Vinsamlegast athugið að þetta efni er eldra en 5 mánaða.
Embla Líf Hallsdóttir.
Embla Líf Hallsdóttir.
Mynd / UMFÍ
Líf og starf 2. febrúar 2022

Vettvangur fyrir raddir ungs fólks

Höfundur: Vilmundur Hansen

Ungmennaráð ungmenna­fél­ag­anna um allt land eru samansett af ungu fólki á aldrinum 16 til 25 ára. Auk ráðanna er starfandi Ungmennaráð UMFÍ. Embla Líf Hallsdóttir verður líklega næsti formaður Ungmennaráðs Ungmennafélags Íslands.

Embla er á tuttugasta og fyrsta ári og búsett í Mosfellsbæ en leggur stund á viðskiptafræði með áherslu á verkefnastjórnun við Háskólann á Bifröst.

Embla Líf í pontu á ráðstefnunni Ungt fólk og lýðræði.

Ótrúlega skemmtilegt starf

„Ég var 17 ára þegar ég fór á fyrstu ráðstefnuna hjá UMFÍ fyrir hönd ungmennaráðs Mosfellsbæjar. Það var ótrúlega gaman á ráðstefnunni og þar kynntist ég mörgu góðu fólki og þar á meðal bestu vinkonu minni og ég hef starfað innan félagsins síðan þá.

Fljótlega eftir ráðstefnuna sá ég auglýst eftir fólki í ungmennaráð UMFÍ og ég bauð mig strax fram.“

Ekkert um okkur án okkar

Stærsti viðburðurinn sem ung­mennaráð UMFÍ stendur fyrir er ráðstefna sem kallast Ungt fólk og lýðræði og er haldin einu sinni á ári. „Ráðstefnan er stór og hefur oft staðið í þrjá daga og á hana mætir ungt fólk alls staðar að af á landinu til að ræða ákveðið málefni sem er á döfinni á þeim tíma. Við höfum oft fengið til okkar stjórnmálamenn á ráðstefnuna til að ræða við og svara spurningum okkar.

Markmiðið með ráðstefnunum er að vera vettvangur fyrir raddir ungs fólks, að fá fólk almennt til að átta sig á að um ungt fólk gildir hugmyndin; ekkert um okkur án okkar.

Á síðustu ráðstefnu tókum við fyrir Lýðræðisleg áhrif – Hvar, hvenær og hvernig getur ungt fólk haft áhrif?“

Stefnt á ráðstefnu í haust

Embla segist hafa boðið sig fram sem næsti formaður ungmennaráðs UMFÍ og vonast til að fá kosningu.
„Við stefnum að því að vera með ráðstefnu næsta haust ef aðstæður leyfa og án þess að nokkuð hafi verið ákveðið eru komnar nokkrar hugmyndir sem verið er að skoða.“

Þegar Embla er spurnð hvernig henni finnist samfélagið hlusta á hugmyndir og raddir ungs fólks segir hún slíkt hafa aukist. „Oft hefur það verið þannig að ungt fólk hefur verið notað sem glansmynd við hliðina á stjórnmálamönnum á tyllidögum svo þeir geti sagt að þeir hafi talað við okkur en síðan ekkert gerst í framhaldinu. Svo betur fer tel ég að þetta sé að skána því raddir unga fólksins eru alltaf að verða meira áberandi.“

Góður vettvangur til að kynnast

Embla segir að starf innan UMFÍ sé bæði góður og skemmtilegur vettvangur til að kynnast fólki sem er á sömu línu og það sjálft. „Liðsheildin innan UMFÍ er sterk og allir að vinna að sama markmiði og andrúmsloftið mjög gott.

Auk stóru ráðstefnunnar hafa ungmennaráðin staðið fyrir viðburðum eins og Skemmti­sólarhring þar sem við höfum komið saman og farið eitthvert út á land og gist eina nótt og gert eitthvað skemmtilegt en því miður hefur Covid sett þar strik í reikninginn. Annað sem einnig er mjög skemmtilegt og kallast Samtal ungmennaráða felst í því að ungmennaráðin koma saman og deila hugmyndum um starfið í framtíðinni.“

Grasnytjar og þjóðtrú
Líf og starf 6. júlí 2022

Grasnytjar og þjóðtrú

Á síðasta ári gaf Guðrún Bjarnadóttir, eigandi Hespuhússins í Ölfusi, ú...

Líflegt hjá Síldarminjasafninu
Líf og starf 6. júlí 2022

Líflegt hjá Síldarminjasafninu

„Það lítur út fyrir að vertíðin í sumar verði góð, bókanir hafa sjaldan eð...

Arfleið óttans
Líf og starf 5. júlí 2022

Arfleið óttans

Unnur Sólrún Bragadóttir hefur sent frá sér sína fyrstu skáldsögu sem ka...

Iðjagræn fegurð og ævintýraleg tré
Líf og starf 5. júlí 2022

Iðjagræn fegurð og ævintýraleg tré

Ljubljana í Slóveninu er falleg borg með mörgum almenningsgörðum og stórum g...

Græn og læsileg rit
Líf og starf 4. júlí 2022

Græn og læsileg rit

Um þessar mundir eru áskrifenduraðfáíhús Garðyrkjuritið og Skógræktarritið.

Stækka hótel og heilsulind
Líf og starf 4. júlí 2022

Stækka hótel og heilsulind

„Það var komin þörf fyrir stækkun, undanfarin ár hefur mikið verið bókað hjá...

Áskoranir skapa tækifæri
Líf og starf 2. júlí 2022

Áskoranir skapa tækifæri

„Það eru blikur á lofti, því er ekki að neita. Allir stórir liðir í rekstrar...

Vintage Valentino, Gucci, Ganni ...
Líf og starf 1. júlí 2022

Vintage Valentino, Gucci, Ganni ...

Heyrst hefur bak við tjöld tískuunnenda að lúxusveldið Valentino hafi haft þa...