Vinsamlegast athugið að þetta efni er eldra en 7 ára.
Starfsemi Þekkingarseturs hefur aukist undanfarin misseri, en hún fer fram í gamla Kvennaskólanum.
Starfsemi Þekkingarseturs hefur aukist undanfarin misseri, en hún fer fram í gamla Kvennaskólanum.
Mynd / huni.is
Fréttir 11. apríl 2016

Starfsemin vex hjá Þekkingarsetrinu á Blönduósi

Höfundur: Margrét Þóra Þórsdóttir
Þekkingarsetrið á Blönduósi hefur ráðið Katrínu Sif Rúnarsdóttur til starfa í Kvennaskólanum til eins árs. Starfið er annað af tveimur stöðugildum sem Þekkingarsetrið fékk úthlutað frá Norðvesturnefndinni nú í vetur.
 
Starfsemi Þekkingarsetursins hefur vaxið og dafnað síðan það var stofnað fyrir fjórum árum. Markmið setursins er m.a. að vera miðstöð rannsókna- og þróunarverkefna á sviði textíls, strandmenningar og laxfiska, og stuðla að aukinni fjölbreytni atvinnulífs með fræðslustarfi, eflingu háskólamenntunar, vísinda­rannsóknum og nýsköpunarstarfi.
 
50 listamenn hafa staðfest komu sína
 
Á undanförnum árum hefur áhersla verið lögð á eflingu náms á sviði textíls og uppbyggingar textíllistamiðstöðvarinnar í Kvennaskólanum í samstarfi við Textílsetur Íslands og Heimilisiðnaðarsafnið á Blönduósi. Þessi vinna hefur svo sannarlega skilað sér og hefur starfsemin aukist ár frá ári. Nemendur Listaháskóla Íslands og danskir textílnemendur frá Kaupmannahöfn koma nú reglulega í starfsnám og nýta aðstöðu og fræðslu á staðnum. Aðsókn í listamiðstöðina, sem er rekin af Textílsetri Íslands, hefur aukist stöðugt og nú þegar hafa 50 listamenn frá öllum heimshornum staðfest komu sína árið 2016. Auk þess hefur verið unnin úttekt á vefstofu og vefstólum í Kvennaskólanum og vinna við endurbætur á aðstöðunni hafin.
 
Hlutverk nýs starfsmanns verður m.a. að vinna almenn skrifstofustörf, aðstoða textíllistamenn sem og nemendur sem nýta sér námsver og fjarprófsaðstöðu í Kvennaskólanum. Einnig mun Katrín, sem er ferðamálafræðingur að mennt, veita upplýsingar til ferðamanna og annarra gesta sem heimsækja Kvennaskólann en þar eru einnig staðsett Vatnsdæla á Refli og Minjastofur á vegum Vina Kvennaskólans. Frá þessu er sagt á vefnum huni.is.
Tilboðsmarkaður opinn
Fréttir 4. mars 2024

Tilboðsmarkaður opinn

Markaður fyrir greiðslumark mjólkur verður haldinn þann 1. apríl næstkomandi.

Ríkt af B12-vítamíni, fólati, kalíum og sinki
Fréttir 1. mars 2024

Ríkt af B12-vítamíni, fólati, kalíum og sinki

Samkvæmt niðurstöðum verkefnis sem nýlega var unnið hjá Matís, um nýtingu og nær...

Vaxtalækkun lána
Fréttir 1. mars 2024

Vaxtalækkun lána

Fram kom í frétt Bændablaðsins, 2. nóvember 2023, að stjórn Byggðastofnunar hefð...

Endurvinnslan er mest innanlands
Fréttir 29. febrúar 2024

Endurvinnslan er mest innanlands

Guðlaugur Gylfi Sverrisson, rekstrarstjóri Úrvinnslusjóðs, segir stjórn sjóðsins...

Háskóladagurinn á fjórum stöðum
Fréttir 29. febrúar 2024

Háskóladagurinn á fjórum stöðum

Háskóladagurinn verður haldinn í Reykjavík laugardaginn 2. mars.Þá gefst fólki k...

Rýnt í lagaumgjörð hvalveiða
Fréttir 29. febrúar 2024

Rýnt í lagaumgjörð hvalveiða

Forsætisráðherra hefur skipað starfshóp sem falið er að skoða lagaumgjörð hvalve...

Rækta má hundruð kílóa kjöts af einni stofnfrumu
Fréttir 28. febrúar 2024

Rækta má hundruð kílóa kjöts af einni stofnfrumu

Vistkjöt var boðið til smökkunar í Kópavoginum um miðjan mánuð, í fyrsta sinn í ...

Lambhagi notar „Íslenskt staðfest“
Fréttir 28. febrúar 2024

Lambhagi notar „Íslenskt staðfest“

Vigdís Häsler, framkvæmdastjóri Bændasamtaka Íslands, og Hafberg Þórisson, eigan...