Réttalistinn í smíðum
Höfundur: Katrín Lilja Jónsdóttir
Síðustu ár hefur Bændablaðið tekið saman lista yfir tíma- og staðsetningar rétta víðsvegar um landið. Listinn hefur notið mikilla vinsælda og nú er listinn í smíðum.
Mikilvægt er að upplýsingar um réttardaga berist sem fyrst til blaðsins. Eru fjallskilastjórar og forráðamenn sveitarfélaga, auk annarra sem hafa öruggar upplýsingar um réttahald í haust, því beðnir að senda þær upplýsingar til Sigrúnar Pétursdóttur, blaðamanns á Bændablaðinu á netfangið sigrunpeturs[hjá]bondi.is.
Réttalisti fyrir komandi haust mun svo birtast í næsta Bændablaði, sem kemur út 27. ágúst.
