Vinsamlegast athugið að þetta efni er eldra en 3 mánaða.
Forsíða Plöntutalsins.
Forsíða Plöntutalsins.
Mynd / Björn Hjaltason
Líf og starf 8. mars 2022

Plöntutal fyrir Kjós og Kjalarnes

Höfundur: smh

Nýlega var gefið út Plöntutal fyrir Kjós og Kjalarnes á vef Kjósarhrepps, sem Björn Hjaltason á Kiðafelli hefur tekið saman.

Þetta er þriðja upplýsingaritið sem Björn skrifar um náttúrufar á svæðinu, en áður komu út Fuglalíf við sunnanverðan Hvalfjörð og Straumendur á vatnasviði Bugðu og Laxár í Kjós – en þau eru öll aðgengileg á vefnum og gjaldfrjáls.

Björn Hjaltason.

Björn segir að hann hafi lengi haft áhuga á náttúrunni, hann hafi til dæmis á barnsaldri byrjað að skrá atferli fugla í Kjósinni í dagbók. „Þannig að það hafa smám saman safnast upp gögn sem mér datt í hug að gaman væri að taka saman í sérstaka umfjöllun. Ég hef sótt um styrk til Kjósarhrepps sem er auglýstur vegna samfélagsverkefna og fengið stuðing til að gefa út þessi rit hjá þeim,“ segir Björn. Hann leggjur áherslu á að hann sé áhugamaður á þessu sviði en reyni þó að fjalla um náttúrufarið með eins mikilli „fræðilegri nákvæmni“ og hann hafi tök á.

Forsíða ritsins um straumendur á vatnasviði Bugðu og Laxár í Kjós.

Um 120 fuglategundir skráðar á svæðinu

Fyrsta greinin eftir Björn, sem birt var á vef Kjósarhrepps, fjallar um straumendur á vatnasviði Bugðu og Laxár í Kjós. „Já, það er grein sem birt var í Fuglatímaritinu Blika á sínum tíma, líklega í kringum árið 2000. Það var skemmtilegt verkefni sem byrjaði þannig að ég fór að litamerkja straumendur til að geta fylgst með ferðum einstakra fugla um vatnasviðið. Það þróaðist svo út í allsherjar rannsókn á þeim á þessu svæði, en árnar hafa sameiginlegan ós í Laxárvogi í Hvalfirði,“
segir Björn.

Þaðan hafi svo leiðin legið að kortlagningu á fuglalífi við sunnanverðan Hvalfjörð, en um einstaklega yfirgripsmikið rit er að ræða – og ríkulega myndskreytt. Í riti Björns kemur fram að um 120 tegundir fugla hafi verið skráðar á svæðinu, þar af 54 reglulegir varpfuglar.

Skjáskot úr Plöntutalinu.

Getið um 290 plöntutegundir á svæðinu

Nú í febrúar kom svo út Plöntutal fyrir Kjós og Kjalarnes. „Þá lá beint við að taka plönturnar fyrir, enda hafa þær líka verið mikið áhugamál og náttúran yfirhöfuð verið mínar ær og kýr,“ segir Björn. Hann er sem fyrr segir frá Kiðafelli í Kjós og uppalinn sveitastrákur. Hann er þó ekki með hefðbundinn búskap þar, en segist vera með svolítinn sjálfsþurftarbúskap.

Hann segir að lögð hafi verið áhersla á myndræna framsetningu með stuttum lýsingum á plöntum, til dæmis um algengi þeirra og kjörlendi. Hann hafi sjálfur tekið allar myndir fyrir það rit, enda hafi ljósmyndabakterían gripið hann sterkum tökum á undanförnum misserum. Getið er um 290 plöntutegundir í ritinu.

Spurður hvort það sé ekki mikill fengur fyrir sveitarfélagið að hafa aðgengilegar slíkar upplýsingar um náttúrufarið á svæðinu, segist Björn telja að svo geti verið í ýmsu tilliti. „Ég sé fyrir mér að þetta geti nýst til dæmis í skipulagsstarfi til dæmis og svo auðvitað til að vekja fólk til umhugsunar um umhverfi sitt. Svo mætti hugsa sér að ferðaþjónustan gæti notað þetta,“ segir Björn.

Skylt efni: Kjós | Kjósarhreppur | Kjalarnes

Grasnytjar og þjóðtrú
Líf og starf 6. júlí 2022

Grasnytjar og þjóðtrú

Á síðasta ári gaf Guðrún Bjarnadóttir, eigandi Hespuhússins í Ölfusi, ú...

Líflegt hjá Síldarminjasafninu
Líf og starf 6. júlí 2022

Líflegt hjá Síldarminjasafninu

„Það lítur út fyrir að vertíðin í sumar verði góð, bókanir hafa sjaldan eð...

Arfleið óttans
Líf og starf 5. júlí 2022

Arfleið óttans

Unnur Sólrún Bragadóttir hefur sent frá sér sína fyrstu skáldsögu sem ka...

Iðjagræn fegurð og ævintýraleg tré
Líf og starf 5. júlí 2022

Iðjagræn fegurð og ævintýraleg tré

Ljubljana í Slóveninu er falleg borg með mörgum almenningsgörðum og stórum g...

Græn og læsileg rit
Líf og starf 4. júlí 2022

Græn og læsileg rit

Um þessar mundir eru áskrifenduraðfáíhús Garðyrkjuritið og Skógræktarritið.

Stækka hótel og heilsulind
Líf og starf 4. júlí 2022

Stækka hótel og heilsulind

„Það var komin þörf fyrir stækkun, undanfarin ár hefur mikið verið bókað hjá...

Áskoranir skapa tækifæri
Líf og starf 2. júlí 2022

Áskoranir skapa tækifæri

„Það eru blikur á lofti, því er ekki að neita. Allir stórir liðir í rekstrar...

Vintage Valentino, Gucci, Ganni ...
Líf og starf 1. júlí 2022

Vintage Valentino, Gucci, Ganni ...

Heyrst hefur bak við tjöld tískuunnenda að lúxusveldið Valentino hafi haft þa...