Vinsamlegast athugið að þetta efni er eldra en 6 ára.
Ágúst Torfi Hauksson, framkvæmdastjóri Norðlenska. Sauðfjárslátrun verður aflögð á Höfn á vegum Norðlenska í haust að óbreyttu.
Ágúst Torfi Hauksson, framkvæmdastjóri Norðlenska. Sauðfjárslátrun verður aflögð á Höfn á vegum Norðlenska í haust að óbreyttu.
Mynd / MÞÞ
Fréttir 20. apríl 2016

Norðlenska hættir rekstri sláturhússins á Höfn

Höfundur: smh
Eins og greint var frá á dögunum hefur Norðlenska ákveðið að hætta rekstri sláturhússins á Höfn í Hornafirði. Stjórn Norðlenska tilkynnti stjórn Sláturfélagsins Búa, sem á um 70 prósent í sláturhúsinu, um þetta í byrjun mars; að sauðfjárslátrun yrði ekki á þeirra vegum á Höfn í næstu sláturtíð.  
 
Á Höfn í Hornafirði er starfrækt sauðfjár- og stórgripasláturhús í gömlu frystihúsi við höfnina sem breytt var í sláturhús. Um 34 þúsund fjár var slátrað á Höfn í síðustu sláturtíð.
 
Ágúst Torfi Hauksson, framkvæmdastjóri Norðlenska, segir að ekki sé gert ráð fyrir slátrun sauðfjár á vegum Norðlenska á Höfn haustið 2016, að óbreyttu. 
 
„Slátrun á Höfn hefur verið um 50 prósent dýrari en slátrun í slátur­húsi félagsins á Húsavík. Miðað við núverandi stöðu á kjötmarkaði eru stjórnendur og stjórn Norðlenska nauðbeygð til að leita allra leiða til að draga úr kostnaði til að standa vörð um eign hluthafa í félaginu, þar sem eru yfir 500 bændur.
 
Við teljum að þessar breytingar séu óumflýjanlegar og staðan á kjötmarkaði þvingi fram hagræðingu í greininni,“ segir Ágúst.
 
Stórgripaslátrun óbreytt um sinn
 
Í tilkynningu á vef Norðlenska er svo greint frá því að Norðlenska geri ráð fyrir því að slátra því sauðfé sem bændur á svæðinu óska eftir að leggja inn hjá félaginu í komandi sláturtíð, í sláturhúsi félagsins á Húsavík.
 
„Unnið er að málinu í samvinnu við Sláturfélagið Búa, sem er meðeigandi í sláturhúsinu með Norðlenska. Fundað verður með bændum á svæðinu á næstu vikum og haft samband við alla innleggjendur varðandi breytt fyrirkomulag.
 
Norðlenska er að leita leiða til að tryggja innleggjendum stórgripa hjá félaginu slátrun og þjónustu til frambúðar.  Stórgripaslátrun verður starfrækt með óbreyttu sniði á Höfn fyrst um sinn.
 
Mikilvægt er að bændur sem lagt hafa inn sauðfé til slátrunar hjá Norðlenska á Höfn geri grein fyrir áætluðu innleggi sínu til félagsins á komandi hausti sem fyrst,“ segir í tilkynningunni.
 
Heimamenn fóru yfir málin með bæjarstjórn Hornafjarðar á fundi þann 17. mars, en engin tíðindi voru af þeim fundi.
 
Aðalfundur Búa var haldinn 6. apríl síðastliðinn og þar var kosin ný stjórn sem mun taka ákvörðun um næstu skref í málinu.

Skylt efni: sláturhús

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...

Samdráttur í sölu á fræi
Fréttir 8. júní 2022

Samdráttur í sölu á fræi

Samkvæmt lauslegri könnun Bændablaðsins er búið að flytja inn rúm tvö tonn a...

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu
Fréttir 8. júní 2022

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu

Rúmlega tuttugu íslensk fyrirtæki sem tengjast landbúnaði og matvælaframleiðslu ...