Vinsamlegast athugið að þetta efni er eldra en 6 mánaða.
Purusteik og samloka með grísakjöti
Mynd / BGK
Matarkrókurinn 5. nóvember 2021

Purusteik og samloka með grísakjöti

Höfundur: Bjarni Gunnar Kristinsson

Þegar fer að líða að jólum er gott að byrja að æfa sig í því að gera stökka svínapuru. Það er svo gott sem snakk og kjötið í samlokur og í asíska einfalda rétti. Ekki skemmir fyrir að enn er til nóg af íslenskum gulrótum og káli og því tilvalið að gera kál-hrásalat.

Purusteik

  • 800 g svínakjöt með fitu
  • Gróft salt
  • 1-5 lárviðarlauf
  • 6-7 dl vatn
  • 2 matskeiðar hveiti
  • 1-2 msk. æblegastrik (eplaedik og brúnuð karamella eins og er notað á sykurbrúnaðar kartöflur)
  • pipar


Athugið að búið er að skera í fituna með ½ sentimetra millibili. Nuddið nægu af grófu salti og setjið lárviðarlauf milli laga, nuddið svínakjötið með rökum höndum sem gerir það að verkum að salt festist við. Einnig til að „elda“ fituna frá upphafi matreiðslutímans, svo að hún geti orðið stökk og góð.

Setjið svínið á grind þannig að fitan snúi niður og bakka með 6-7 dl af vatni undir. Eldið í forhituðum ofni á 180 gráðum í 65-70 mínútur.

Þegar matreiðslutíminn er hálfnaður skal hella vökvanum úr bakkanum, þannig að þið hafið eitthvað að gera sósu úr. En gott er að bíða með sósugerðina þar til við enda matreiðslunnar.
Snúið við þannig að fitan snúi upp. Hækkið í 250 gráður í smá tíma og lækkið svo niður í 230 gráður þar til puran er stökk. Blandið smá fitu við í soðið, sigtið og þá er svínasoð klárt fyrir sósugerð. Gott er að vinna saman með töfrasprota.

Sjóðið sósu í 6-7 mínútur, smakkið síðan til með apríkósusultu, salti og pipar. Sigtið sósu gegnum fínt sigti, gott er að nota hitamæli, áður en kjötið er fjarlægt úr ofninum – um 65 °C, fölbleikt og safaríkt (ef kjarnhiti fer yfir það hitastig gæti kjötið orðið þurrt). Látið hvíla í að minnsta kosti 15 mínútur áður en það er skorið niður á fat.

Berið fram með soðnum kartöflum, rauðkáli og sósu.

Gastric: Ef þið viljið að sósan ykkar verði betri er smá leynibragð, sem er að blanda saman ögn karamellu og ediki. Það gefur sósunni meiri sætleika, sýrustig og biturð.

Nam pla prik – taílensk dýfa, sósa

Þessi taílenska chilisósu-uppskrift er meira dýfa en nokkuð annað. Það þarf lítið að hafa fyrir henni en slær samstundis í gegn. Hún er með gott jafnvægi milli hita, sætleika, beiskju og salts – og er tilvalin með alls kyns taílenskum réttum. Passar líka til að dýfa köldu kjöti í, ef afgangar eru.

  • 3 hvítlauksrif, söxuð
  • 4 kjarnhreinsaður chili, sneiddur
  • 5 msk. af fiskisósu
  • 6 msk. af lime-safa
  • 2 msk. af sykri

Blandið innihaldsefnum saman í skál. Smakkið til og kryddið eftir þörfum.

Samloka með grísakjöti
og hrásalati

Baguette-samloka sem hefur verið smurð með smjöri, það er gott að nýta afganga frá steik eða fiski gærdagsins.

Og þá er hægt að gera fljótlega og góða máltíð á mettíma.

  • 250 g svínakjöt
  • 1 msk. kapers
  • 1 pottur gras­laukur
  • Extra virgin ólífuolía
  • Salt & svartur pipar
  • Hrásalat

Best að nota afganga. Saxið graslaukinn og capersið fínt saman í skál, bætið olíu við, salti og pipar – og setjið ofan á brauðið. Fyrst kjötið, svo kapers, loks olíu og skreytið með góðum skammti af hrásalati yfir réttinn.

