Vinsamlegast athugið að þetta efni er eldra en 8 ára.
Sérræktaðir hundar skynja sprengiefni og krabbameinsfrumur
Fréttir 18. júní 2015

Sérræktaðir hundar skynja sprengiefni og krabbameinsfrumur

Höfundur: Hörður Kristjánsson

Rússneska flugfélagið Aeroflot greindi frá merkum vísindalegum niðurstöðum þann 19. maí sl. Snýst þetta um rannsóknir á sérræktuðu hundakyni sem nefnist Sulimov og hefur verið notað við leit að sprengjum og öðrum hættulegum efnum.

Í frétt á PRnewswire segir að árangur hundanna hafi nú verið vísindalega staðfestur og tengt þessu sé notkun hunda við að greina kabbamein. Hefur þessi árangur náðst í samstarfi hundaöryggisdeildar Aeroflot og virtra rússneskra vísindamanna. Hefur verið unnið að þessum rannsóknum í sérstöku þróunarverkefni í fluginu.  

Nýtt hundaafbrigði ræktað upp úr tveimur hundakynjum

Í rannsóknunum var notast við hið einstaka Sulimov-hundakyn sem varð til við kynblöndun á Laika-smalahundum (líka þekktir sem hreindýrasmalahundar Lappa, Lapponian Herders) og sjakala af heittempruðum svæðum (Turkmen golden Jackals). Var þar verið að kynblanda tegundir sem lifa við mjög ólíkar og öfgafullar aðstæður. Smalahundarnir geta lifað í allt að   -70° frosti og sjakalarnir njóta þess að vera í miklum hita eða um 40 gráðum á Celsíus. Einnig hafa Husky og fleiri hundategundir verið notaðir við kynblöndunina. 

Þetta hundakyn var þróað sérstaklega fyrir öryggisdeild Aeroflot af af Klim Sulimov og hefur hundakynið verið nefnt eftir honum. Klim Sulimov var áður aðstoðarmaður við Likhachev-rannsóknarstöðina í menningar- og umhverfisverndun. Kynblöndunarverkefni hans hófst árið 1975, en það var ekki fyrr en árið 2002 sem farið var að prófa Sulimov-hunda við sprengjuleit.

Hafa verið ræktaðar upp sjö kynslóðir þessara hunda sem allir eru í eigu Aeroflot og munu þeir nú vera um 40 talsins.

Þykja þeir sérlega hlýðnir og greindir eins og heimskautahundarnir og eru með einstakt þefskyn sem þeir hafa hlotið í arf frá sjakala-hundunum. Hafa Sulimov-hundarnir verið sérþjálfaðir og eru í eldi hjá hundasveit öryggisdeildar Aeroflot.

Hafa einstaka hæfni til að skynja hættuleg efni

Sérstaklega hefur verið rannsakað hvernig hundarnir bregðast við lykt og haga sér þegar þeir finna það efni sem þeim er ætlað að leita að. Hefur þetta atferli nú verið skýrt á vísindalegan máta af vísindamönnum Burnazian Biophysics Center og hvernig lyktarskyn hundanna virkar. Hefur einkum verið miðað við að hundarnir geti fundið 12 ólík sprengiefni og önnur hættuleg efni. Þá sýna þeir mikið frumkvæði við leit sem þykir einstakur eiginleiki. Hafa Sulimov-hundarnir hlotið staðfestingu af einkaleyfisstofu Rússlands.

Skynja líka krabbameinsfrumur

Í annarri rannsókn með hundana, sem sérfræðingar öryggisdeildar Aeroflot hafa einnig komið að, hefur komið í ljós eiginleiki hundanna til að greina krabbamein. Voru hundarnir látnir greina loftsýni í rannsóknarstofu. Kom í ljós í rannsóknunum að hundarnir geta greint krabbameinsfrumur með lyktarskyninu á fljótlegri og öruggari hátt en áður er þekkt. Þykir þessi samvinna hundasveitar öryggisdeildar Aeroflot og vísindamanna hafa skilað einstökum árangri sem geti m.a. leitt til aukins öryggis í flugsamgöngum.

Skylt efni: Hundar | Rússland | Aeroflot

Rækta má hundruð kílóa kjöts af einni stofnfrumu
Fréttir 28. febrúar 2024

Rækta má hundruð kílóa kjöts af einni stofnfrumu

Vistkjöt var boðið til smökkunar í Kópavoginum um miðjan mánuð, í fyrsta sinn í ...

Lambhagi notar „Íslenskt staðfest“
Fréttir 28. febrúar 2024

Lambhagi notar „Íslenskt staðfest“

Vigdís Häsler, framkvæmdastjóri Bændasamtaka Íslands, og Hafberg Þórisson, eigan...

Samræmt söfnunarkerfi
Fréttir 27. febrúar 2024

Samræmt söfnunarkerfi

Vinna á tillögu um útfærslu fyrir samræmt söfnunarkerfi dýraleifa á landsvísu se...

Áhyggjur af myglu, tollum og garðyrkjunámi
Fréttir 27. febrúar 2024

Áhyggjur af myglu, tollum og garðyrkjunámi

Deildarfundur garðyrkjubænda innan Bændasamtaka Íslands var haldinn 12. febrúar ...

Fjölbreytt verkefni
Fréttir 27. febrúar 2024

Fjölbreytt verkefni

Margþættar umræður sköpuðust á deildarfundi hrossabænda. Stofnverndarsjóður, hro...

Hugað að nýrri afurðastöð
Fréttir 27. febrúar 2024

Hugað að nýrri afurðastöð

Sláturfélag Suðurlands (SS) undirbýr nú uppbyggingu á nýrri afurðastöð fyrirtæki...

Ákall um meiri stuðning
Fréttir 27. febrúar 2024

Ákall um meiri stuðning

Deildarfundur geitfjárbænda innan Bændasamtaka Íslands var haldinn 12. febrúar. ...

Óberon besta nautið
Fréttir 26. febrúar 2024

Óberon besta nautið

Óberon 17046 frá Skeiðháholti 1 á Skeiðum hlaut nafnbótina besta naut fætt árið ...