Vinsamlegast athugið að þetta efni er eldra en 5 ára.
Barbara Abdeni Massaad rakti forsögu bókaútgáfunnar á viðburði á Slow Food-hátíðinni sem haldin var í Tórínó í haust.
Barbara Abdeni Massaad rakti forsögu bókaútgáfunnar á viðburði á Slow Food-hátíðinni sem haldin var í Tórínó í haust.
Mynd / smh
Fréttir 11. janúar 2017

Súpa fyrir Sýrland

Höfundur: smh
Barbara Abdeni Massaad er líbönsk hugsjónakona, formaður Slow Food-deildarinnar í heimalandi sínu og höfundur bókarinnar Súpa fyrir Sýrland, sem gefin var út fyrir rúmu ári. Tilgangur bókaútgáfunnar er að leggja hjálparstarfi Sameinuðu þjóðanna lið í því að sjá stríðshrjáðu flóttafólki frá Sýrlandi fyrir matarnauðsynjum.
 
Massaad, sem er ljósmyndari, sjónvarpskona og matreiðslubókahöfundur með meiru, kynnti verkefni sitt á Slow Food-hátíðinni í Tórínó í lok september síðastliðnum. 
 
Hún býr í Beqaa-dalnum í Líbanon þar sem um hálf milljón flóttafólks hafðist við í flóttamannabúðum, þegar hún fór að láta sig varða um ástand þess fyrir rúmu ári síðan. „Ég vissi af þessum flóttamannabúðum og hugsaði oft til fólksins þar og um aðbúnaðinn hjá þeim – og hugsanirnar létu mig ekki í friði. Ég fór því að venja komur mínar í búðirnar í hverri viku sem eru í um 45 mínútna fjarlægð frá húsinu mínu. Ég vissi í raun ekki hvernig ég gæti hjálpað í fyrstu. Þar sem ég er ljósmyndari var ég alltaf með myndavélina með mér og safnaði myndefni um leið og ég talaði við fólkið. Ég er líka matarbókahöfundur því varð mér smám saman ljóst hvernig ég gat lagt mitt lóð á vogarskálarnar til hjálpar. Við vinkona mín byrjuðum bara á að búa til súpu á Slow Food-markaðnum okkar og fara með í flóttamannabúðirnar. Svo fæddist hugmynd sem mér fannst stórsniðug; að nota myndirnar sem ég hafði tekið og búa til súpuuppskriftabók, því súpa er frábær matur og nærir bæði líkama og sál. 
 
Þar sem ég er formaður Slow Food-hreyfingarinnar í Líbanon á ég marga vini um allan heim og gott tengslanet. Ég nýtti mér það til að fá þekkt nöfn til liðs við mig – og leggja til uppskriftir fyrir bókina. En ég vildi líka fá uppskriftir frá þeim sem standa mér næst; fjölskyldu, nágrönnum og vinum. Ég stofnaði því Facebook-síðu og bað allt þetta fólk um að leggja til uppskriftir. Svo fórum við í strangt matsferli og mátum þær 200 uppskriftir sem bárust,“ sagði Barbara um aðdragandann að útgáfu bókarinnar.
 
Samhygðin mælikvarðinn á siðmenninguna
 
Carlo Petrini, stofnandi og forseti Slow Food-hreyfingarinnar, ritar formála að henni. Þar segir hann meðal annars: „Mælikvarði á siðmenningu fólks er meðal annars hversu viljugt það er að sýna fólki samhygð sem er í neyð.  Ef þetta á við um staðbundin samfélög gildir þetta enn frekar á alþjóðlegum vettvangi.  Á okkar tímum hefur aldrei verið meira aðkallandi fyrir okkur að hafa þetta í huga en nú, þegar við höfum allt of lengi þurft að horfa upp á hinar yfirþyrmandi hörmungar í Sýrlandi. […]
 
Hið fallega við þetta verkefni [Súpa fyrir Sýrland] er matarþemað, en matur er alltaf gagnlegt tæki til að tengja fólk saman og byggja brýr með. Það kemur enda ekki á óvart að eitt að því fyrsta sem ráðist er gegn og eyðilagt, þegar stríð brýst út, er matvælaframleiðsla og landbúnaður. Kerfisbundið hefur verið ráðist að bændum í Sýrlandi og ræktarlönd eyðilögð – sjálfsmyndin rifin í sundur og búseta í dreifbýli útilokuð um langan tíma.“ [Lausleg þýðing blm.]
 
Áttatíu súpuuppskriftir
 
Nærri 80 manns leggja til uppskriftir í bókina; allflestir nafnkunnir matreiðslumenn og matreiðslubókahöfundar. 
 
Þeir sem vilja leggja verkefninu lið – og eignast í leiðinni úrval súpuuppskrifta úr smiðju meistarakokka – geta keypt bókina á vefnum í gegnum slóðina soupforsyria.com, þar sem frekari upplýsingar um verkefnið er að finna. 

8 myndir:

Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...