Vinsamlegast athugið að þetta efni er eldra en 6 ára.
Metfjöldi nýliðunarumsókna í sauðfjárrækt 2015
Fréttir 4. maí 2015

Metfjöldi nýliðunarumsókna í sauðfjárrækt 2015

Höfundur: Hörður Kristjánsson
Búnaðarstofa hefur farið yfir alla umsóknir sem bárust um nýliðunarstyrki í sauðfjárrækt árið 2015. Að þessu sinni kom til afgreiðslu metfjöldi umsókna. 
 
Boðið var upp á að nýliðar í sauðfjárrækt gætu sótt um styrki með rafrænum umsóknum á Bændatorginu. Jón Baldur Lorange, forstöðumaður Búnaðarstofu, segir að almenn ánægja sé með þetta fyrirkomulag. 
„Þegar rafræn umsókn var fyllt út voru sjálfkrafa sóttar upplýsingar sem settar voru sem skilyrði fyrir nýliðunarstyrk, svo sem úr haustskýrslum (forðagæslu), gæðastýringu í sauðfjárrækt og upplýsingar um beingreiðslur viðmiðunartímabilsins í samræmi við verklagsreglur,“ segir Jón Baldur. 
 
Verklagsreglur um úthlutun bústofnskaupastyrkja til frumbýlinga er að finna í Viðauka IV í reglugerð nr. 1100/2014. Umsóknarfrestur var framlengdur frá 1. mars til 15. mars 2015. 
 
40 sóttu um nýliðunarstyrki
 
Alls bárust 40 umsóknir frá einstaklingum um nýliðunarstyrki þar sem sótt var um í fyrsta sinn. 
Búnaðarstofa lagði til við stjórn Bændasamtaka Íslands á stjórnarfundi 21. apríl sl. að 33 umsóknir verði samþykktar, alls að upphæð 34.575.800 kr. Fimm umsóknum verði frestað, alls að upphæð 7.785.500 kr., og loks er lagt til að 2 umsóknum verði hafnað þar sem þær stóðust ekki skilyrði fyrir styrkveitingu. Ef allar umsóknir koma til útgreiðslu (samþykktar og frestað) að lokum er heildarstyrkupphæð 42.361.300 kr. til þeirra nýliða sem sóttu um í fyrsta sinn. 
 
44 sóttu um framhaldsstyrki
 
Alls bárust 44 umsóknir frá einstaklingum um framhaldsstyrki. Búnaðarstofa lagði til við stjórn BÍ að 37 þeirra verði samþykktar, 6 frestað og 1 hafnað (sótt um í 6. skipti) og samþykkti stjórn BÍ þá afgreiðslu á stjórnarfundi 21. apríl sl.
 
Heildarfjárhæð, ef allar umsóknir koma til útgreiðslu að þessu sinni (samþykktar og frestað), er 59.189.698 kr. og eru veittir fjármunir til nýliðunar (frumbýlingar) í samræmi við samning um starfsskilyrði í sauðfjárrækt. Viðmiðunarupphæð framlags er 5.000 kr. á kind, en framlag er þó aldrei hærra en kaupverð. 
 
Samkvæmt upplýsingum Búnaðarstofu þarf því ekki að grípa til skerðingar í samræmi við 5. gr. verklagsreglna en viðmiðunarupphæð framlags á kind lækkar miðað við úthlutun undanfarin ár. Búnaðarstofa stefnir að því að greiða út styrki um mánaðamótin apríl/maí til þeirra sem hafa samþykkt samning um skilyrði sem sett eru fyrir styrkveitingu. Umsækjendum mun verða sendur tölvupóstur þar sem þeir eru beðnir um að samþykkja samning. Hann er síðan unnt að samþykkja með rafrænu auðkenni á Bændatorginu.  
Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...

Landselastofninn við sögulegt lágmark
Fréttir 3. desember 2021

Landselastofninn við sögulegt lágmark

Hafrannsóknastofnun leggur til að beinar veiðar á landsel verði áfram takmarkaða...

Innflutningur á dönskum jólatrjám dregst saman en sala íslenskra eykst
Fréttir 2. desember 2021

Innflutningur á dönskum jólatrjám dregst saman en sala íslenskra eykst

Fyrsta helgin í sölu íslenskra jólatrjáa er nú fram undan í íslenskum jólaskógum...

Fjármálaráðherra vill skoða kaup á Hótel Sögu
Fréttir 2. desember 2021

Fjármálaráðherra vill skoða kaup á Hótel Sögu

Í frumvarpi fjármálaráðherra til fjárlaga fyrir árið 2020 er lagt til að skoða m...

Sauðfjárbændum hefur fækkað um ríflega þriðjung á 40 árum
Fréttir 2. desember 2021

Sauðfjárbændum hefur fækkað um ríflega þriðjung á 40 árum

Á síðasta ári voru sauðfjárbændur í landinu 2.078 samkvæmt haustskýrslum og höfð...

Sóknarmöguleikar sem verðskulda athygli og uppbyggingu
Fréttir 2. desember 2021

Sóknarmöguleikar sem verðskulda athygli og uppbyggingu

„Mér finnst ég standa inni í málaflokki sem er bæði tengdur sterkt inn í fortíð ...