Vinsamlegast athugið að þetta efni er eldra en 7 ára.
Frá aðalfundi Landssambands kúabænda sem haldinn var á Akureyri fyrir skömmu.
Frá aðalfundi Landssambands kúabænda sem haldinn var á Akureyri fyrir skömmu.
Mynd / MÞÞ
Fréttir 4. maí 2017

Meirihluti kúabænda jákvæður gagnvart greiðslumarkskerfi

Höfundur: Margrét Þóra Þórsdóttir
Meirihluti kúabænda sem þátt tóku í skoðanakönnun sem stjórn Landssambands kúabænda lét gera um miðjan mars er frekar eða mjög jákvæður gagnvart núverandi greiðslumarkskerfi.
 
Könnunin var send út um miðjan marsmánuð á 621 bú og bárust svör frá 387 þeirra. Niðurstaðan var sú að 73,5% þeirra sem þátt tóku voru jákvæð gagnvart greiðslumarkskerfinu sem nú er í gildi, 14,6% voru mjög eða frekar neikvæðir gagnvart kerfinu.  Tilgangur könnunarinnar var að kafa betur ofan í vilja kúabænda um allt land varðandi framleiðslustýringu og greiðslumark til framtíðar. Atkvæðagreiðsla fer fram meðal mjólkurframleiðenda um hvort afnema eigi greiðslumarkskerfi í mjólkurframleiðslu frá og með 1. janúar 2021 og því þykir mikilvægt að LK sé undirbúið undir hvora niðurstöðuna sem er. Á aðalfundinum var samþykkt að ráðast í stefnumörkunarvinnu í mjólkurframleiðslu til næstu 10 ára.  Tvö ár eru til atkvæðagreiðslunnar en LK hyggst mæla viðhorf bænda af og til fram að henni. 
 
Hófstilltara viðhorf hjá smærri og stærri búum
 
Arnar Árnason, formaður stjórnar LK, greindi frá könnuninni á aðalfundi sambandsins sem haldinn var á Akureyri nýverið. Athygli vakti að sögn Arnars að ábúendur á millistóru búunum voru líklegri til að vera mjög jákvæð gagnvart kerfinu en önnur. „Aftur á móti eru smærri og stærri búin hófsamari í viðhorfi og voru líklegri til að vera frekar jákvæð,“ sagði Arnar.
 
Í könnuninni voru bændur spurðir að því hvaða niðurstöðu þeir vildu sjá í atkvæðagreiðslunni 2019  varðandi það hvort greiðslumarkskerfi í mjólkurframleiðslu yrði afnumið frá og með 1. janúar 2021. Yfirgnæfandi meirihluti svarenda vill ekki afnema greiðslumarkskerfið, 82% vilja halda í kerfið, 11% afnema það, „sem er mjög afgerandi niðurstaða,“ sagði Arnar. 
Þurfum að undirbúa umræðuna
 
Bændur voru einnig spurðir um hvað taka ætti við og kom í ljós að meirihlutinn var á því að koma ætti upp kerfi sem byggði á núverandi kerfi, með greiðslumarki og framleiðslustýringu, en með breytingum. Arnar sagði að athygli hefði vakið hversu jákvæðir bændur voru í garð innlausnar ríkisins. „Það er því ljóst að við þurfum að vera tilbúin í þessa umræðu þegar þar að kemur og undirbúa okkur vel,“ sagði hann. 
Tollkvótum úthlutað
Fréttir 30. maí 2024

Tollkvótum úthlutað

Verð á tollkvótum á nautakjöti frá ESB-löndum hefur hækkað aftur.

Aðeins þrjú fyrirtæki hefðu fengið undanþágu
Fréttir 30. maí 2024

Aðeins þrjú fyrirtæki hefðu fengið undanþágu

Formaður atvinnuveganefndar Alþingis segir grein forstjóra Samkeppniseftirlitsin...

Margrét Ágústa nýr framkvæmdastjóri Bændasamtaka Íslands
Fréttir 30. maí 2024

Margrét Ágústa nýr framkvæmdastjóri Bændasamtaka Íslands

Margrét Ágústa Sigurðardóttir hefur verið ráðin í starf framkvæmdastjóra Bændasa...

Stórtjón á túnum við Eyjafjörð
Fréttir 30. maí 2024

Stórtjón á túnum við Eyjafjörð

Miklar kalskemmdir eru í túnum nokkuð víða við Eyjafjörð. Í Svarfaðardal er ásta...

Styrkja vöruþróun út frá matarhefð
Fréttir 29. maí 2024

Styrkja vöruþróun út frá matarhefð

Tíu milljónum króna var fyrir skemmstu úthlutað af innviðaráðuneytinu til verkef...

Afhending Kuðungsins
Fréttir 28. maí 2024

Afhending Kuðungsins

Sorpa og Bambahús eru handhafar Kuðungsins árið 2024.

Leyfa gas- og jarðgerð úr matarafgöngum
Fréttir 28. maí 2024

Leyfa gas- og jarðgerð úr matarafgöngum

Matvælastofnun hefur nýlega tilkynnt um að Gas- og jarðgerðarstöð Sorpu (GAJA) h...

Heimaframleiðsla lögleg
Fréttir 28. maí 2024

Heimaframleiðsla lögleg

Heimaframleiðsla nefnist umgjörð sem sköpuð var til að heimila litlum aðilum í F...