Uppskrift að rauðkáli og gulrótarsalati …
… með ótrúlegu eplaediks vinai­grette. Fullkomið sem meðlæti eða jafnvel með forrétti.
  • 1 lítill rauðkálshaus, rifinn
  • 4 stórar gulrætur, rifnar
  • 4 vorlaukar, þunnt sneiddir
Eplaediks salat-vinaigrette
  • 1 matskeið Dijon-sinnep
  • 1 hvítlauksrif, saxað
  • 1/3 bolli extra virgin ólífuolía
  • 1/4 bolli eplaedik
  • 2 matskeiðar ferskur sítrónusafi
  • 1 matskeið hunang, eftir þörfum fyrir sætu
  • 1/4 tsk. vanilludropar (valfrjálst)
  • 1/4 tsk. chiliduft, eða eftir smekk
  • salt og pipar, eftir smekk
  • söxuð fersk steinselja, til skrauts

Setjið rifið hvítkál, gulrætur og vorlauk í stóra salatskál. Setjið til hliðar.

Í blöndunarskál, þeytið saman Dijon-sinnepið, hvítlauk, olíu, eplaedik, sítrónusafa, hunang, vanillu, chiliduft, salt og pipar. Þeytið þar til þessu hefur verið vel blandað saman.

Hellið dressingunni yfir rauðkálsblönduna og hrærið saman. Smakkið til krydd og stillið í samræmi við það.

Setjið í kæli í 15 mínútur og skreytið með saxaðri steinselju.

Berið fram.

Skylt efni: purusteik

Fylltur lambahryggur og púðusykurskaka
Matarkrókurinn 22. apríl 2022

Fylltur lambahryggur og púðusykurskaka

Það er alltaf tilvalið að gera góða lambasteik, annaðhvort fylltan hrygg eða pön...

Nautasteik og bernaise-smjör
Matarkrókurinn 6. apríl 2022

Nautasteik og bernaise-smjör

Nautasteik og bernais er sígildur réttur. Hér eru kókóskúlur líka fyrir eftirrét...

Kryddaðar sveppa- og spergilkálsnúðlur
Matarkrókurinn 18. mars 2022

Kryddaðar sveppa- og spergilkálsnúðlur

Shiitake sveppir gefa „kjötmikla“ áferð og bragð auk þess sem íslensku sveppirni...

Indverskur  grænmetisréttur (Dal Karry Samosa)
Matarkrókurinn 4. mars 2022

Indverskur grænmetisréttur (Dal Karry Samosa)

Bragðmikið linsubauna (dal) karrí er fyllingin fyrir samósu kodda með stökku dei...

Svartbaunakarrí og fersk lúða
Matarkrókurinn 11. febrúar 2022

Svartbaunakarrí og fersk lúða

Þetta auðvelda svarta baunakarrí er mjólkurlaust, egglaust og bragðgott, fullt a...

Sítrónu- og hvítlaukskjúklingasnitsel með fljótlegri puttanesca-sósu
Matarkrókurinn 28. janúar 2022

Sítrónu- og hvítlaukskjúklingasnitsel með fljótlegri puttanesca-sósu

Stökkt kjúklingasnitsel, borið fram með sterkri (og fljótlegri) puttanesca-tómat...

Ljúffengar jólasnittur og hunangsgljáð andabringa
Matarkrókurinn 21. desember 2021

Ljúffengar jólasnittur og hunangsgljáð andabringa

Hér eru stórkostlegar crostini-áleggshugmyndir, með hátíðarbrag. Þessir ómótstæð...

Spínatfyllt lambalæri eða hryggur og steiktar rauðrófur með geitaosti
Matarkrókurinn 17. desember 2021

Spínatfyllt lambalæri eða hryggur og steiktar rauðrófur með geitaosti

Að rúlla lambinu upp með fyllingunni er sérlega hátíðleg leið til að elda lambal...