Engin riða í heilasýnum

Engin merki um sauðfjárriðu var að finna í heilasýnum sem tekin voru í sláturhúsum um land allt haustið 2025.

Matvælastofnun tilkynnti um þetta á vef sínum þar sem fram kom að Tilraunastöð Háskóla Íslands í meinafræði að Keldum hafi staðið að rannsóknunum.

Eitt riðutilfelli var staðfest á árinu 2025, í september á bænum Kirkjubóli í Skagafirði. Greindist það í kind sem sýndi grunsamleg einkenni heima á bæ og fór niðurskurður fram á hluta fjárins fljótlega eftir greiningu.

Í umfjöllun Matvælastofnunar kemur fram að ekki sé enn ljóst hversu margar kindur á bænum voru með riðu, þar sem rannsóknum á sýnum sé ekki lokið.

Niðurskurður var skipulagður samkvæmt landsáætlun um útrýmingu á sauðfjárriðu og gildandi reglugerðir þar um.

Nokkur hluti fjárins á bænum var með verndandi eða mögulega verndandi arfgerð gegn riðu sem hafði áhrif á ákvörðunartöku um umfang niðurskurðar.