Vinsamlegast athugið að þetta efni er eldra en 5 ára.
Komin í samstarf við Kjötpól um vinnslu og pökkun
Fréttir 28. apríl 2016

Komin í samstarf við Kjötpól um vinnslu og pökkun

Höfundur: Margrét Þóra Þórsdóttir
„Við fengum gríðarlega góða aðstoð í gegnum Karolina Fund, okkur lagði lið alveg hreint frábært fólk og það má alveg segja að með framlögum þess hafi kanínurækt á vegum fyrirtækisins verið bjargað. Fyrir það er ég afar þakklát,“ segir Birgit Kostizke, sem rekur félagið Kanína ehf. á Syðri-Kárastöðum í Húnaþingi vestra.
 
Félagið er nú eftir söfnun á Karolina Fund á þokkalegu róli að sögn Birgit og hefur nú hafið samvinnu við kjötvinnslufyrirtækið Kjötpól í Reykjavík.
 
„Ég er afskaplega ánægð með að hafa fundið fyrirtæki sem er til í að vinna með mér, en Kjötpól mun sjá um að hluta niður kanínukjöt. Það hefur ekki verið hægt að gera fram til þessa. Bæði Birgit og Sigurður Haraldsson, kjötiðnaðarmeistari hjá Kjötpól, eru vongóð um að samstarfið muni ganga að óskum.
 
Kanínukjöt í sælkerabúðir um land allt
 
„Kjötpól hefur líka leyfi til að vinna kanínukjötið og vakumpakka því, m.a. hryggjum, lærum og frampörtum. Það mun svo ekki líða á löngu þar til hægt verður að kaupa niðurhlutað kanínukjöt í fleiri verslunum en einungis Matarbúrinu á Granda. Með þessu samstarfi við Kjötpól standa okkar væntingar til að hægt verði að kaupa kanínukjöt í sælkerabúðum úti um allt land,“ segir Birgit.
 
Fyrirtækið Kjötpól var stofnað árið 2004 af Ewu Kromer og Sigurði og hefur það vaxið og dafnað. Markmið félagsins er að framleiða vörur sem lausar eru við öll aukaefni og innihalda eingöngu kjöt, krydd og salt. Fjölbreytt vöruúrval er í boði hjá félaginu, en það framleiðir fjöldann allan af pylsum og skinkum úr íslensku hráefni. 
 
Skinnið hentar í ýmsar vörur
 
Birgit bendir á að kanínur gefi ekki bara af sér kjöt, heldur líka skinn og er sútað kanínuskinn bæði mjúkt og fínt og hentar vel í ýmsar vörur, fatnað og skraut. Félagið fékk fyrir skömmu styrk frá Uppbyggingasjóði Norðurlands vestra til að vinna að verkefni sem nefnist: Kanínuskinn og kanínuleður – ný söluvara. Birgit segir að styrkurinn verður nýttur til að búa til söluvefsíðu til að kynna frábært hráefni. 
 
Aðalfundur Kanínu ehf. var haldinn á dögunum og þar var ákveðið að hækka hlutafé þess úr 7 milljónum í 10 milljónir króna.

Skylt efni: Kanína | kanínurækt | Kanínur

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...

Rúlluplast í plastgrindur í göngu­stígum og bílaplönum slær í gegn
Fréttir 24. nóvember 2021

Rúlluplast í plastgrindur í göngu­stígum og bílaplönum slær í gegn

Fyrirtækið Ver lausnir í Garðabæ hefur verið að vinna að athyglisverðu verkefni ...

Leiðbeiningar um hvernig hámarka megi gæði nautakjöts
Fréttir 24. nóvember 2021

Leiðbeiningar um hvernig hámarka megi gæði nautakjöts

Nýr upplýsingabæklingur hefur verið gefinn út undir merkjum Íslensks gæðanauts. ...