Vinsamlegast athugið að þetta efni er eldra en 7 ára.
Eldsmatur í skógunum er mikill og yfirleitt lítið hægt að gera til að stöðva þá.
Eldsmatur í skógunum er mikill og yfirleitt lítið hægt að gera til að stöðva þá.
Mynd / Pétur Halldórsson
Fréttir 20. september 2016

Malbikaður skógarstígur í Kristnesskógi

Höfundur: Margrét Þóra Þórsdóttir
Nýr malbikaður stígur, um 330 metra langur, hefur verið tekinn í notkun í Kristnesskógi.Umhverfis- og auðlindaráðuneytið veitti styrki til framkvæmdanna á þessu ári og því síðasta. 
 
Stígurinn verður kærkominn fyrir alla gesti skógarins en þwó ekki síst fólki sem nýtur aðhlynningar og endurhæfingar á Kristnesspítala þar sem er bæði endurhæfingardeild og öldrunarlækningadeild.
 
Styrkir veittir til verksins
 
Sjálfsbjörg á Akureyri sótti á sínum tíma í samvinnu við Skógrækt ríkisins um styrk til umhverfis- og auðlindaráðuneytis til að leggja stíg fyrir hreyfihamlaða í Kristnesskógi. Í byrjun síðasta árs veitti ráðuneytið 1,4 milljónir króna úr verkefnasjóði sínum á sviði umhverfis- og auðlindamála.
 
Framkvæmdasjóður ferðamannastaða lagði að auki til hálfa milljón króna úr sérstakri fjárveitingu fyrir árið 2015. Þessi framlög nægðu til að hefja mætti verkið en í vor bættist við annar styrkur frá umhverfis- og auðlindaráðuneytinu, 2,4 milljónir, sem nægði til að ljúka við stíginn. Styrkir til verkefnisins nema samtals 4,3 milljónum króna.
 
Um hönnun stígsins sá Ingvar Ívarsson, landslagsarkitekt hjá Landslagi ehf. á Akureyri, en Túnþökusala Kristins tók að sér framkvæmdina. Verkið hófst á liðnu hausti en stígurinn var malbikaður á liðnu sumri. 
Haft er eftir Rúnari Ísleifssyni, skógarverði á Norðurlandi, á vef skógræktarinnar að sá hluti Kristnesskógar sem stígurinn liggur um sé að mestu leyti gróðursettur á árunum um og upp úr 1950.
Helstu trjátegundir á svæðinu eru birki, sitkagreni og síberíulerki en tegundirnar eru talsvert fleiri sem ber fyrir augu og fjölbreyttur gróður í skógarbotni.
 
Gróður hefur jákvæð áhrif
 
Sjúkrahúsið á Akureyri rekur tvær deildir á Kristnesi, öldrunardeild og endurhæfingardeild, þar er góð aðstaða, m.a. þjálfunarsundlaug. Skógurinn veitir einnig tækifæri til þjálfunar og auknir möguleikar eru til þess með tilkomu nýja stígsins. 
 
Ingvar Þóroddsson, yfirlæknir endurhæfingardeildarinnar, segir á vef skógræktarinnar að stígurinn muni breyta miklu fyrir báðar deildir spítalans. Þarna komist fólk á hjólastólum eða með göngugrindur auðveldlega út í heilnæmt umhverfi skógarins. Fjölmargar rannsóknir hafi sýnt fram á jákvæð áhrif gróðurs, ekki síst skóga, á líðan fólks. Ingvar telur að með tilkomu þessa stígs verði komin aðstaða við Kristnesspítala sem sé einstök við sjúkrahús á Íslandi og til eftirbreytni. Hann tekur þó skýrt fram að þessi stígur sé ekki fyrir spítalann einan. Hann verði opinn öllum og allir velkomnir að nota hann, enda er Kristnesskógur þjóðskógur. 
 

Skylt efni: Kristnesskógur | Kristnes

Lífræni dagurinn haldinn hátíðlegur í Kaffi Flóru
Fréttir 25. september 2023

Lífræni dagurinn haldinn hátíðlegur í Kaffi Flóru

Lífræni dagurinn var haldinn hátíðlegur víðs vegar um landið laugardaginn 16. se...

Ágúst verður forstöðumaður
Fréttir 25. september 2023

Ágúst verður forstöðumaður

Ágúst Sigurðsson hefur verið skipaður forstöðumaður Lands og skógar, nýrrar stof...

Skeljungur kaupir Búvís
Fréttir 25. september 2023

Skeljungur kaupir Búvís

Samningar hafa tekist um kaup Skeljungs á öllu hlutafé í Búvís. Bæði fyrirtækin ...

Ævintýralegt ferðalag fjallkóngsins
Fréttir 22. september 2023

Ævintýralegt ferðalag fjallkóngsins

Heimildamyndin Konungur fjallanna var frumsýnd 12. september í Bíóhúsinu á Selfo...

Sauðfjárafurðir af sjálfbæru beitilandi
Fréttir 22. september 2023

Sauðfjárafurðir af sjálfbæru beitilandi

Nú í haust verða íslenskar sauðfjárafurðir af vel grónu og sjálfbæru beitilandi ...

Fé fækkað um 3.500 á undanförnum árum
Fréttir 21. september 2023

Fé fækkað um 3.500 á undanförnum árum

Laugardaginn 2. september var réttað í Ljárskógarétt í Dölum, rétt norðan Búðard...

Landbúnaður í fjárlögum  ársins 2024
Fréttir 21. september 2023

Landbúnaður í fjárlögum ársins 2024

Í síðustu viku kynnti Bjarni Benediktsson fjármálaráðherra fjárlagafrumvarp sitt...

Garðyrkjubændur í áfalli
Fréttir 21. september 2023

Garðyrkjubændur í áfalli

Einu landbúnaðartengdu verk­efnin í fjárlögum ríkisins fyrir árið 2024 sem fá au...