Vinsamlegast athugið að þetta efni er eldra en 6 ára.
Átta gull til Íslands
Fréttir 10. ágúst 2015

Átta gull til Íslands

Íslenska landsliðið gekk klyfjað verðlaunum frá Heimsmeistaramóti íslenska hestsins sem lauk í gær í Danmörku. Íslendingar unnu til átta gullverðlauna, sjö silfurverðlauna og þriggja bronsverðlauna á mótinu, bæði í íþróttakeppni og í kynbótahluta mótsins. Talið er að um 9000 gestir hafi verið staddir á leikvanginum í Herning þegar mest var en keppendur komu frá 14 löndum. 
 
Óvæntustu  úrslit mótsins voru eflaust sigur Kristínar Lárusdóttur, bónda í Syðri-Fljótum, og Þokka frá Efstu-Grund, í firnasterkri töltkeppni. Jóhann R. Skúlason hefur unnið greinina á síðustu fjórum mótum, en lét sér nú linda 4.-5. sæti, með Sigurbirni Bárðarsyni. Kristín og Þokki komu óvænt inn í íslenska landsliðið, tveimur vikum fyrir mót, eftir að Sigurður Sigurðarson ákvað að draga sig úr liðinu.
 
Guðmundur Björgvinsson og Hrímnir frá Ósi urðu heimsmeistarar í fjórgangi eftir harða úrslitabaráttu við Nils Christian Larsen og Viktor frá Diisa. 
 
Reynir Örn Pálmason og Greifi frá Holtsmúla urðu heimsmeistarar í samanlögðum fimmgangsgreinum, en þann titil hlýtur sá keppandi sem reynist vera með hæstu meðaleinkunn úr forkeppni í fimmgangi og slaktaumatölti. Þeir Reynir og Greifi urðu í 2. sæti í úrslitum beggja flokka.
 
Þá varð hinn ungi Teitur Árnason og Tumi frá Borgarhóli hlutskarpastir í gæðingaskeiði og skaut þar sér eldri og reyndari knöpum ref fyrir rass. Þeir Teitur og Tumi bættu svo við bronsverðlaunum í 250 metra skeiði.
 
Styrmir Árnason vann til silfurverðlauna í 100 metra skeiði á hryssunni Neyslu vom Schloßberg og fyrrum heimsmeistarinn Bergþór Eggertsson á Lotus frá Aldenghoor fengu brons.
 
Ungu knapar íslenska landsliðsins stóðu sig einnig afar vel á mótinu. Jóhanna Margrét Snorradóttir á Stimpil frá Vatni hlaut silfurverðlaun eftir spennandi úrslit ungmenna í slaktaumatölti. Gústaf Ágeir Hinriksson og Geisli frá Svanavatni voru í 2. sæti í fimmgangi og Guðmunda Ellen Sigurðardóttir og Týr frá Skálatjörn hlutu brons í fjórgangi ungmenna.
 
Fjögur gull til kynbótahrossa
 
Í kynbótahluta mótsins voru 6 hross frá Íslandi sýnd. Fjögur hrossanna urðu efst í sínum flokki, en tvö þeirra hlutu silfurverðlaun.
 
Glóðafeykir frá Halakoti sigraði elsta flokk stóðhesta með 8,74 í aðaleinkunn, en hann hlaut 9,03 fyrir hæfileika. Glóðafeykir var, sem kunnugt er, gæðingur reiðkennarans Einars Öders Magnússonar, sem lést fyrr á árinu. Þeir félagar sigruðu m.a. B-flokk gæðinga á Landsmóti hestamanna í Reykjavík árið 2012. Knapi Glóðafeykis á Heimsmeistaramótinu var Daníel Jónsson.
 
Þá sigraði Kengála frá Neðri-Rauðalæk elsta flokk hryssna með einkunnina 8,53. Knapi á Kengálu var Agnar Snorri Stefánsson. Garún frá Árbæ hlaut hæstu aðaleinkunn 6 vetra hryssna, 8,62, en knapi hennar var Guðmundur Björgvinsson. Andvari frá Auðsholtshjáleigu hlaut hæstu einkuknn 5 vetra stóðhesta, 8,49. Knapi hans var Árni Björn Pálsson.
 
Ríkey frá Flekkudal var í 2. sæti í flokki 5 vetra hryssna með aðaleinkunnina 8,42 og Svaði frá Hólum hlaut næst hæstu einkunn 6 vetra stóðhesta, 8,63.
 
Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...

Landselastofninn við sögulegt lágmark
Fréttir 3. desember 2021

Landselastofninn við sögulegt lágmark

Hafrannsóknastofnun leggur til að beinar veiðar á landsel verði áfram takmarkaða...

Innflutningur á dönskum jólatrjám dregst saman en sala íslenskra eykst
Fréttir 2. desember 2021

Innflutningur á dönskum jólatrjám dregst saman en sala íslenskra eykst

Fyrsta helgin í sölu íslenskra jólatrjáa er nú fram undan í íslenskum jólaskógum...

Fjármálaráðherra vill skoða kaup á Hótel Sögu
Fréttir 2. desember 2021

Fjármálaráðherra vill skoða kaup á Hótel Sögu

Í frumvarpi fjármálaráðherra til fjárlaga fyrir árið 2020 er lagt til að skoða m...

Sauðfjárbændum hefur fækkað um ríflega þriðjung á 40 árum
Fréttir 2. desember 2021

Sauðfjárbændum hefur fækkað um ríflega þriðjung á 40 árum

Á síðasta ári voru sauðfjárbændur í landinu 2.078 samkvæmt haustskýrslum og höfð...

Sóknarmöguleikar sem verðskulda athygli og uppbyggingu
Fréttir 2. desember 2021

Sóknarmöguleikar sem verðskulda athygli og uppbyggingu

„Mér finnst ég standa inni í málaflokki sem er bæði tengdur sterkt inn í fortíð ...