Vinsamlegast athugið að þetta efni er eldra en 5 ára.
Alþýðusambandið leggst gegn nýjum búvörusamningum
Fréttir 15. mars 2016

Alþýðusambandið leggst gegn nýjum búvörusamningum

Miðstjórn Alþýðusambands Íslands hefur skorað á Alþingi að hafna nýjum búvörusamningum. Í ályktun sem birt er á vef ASÍ segir að búvörusamningar til næstu tíu ára feli í sér óbreytt ástand og muni ekki bæta hag neytenda. 
 
Skorað er á Alþingi að „taka tillit til sjónarmiða neytenda um aukna samkeppni í landbúnaði og móta sókndjarfa stefnu í landbúnaði sem kæmi öllum til góða, bændum, starfsmönnum í greininni og neytendum“, svo vitnað sé orðrétt í ályktunina. Ályktun Alþýðusambandsins hreyfði við mörgum en meðal annarra brást Sigmundur Davíð Gunnlaugsson forsætisráðherra við málflutningi forsvarsmanna ASÍ í tengslum við málið. 
 
ASÍ vill aukinn innflutning búvara
 
Í ályktun ASÍ segir að „… það hafi lengi verið skoðun sambandsins að þörf sé á auknum innflutningi landbúnaðarvara og þar af leiðandi aukinni erlendri samkeppni til að veita aðhald á markaði með íslenskar landbúnaðarvörur, markaði sem einkennist af fákeppni og einokun“. Þessir markaðsbrestir eru sérstaklega sýnilegir í mjólkurframleiðslu, að mati ASÍ, þar sem ríkjandi fyrirkomulag ásamt undanþágu frá samkeppnislögum hefur leitt til þess að stórir framleiðendur hafa kerfisbundið komið í veg fyrir innkomu nýrra aðila á markað og misnotað markaðsráðandi stöðu sína til að koma í veg fyrir samkeppni.
 
Forseti ASÍ úr tengslum við stéttarfélög
 
Aðalsteinn Árni Baldursson, formaður Framsýnar stéttarfélags í Þingeyjarsýslu, kom fram á Facebook í umræðum um ummæli Gylfa Arnbjörnssonar, forseta ASÍ, um búvörusamningana. Eitt af því sem Gylfi gagnrýndi við gerð búvörusamninga var samráðsleysi. Aðalsteinn Baldursson sagði hins vegar að forseti ASÍ hefði ekki haft samráð við stéttarfélög sem hafa innan sinna raða fjölmenna hópa starfsfólks í matvælaiðnaði áður en hann „gaf út þessa ömurlegu yfirlýsingu“. Orðrétt sagði Aðalsteinn svo: „Yfirlýsingu þar sem talað er fyrir auknum innflutningi á landbúnaðarafurðum á kostnað innlendrar framleiðslu. Hann hefur áður talað fyrir því að neytendur sniðgangi íslenskar landbúnaðarvörur þegar bændur hafa farið fram á hækkanir á afurðaverði. Sem formaður í stéttarfélagi með fólk sem á allt undir því að landbúnaður á Íslandi þrífist undrast ég þessi ummæli forseta ASÍ svo ekki sé meira sagt.“
 
Forsætisráðherra sendir tóninn 
 
Sigmundur Davíð Gunnlaugsson birti pistil 3. mars á vefsíðu sinni, sigmundurdavid.is, þar sem hann gagnrýnir málflutning forseta ASÍ harðlega. Hann furðar sig á því hvað þeir sem síst skyldu atast mikið og lengi í bændum. Hann spyr m.a. hvernig vinnuaðstæður og kjör séu í mörgum þeirra verksmiðjubúa sem ráða verðlagningunni á matvælamarkaði erlendis og hvort það myndi þjóna hagsmunum íslenskra iðnaðarmanna að senda peninga úr landi til starfsmannaleiga, t.d. í Indónesíu. Sigmundur bendir á að búvörusamningar snúist ekki bara um að verja bændur heldur um samvinnu ólíkra stétta. Hann telur að minni stuðningur við innlenda matvælaframleiðslu bæti ekki kjör annarra hópa. „Á endanum myndi það þýða aukið gjaldeyristap og hærri álagningu á hinum innfluttu matvælum eins og menn hafa kynnst í löndum sem gert hafa tilraunir í þessa veru,“ sagði Sigmundur Davíð.
Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...

Íbúar hópfjármagna byrjun framkvæmda
Fréttir 6. desember 2021

Íbúar hópfjármagna byrjun framkvæmda

„Undanfarin ár hefur sveitarstjórn Húnaþings vestra lagt áherslu á að framkvæmdu...

Óviðunandi vetrarþjónusta við vinsæla ferðamannastaði
Fréttir 6. desember 2021

Óviðunandi vetrarþjónusta við vinsæla ferðamannastaði

Það er til mikils að vinna að koma á bættri vetrarferðaþjónustu á Norðurlandi. E...

Erlendir ferðamenn hafa greitt um 30 milljónir fyrir ferðir um Vaðlaheiðargöng
Fréttir 6. desember 2021

Erlendir ferðamenn hafa greitt um 30 milljónir fyrir ferðir um Vaðlaheiðargöng

Erlendir ferðamenn sem farið hafa um Vaðlaheiðargöng á þessu ári hafa greitt fyr...

Nýtt 450 íbúða hverfi byggt í Þorlákshöfn
Fréttir 6. desember 2021

Nýtt 450 íbúða hverfi byggt í Þorlákshöfn

Framkvæmdir eru hafnar við uppbyggingu fyrsta áfanga Móabyggðar, nýs 450 íbúða h...

Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...