Vinsamlegast athugið að þetta efni er eldra en 3 mánaða.
Rauðþörungar gætu hjálpað mjög til að draga úr metanlosun nautgripa.
Rauðþörungar gætu hjálpað mjög til að draga úr metanlosun nautgripa.
Fréttir 24. nóvember 2023

Rauðþörungar í fóðri gætu dregið mjög úr metanlosun nautgripa

Höfundur: Sigurður Már Harðarson

Iðragerjun nautgripa er aðalástæðan fyrir illu orðspori nautgriparæktar í loftslagslegu tilliti.

Langmest af losun gróður­húsalofttegunda nautgripa er úr meltingarfærum sem losna mest þegar gripirnir ropa við jórtur.

Nýlega var verkefni styrkt úr loftslagssjóði sem hefur þann tilgang að kanna áhrif íblöndunar rauðþörunga í fóður til verulegs samdráttar á þessari losun.

Hliðarstraumar úr öðru sjóeldi nýttir

Verkefnið heitir CircleFeed og hlaut styrk að fjárhæð 15 milljónir króna úr haustúthlutun Loftslagssjóðs, en það er samstarfsverkefni Bændasamtaka Íslands, Landbúnaðarháskóla Íslands og þörungafyrirtækjanna Lava Seaweed og Isea. Að sögn Þorvaldar Arnarssonar, verkefnastjóra hjá Bændasamtökum Íslands, er tilgangurinn að sannreyna hvort mögulegt sé að draga út metanlosun nautgripa hér á landi, svo sem gert hefur verið erlendis með prýðilegum árangri. „Niðurstöður erlendis frá benda eindregið til þess að mögulegt sé að ná allt að 90 prósent samdrætti í metanlosun hjarðdýra með því að blanda tiltekinni tegund rauðþörunga í kjarnfóður.“ Þorvaldur segir að rauðþörungarnir verði ræktaðir hjá Lava Seaweed í aðstöðu þess á Reykjanesi. „Affall HS Orku verður nýtt til að ná kjörhita við ræktunina, auk þess sem hlýr sjór úr sæsniglaeldi Sæbýlis og kaldur sjór úr laxeldi verður endurnýttur til ræktunarinnar.

Þannig eru hliðarstraumar annarrar framleiðslu nýttir til að þörungar geti tekið upp þau næringarefni sem uppleyst eru í sjónum. Þarna munum við í raun notast við náttúrulegar aðstæður til að skapa okkar eigið hringrásarhagkerfi til ræktunar þörunganna. Affall eldisins er með næringarefnum sem þörungarnir sjúga til sín og þurfa þannig enga aðra fóðrun.“

Að sögn Þorvaldar munu svo þörungarnir verða þurrkaðir og unnir af Isea í Stykkishólmi áður en þeim er blandað í kjarnfóður. Landbúnaðarháskóli Íslands sér svo um að mæla metanlosun þeirra gripa sem valdir verða til verkefnisins, auk þess að annast efnagreiningar og aðra umsýslu.

„Ef við horfum til heildartalna í losun gróðurhúsalofttegunda frá landbúnaði þá liggur það fyrir að metanlosun nautgripa er langstærsti losunarvaldurinn. Ef okkur tekst að að nýta náttúrulegar aðstæður til þess að rækta náttúrulegt efni sem dregur umtalsvert úr metanlosun þá drögum við klárlega vagninn í átt til markmiða stjórnvalda um samdrátt. Þetta er virkilega spennandi verkefni,“ segir Þorvaldur. „Samkvæmt nýlegri skýrslu Eflu verkfræðistofu nemur metanlosun nautgripa hér á landi um 275 þúsund tonnum á ári, sem er næstum helmingur þess sem íslenski fiskveiðiflotinn losar. Það er því til mikils að vinna í þessu,“ bætir hann við.

Verkefninu verður hleypt af stokkunum í upphafi nýs árs og mun standa yfir allt árið. 

Ríkt af B12-vítamíni, fólati, kalíum og sinki
Fréttir 1. mars 2024

Ríkt af B12-vítamíni, fólati, kalíum og sinki

Samkvæmt niðurstöðum verkefnis sem nýlega var unnið hjá Matís, um nýtingu og nær...

Vaxtalækkun lána
Fréttir 1. mars 2024

Vaxtalækkun lána

Fram kom í frétt Bændablaðsins, 2. nóvember 2023, að stjórn Byggðastofnunar hefð...

Endurvinnslan er mest innanlands
Fréttir 29. febrúar 2024

Endurvinnslan er mest innanlands

Guðlaugur Gylfi Sverrisson, rekstrarstjóri Úrvinnslusjóðs, segir stjórn sjóðsins...

Háskóladagurinn á fjórum stöðum
Fréttir 29. febrúar 2024

Háskóladagurinn á fjórum stöðum

Háskóladagurinn verður haldinn í Reykjavík laugardaginn 2. mars.Þá gefst fólki k...

Rýnt í lagaumgjörð hvalveiða
Fréttir 29. febrúar 2024

Rýnt í lagaumgjörð hvalveiða

Forsætisráðherra hefur skipað starfshóp sem falið er að skoða lagaumgjörð hvalve...

Rækta má hundruð kílóa kjöts af einni stofnfrumu
Fréttir 28. febrúar 2024

Rækta má hundruð kílóa kjöts af einni stofnfrumu

Vistkjöt var boðið til smökkunar í Kópavoginum um miðjan mánuð, í fyrsta sinn í ...

Lambhagi notar „Íslenskt staðfest“
Fréttir 28. febrúar 2024

Lambhagi notar „Íslenskt staðfest“

Vigdís Häsler, framkvæmdastjóri Bændasamtaka Íslands, og Hafberg Þórisson, eigan...

Samræmt söfnunarkerfi
Fréttir 27. febrúar 2024

Samræmt söfnunarkerfi

Vinna á tillögu um útfærslu fyrir samræmt söfnunarkerfi dýraleifa á landsvísu se...