað ráðuneytið að fresta flutningnum um eitt ár en undirritaður hefur verið þríhliða samningur milli Bændasamtakanna, ráðuneytisins og Matvælastofnunar um hvernig að þessum málum verður staðið á árinu 2015. Vilji ráðuneytisins er þó skýr um að stjórnsýsluverkefnin færist til Matvælastofnunar eigi síðar en 1. janúar 2016. Þess vegna mun atvinnuvega- og nýsköpunarráðherra skipa verkefnisstjórn sem í eiga sæti fulltrúi ráðuneytisins, Matvælastofnunar og Bændasamtakanna og mun verkefnisstjórnin halda utan um vinnu við flutning stjórnsýsluverkefna frá Bændasamtökunum til Matvælastofnunar.

Sjálfstæð eining með sjálfstæðan fjárhag

Á árinu 2015 munu Bænda­samtökin áfram sinna þeim stjórn­sýsluverkefnum sem samkomulag náðist um að færðust frá samtökunum. Sett hefur verið á stofn sjálfstæð rekstrareining með sjálfstæðum fjárhag. Með því er tryggt fullt fjárhags- og bókhaldslegt sjálfstæði rekstrareiningarinnar.

Búnaðarstofa með fjórum starfsmönnum

Vinnuheiti hinnar nýju rekstrar­einingar innan Bændasamtakanna verður Búnaðarstofa. Búnaðarstofa hóf starfsemi þann 5. janúar og verður hún staðsett í sérgreindu húsnæði á 3. hæð Bændahallarinnar. Starfsmenn hennar eru eftirtaldir: Jón Baldur Lorange, forstöðumaður, Ómar S. Jónsson, fjármálastjóri, Ásdís Kristinsdóttir og Guðrún S. Sigurjónsdóttir, fulltrúar. Verkefni Búnaðarstofu eru stjórnsýsluverkefni í tengslum við búvörusamninga og búnaðarlagasamning.

Annast stuðningsgreiðslur til bænda

Að sögn Jóns Baldurs er hér um að ræða viðamikil og vandasöm stjórnsýsluverkefni í tengslum við stuðningsgreiðslur til landbúnaðar. Þannig mun Búnaðarstofa fara með verkefni varðandi framleiðslustjórn og beingreiðslur o.fl. varðandi mjólkur- og sauðfjárframleiðslu, verkefni vegna ullarnýtingar, markaðsstarfs og birgðahald, og nýliðunarsamninga, umsjón með framkvæmd beingreiðslna í garðyrkju, utanumhald greiðslumarksskráa, annast framkvæmd greiðslu til framleiðenda sem njóta framlaga til aðlögunar að lífrænni ræktun og að síðustu má nefna utanumhald og framkvæmd á greiðslum vegna jarðræktarstyrkja og styrkja vegna vatnsveituframkvæmda.

Unnið eftir handbók um innra eftirlit

Starfsfólk Búnaðarstofu mun vinna eftir handbók um innra eftirlit. Í Búnaðarstofu verður haldið áfram þróun á tölvukerfinu AFURÐ, sem heldur utan um greiðslukerfi landbúnaðarins, og samhliða er hin rafræna upplýsingagátt í landbúnaði, Bændatorgið, þróuð í samvinnu við Bændasamtökin, þar sem beitt er aðferðum rafrænnar stjórnsýslu í sem mestum mæli. Þá tók Jón Baldur fram að flest þessara verkefna væru unnin nú þegar í umboði Matvælastofnunar samkvæmt sérstöku samkomulagi þar um og í samræmi við reglugerðir. Árið yrði nýtt til að treysta þá samvinnu enn frekar til að vinna að flutningi verkefna að fullu til Matvælastofnunar í samræmi við vilja ráðuneytisins.

Skylt efni: Búnaðarstofa

Tillögur matvælaráðherra til fæðuöryggis Íslands
Fréttir 18. maí 2022

Tillögur matvælaráðherra til fæðuöryggis Íslands

Í gær lagði Svandís Svavarsdóttir matvælaráðherra fram tillögur fyrir ríkisstjór...

Auglýsing um tollkvóta vegna innflutnings á blómum
Fréttir 18. maí 2022

Auglýsing um tollkvóta vegna innflutnings á blómum

Umsóknar- og tilboðsferli vegna úthlutunar tollkvótans fer fram með rafrænum hæt...

Eftirspurnin eftir liþíum talin vaxa um 4.000% til 2040
Fréttir 18. maí 2022

Eftirspurnin eftir liþíum talin vaxa um 4.000% til 2040

Ört vaxandi verð á liþíum, sem notað er m.a. í bíla- og tölvu­rafhlöður, er fari...

Miðaldaminjar fundnar í Grímsey
Fréttir 17. maí 2022

Miðaldaminjar fundnar í Grímsey

Nú er unnið að undirbúningi kirkjubyggingar í Grímsey en smíði hennar mun hefjas...

Fjórtán ára meðhjálpari í Saurbæjarkirkju
Fréttir 17. maí 2022

Fjórtán ára meðhjálpari í Saurbæjarkirkju

Tryggvi Sveinn Eyjólfsson er yngsti meðhjálpari landsins því hann er aðeins 14 á...

Uppbygging hringrásarhagkerfis Mývatnssveitar
Fréttir 17. maí 2022

Uppbygging hringrásarhagkerfis Mývatnssveitar

Fyrir nokkru var undirrituð samstarfsyfirlýsing á milli Skútu­staða­hrepps og Pl...

Nesbú með nýtt lífrænt hænsnahús í Flóanum fyrir 18 þúsund fugla
Fréttir 16. maí 2022

Nesbú með nýtt lífrænt hænsnahús í Flóanum fyrir 18 þúsund fugla

Nesbú á Vatnsleysuströnd er þessa dagana að taka í notkun nýtt og glæsilegt lífr...

Kolvetnasnauðu Queen Anne kartöflurnar fá góðar viðtökur
Fréttir 16. maí 2022

Kolvetnasnauðu Queen Anne kartöflurnar fá góðar viðtökur

Nýverið kom á markað kartaflan Queen Anne frá Þórustaða Kartöflum sem hefur mun ...