Vinsamlegast athugið að þetta efni er eldra en 2 ára.
Ofnsteiktir lambaskankar  með fullt af íslensku grænmeti
Mynd / BGK
Matarkrókurinn 11. október 2021

Ofnsteiktir lambaskankar með fullt af íslensku grænmeti

Höfundur: Bjarni Gunnar Kristinsson

Miðjarðarhafskryddað lambakjöt, soðið í rauðvíni og tómatsósu með grænmeti, kryddi og ferskum kryddjurtum. Fullkomið í næsta kvöldmat!

Miðjarðarhafskryddaðir lambaskankar

Hráefni fyrir kryddblöndu:

  • 2¼ tsk. hvítlauksduft
  • 1 tsk. sæt spænsk paprika
  • 1 tsk. salt
  • 1 tsk. nýmalaður svartur pipar
  • ¾ tsk. malaður múskat

Hráefni fyrir lamb:

  • 6 stk. lambaskankar
  • 2 msk. extra virgin ólífuolía
  • 1 miðlungsstór gulur laukur, gróft saxaður
  • 2 sellerírif, söxuð
  • 3 stórar gulrætur, afhýddar og skornar í stóra bita
  • 500 g kartöflusmælki, skrúbbaðar
  • 2 bollar rauðvín, má nota óáfengt sem fæst í matvörubúðum
  • 3 bollar nautasoð (vatn og kraftur)
  • 1 dós afhýddir tómatar
  • 2 stk. kanilstangir
  • 4 ferskt timian
  • 2 greinar ferskt rósmarín

Aðferð

Hitið ofninn í 170 gráður.

Í lítilli skál, blandið öllu hráefninu í kryddblönduna saman.

Látið lambaskankana á fat og kryddið með kryddblöndunni á öllum hliðum.

Í stórum ofnpotti, hitið 2 msk. ólífuolíu yfir miðlungsháum hita. Brúnið lambaskankana á öllum hliðum (um það bil 8 mínútur eða svo). Flytjið lambaskankana á stóra bakka. Hendið aukafitu og setjið pottinn aftur í hitann.

Bætið nú lauknum, selleríinu, gulrótunum og kartöflunum saman við. Steikið í 5-7 mínútur á meðalháu, eða þar til grænmetið fær lit. Bætið rauðvíni út í, skafið steikarskánina á botninum þannig að hún leysist upp. Eldið stuttlega þannig að vínið minnkar aðeins.

Bætið soði, tómötum, kanilstöngum, timian og rósmarín út í. Stráið smá salti og pipar yfir. Bætið lambaskönkunum aftur í pottinn; þrýstið niður undir yfirborðið. Sjóðið í 10 mínútur. Slökkvið á hitanum.

Hyljið pottinn og flytjið í 170 gráðu heitan ofninn. Eldið í ofninum í 2½ tíma (það er góð hugmynd að athuga reglulega í gegnum eldunina ef þarf að bæta aðeins meiri vökva við. Þegar skankarnir eru tilbúnir mun vökvinn hafa minnkað í um það bil ⅓ af því sem hann var í byrjun).

Á meðan lambaskankarnir eru að eldast, útbúið meðlæti, eins og nýtt grænmeti, sem er bætt í pottinn þegar eldun á eftir um klukkustund.

Berið lambaskanka heita fram með smá af grænmetinu og soðsósunni úr pottinum, sem er gott að bragðbæta og þykkja eftir smekk.

Geymsla afganga: Leyfið lambakjöti að kólna alveg áður en það er geymt.

Geymið í kæli í glerílátum með loki í 3 daga eða svo. Hitið í gegnum miðlungshita, bætið smá vökva við ef þörf krefur.

Hnúðkál, brokkolí og radísusalat

Þessi uppskrift er byggð á íslensku uppskerunni, gott grænmeti sem hægt er að borða hrátt sem meðlæti eða sem forréttur eða millimál.

Hráefni

  • 500 g blandað grænmeti, hnúðkál, svartar radísur og brokkolí, skorið þunnt eða rifið niður (hvaða blöndu sem er)
  • salt eftir smekk um 1/2 tsk.
  • 1½ bolli vatn
  • 1 matskeið sykur
  • ½ bolli hrísgrjónaedik
  • 2 msk. rifin myntulauf eða saxaður kóríander (valfrjálst)

Aðferð
Blandið rifnu grænmetinu í stóra skál og kryddið með um 1/2 tsk salti. Setjið í sigti sem sett er yfir skál eða í vaskinn. Látið standa í um 30 mínútur.

Á meðan er vatni, sykri og ediki blandað saman í pott, suðan látin koma upp og tekin af hitanum. Hellið í skálina sem grænmetið var blandað í og látið kólna niður í stofuhita.

Skolið grænmetið stuttlega og kreistið það þurrt. Bætið í skálina með ediksblöndunni og hrærið saman. Geymið í kæli í eina klukkustund eða lengur. Til að bera fram, takið grænmetið úr edikbaði með skeið og raðið á fat. Skreytið með myntu eða kóríander og berið fram.

Skylt efni: lamb | lambaskankar

Rasmus og Sven gera bollur
Matarkrókurinn 18. mars 2024

Rasmus og Sven gera bollur

Hakkréttir eru fín leið til að metta marga og vinsæll valkostur á heimilum lands...

Tvistað við ofurstann
Matarkrókurinn 4. mars 2024

Tvistað við ofurstann

Djúpsteiktur kjúklingur, sem flestir þekkja í gegnum ofursta nokkurn frá Kentuck...

Reykt ýsa, blaðlaukur og kartöflur
Matarkrókurinn 19. febrúar 2024

Reykt ýsa, blaðlaukur og kartöflur

Hvernig passar blaðlaukur, reykt ýsa og kartöflur saman? Jú barasta prýðilega, t...

Boli & brokkólí
Matarkrókurinn 31. janúar 2024

Boli & brokkólí

Nautakjöt og brokkólí er klassískur asísk-amerískur réttur sem á sennilega ættir...

Mátulega hátíðlegur ís
Matarkrókurinn 21. desember 2023

Mátulega hátíðlegur ís

Það er nær ómögulegt að fá alvöru rjómaís út úr búð á Íslandi og hvað þá úti í í...

Reykt ýsa
Matarkrókurinn 13. desember 2023

Reykt ýsa

Skammdegið með sínum kulda og myrkri kallar á ögn þyngri mat en annar tími ársin...

Buff í brúnni
Matarkrókurinn 23. nóvember 2023

Buff í brúnni

Kíló fyrir kíló og krónu fyrir krónu er nautahakkið sennilega fjölbreyttasta pró...

Pönnuréttir úr afgöngum
Matarkrókurinn 13. nóvember 2023

Pönnuréttir úr afgöngum

Matarsóun er alltof mikil hjá okkur Íslendingum rétt eins og flestum vestrænum þ...