Vinsamlegast athugið að þetta efni er eldra en 2 mánaða.
Fylltur lambahryggur og púðusykurskaka
Mynd / BGK
Matarkrókurinn 22. apríl 2022

Fylltur lambahryggur og púðusykurskaka

Höfundur: Bjarni Gunnar Kristinsson

Það er alltaf tilvalið að gera góða lambasteik, annaðhvort fylltan hrygg eða pönnusteiktan hryggvöðva.

Fylltur lambahryggur
  • 1 lambahryggur (úrbeinaður)
  • 200 g sveppir
  • 100 g blaðlaukur
  • 100 g gráðostur
  • Salt og pipar

Söxum grænmetið og blöndum saman við ostinn. Setjum fyllinguna inn í hrygginn og lundirnar og kryddum svo kjötið að innan sem utan með salti og pipar. Ofnsteikjum þennan hátíðarmat í 20 mínútur við 175 gráður, lækkum síðan hitann í 150 gráður og steikjum í 20-30 mínútur eða þar til við erum ánægð með kjötið. Berum fram með góðri sósu, kartöflum og fersku grænmeti.

Hvönnin er víða vanmetin sem krydd en hentar mjög vel með lambinu góða.

Fyrir þá sem eiga kjötmæli þá er kjötið tilbúið við 60 gráða kjarnhita. Sumir binda hrygginn saman eða setja hann í kjötnet, öðrum finnst nú bara heimilislegt að hann opnist aðeins í ofninum.

Lambahryggvöðvi með hunangi
  • 600-800 g lambafile eða -prime
  • 30 g hunang
  • 30 g sinnep
  • Salt og pipar

Blöndum hunangi og sinnepi saman í skál og smyrjum á lambið. Steikjum í ofni í 15 mínútur við 180 gráða hita, látum síðan kjötið hvíla í 10 mínútur áður en við berum það fram með bökuðum kartöflum og salati. Kryddum til með salti og pipar. Kornsinnep er bragðgott og á vel við.

Piparrjómasósa
  • 400 ml hvítvín
  • 30 g þurrkuð græn piparkorn (mulin)
  • 2 lárviðarlauf
  • 250 ml rjómi
  • Salt og pipar

Setjum hvítvín í pott ásamt muldum piparkornum og lárviðarlaufi og sjóðum niður til hálfs. Sigtum þá soðið og blöndum við rjómann.

Bragðbætum síðan sósuna með salti og pipar. Var einhver að tala um piparsteik?

Kartöflusalat er auðvelt, sérstaklega ef farið er í bústaðarferð því bragðið er betra daginn eftir.

Beikon-kartöflusalat
  • 400 g kartöflur
  • 1 laukur
  • 1 epli
  • 100 g beikon
  • Pipar

Sjóðum kartöflurnar, látum þær kólna og skerum svo í teninga. Söxum lauk og beikon, steikjum á pönnu og kryddum með pipar. Bætum eplateningum á pönnuna og látum krauma.

Kælum.

Svona er salatið tilbúið til framreiðslu, en einnig er gott að bæta út á það majónes, ólífuolíu eða sýrðan rjóma eftir smekk.

Auðvelt er að gera púðursykur marengsbotna, þeyta rjóma og svo skreyta með páskaeggjum til að gera hátíðarlega köku.

Líka má gera súkkulaðikrem og hella á milli laga ásamt ferskum berjum.

Púðursykurskaka
  • 5 eggjahvítur
  • 5 dl púðursykur
  • ½ msk. kartöflumjöl

Til að gera þessa gömlu og góðu köku byrjum við á að hræra öllum hráefnunum saman í hrærivél uns blandan er loftkennd og stinn. Bökum í tveimur lausbotna formum í 1 klst. við 100 gráður.

Þá tökum við kökurnar út og látum þær kólna í 10 mín. Leggjum þær svo á hvolf á kökudiska, tökum formin af, setjum þeyttan rjóma og súkkulaðispæni yfir annan botninn og leggjum hinn þar yfir.

Ganache-súkkulaðikrem
  • 400 g bráðið súkkulaði
  • 150 ml rjómi
  • 50 g sykur
  • 50 g bráðið smjör

Sjóðum rjóma og sykur saman, blöndum við súkkulaðið og hrærum smjörinu saman við að lokum. Það er gott að krydda kremið til með te eða kaffi.

Skylt efni: lambakjöt

Grillaður grísahnakki fyrir fjóra
Matarkrókurinn 30. júní 2022

Grillaður grísahnakki fyrir fjóra

Við stefnum á að gefa lesendum blaðsins hugmyndir að einföldum og bragðgóðum ...

Hálfgrillaðir kjúklingavængir
Matarkrókurinn 15. júní 2022

Hálfgrillaðir kjúklingavængir

Fátt er betra en djúsí kjúklingavængir sem þarf ekki að hafa mikið fyrir að ...

Fylltur lambahryggur og púðusykurskaka
Matarkrókurinn 22. apríl 2022

Fylltur lambahryggur og púðusykurskaka

Það er alltaf tilvalið að gera góða lambasteik, annaðhvort fylltan hrygg eða pön...

Nautasteik og bernaise-smjör
Matarkrókurinn 6. apríl 2022

Nautasteik og bernaise-smjör

Nautasteik og bernais er sígildur réttur. Hér eru kókóskúlur líka fyrir eftirrét...

Kryddaðar sveppa- og spergilkálsnúðlur
Matarkrókurinn 18. mars 2022

Kryddaðar sveppa- og spergilkálsnúðlur

Shiitake sveppir gefa „kjötmikla“ áferð og bragð auk þess sem íslensku sveppirni...

Indverskur  grænmetisréttur (Dal Karry Samosa)
Matarkrókurinn 4. mars 2022

Indverskur grænmetisréttur (Dal Karry Samosa)

Bragðmikið linsubauna (dal) karrí er fyllingin fyrir samósu kodda með stökku dei...

Svartbaunakarrí og fersk lúða
Matarkrókurinn 11. febrúar 2022

Svartbaunakarrí og fersk lúða

Þetta auðvelda svarta baunakarrí er mjólkurlaust, egglaust og bragðgott, fullt a...

Sítrónu- og hvítlaukskjúklingasnitsel með fljótlegri puttanesca-sósu
Matarkrókurinn 28. janúar 2022

Sítrónu- og hvítlaukskjúklingasnitsel með fljótlegri puttanesca-sósu

Stökkt kjúklingasnitsel, borið fram með sterkri (og fljótlegri) puttanesca-tómat...