Vinsamlegast athugið að þetta efni er eldra en 2 mánaða.
Ellefu nemendur luku námskeiðinu Matarsmiðjan Beint frá býli sem Austurbrú og Hallormsstaðaskóli stóðu fyrir en útskrift var fyrr í þessum mánuði. Á myndinni eru frá vinstri: Halla Eiríksdóttir, Pála Svanhildur Geirsdóttir, Helga Rún Steinsdóttir, Þóra Björk Nikulásdóttir, Bergþóra Valgeirsdóttir, Angelika Ingrid Hofer, Jens Einarsson, Bryndís Fiona Fond, skólameistari í Hallormsstaðaskóla, Sigurður Eyberg Jóhannesson, kennari í Hallormsstaðaskóla, Halldóra Dröfn Hafþórsdóttir, verkefnastjóri Austurbrú.
Ellefu nemendur luku námskeiðinu Matarsmiðjan Beint frá býli sem Austurbrú og Hallormsstaðaskóli stóðu fyrir en útskrift var fyrr í þessum mánuði. Á myndinni eru frá vinstri: Halla Eiríksdóttir, Pála Svanhildur Geirsdóttir, Helga Rún Steinsdóttir, Þóra Björk Nikulásdóttir, Bergþóra Valgeirsdóttir, Angelika Ingrid Hofer, Jens Einarsson, Bryndís Fiona Fond, skólameistari í Hallormsstaðaskóla, Sigurður Eyberg Jóhannesson, kennari í Hallormsstaðaskóla, Halldóra Dröfn Hafþórsdóttir, verkefnastjóri Austurbrú.
Mynd / Austurbrú
Líf og starf 7. apríl 2021

Mikill áhugi og gróska í austfirskri matvælaframleiðslu

Höfundur: Margrét Þóra Þórsdótttir

Námskeiðinu Matarsmiðjan Beint frá býli, sem Austurbrú og Hallormsstaðaskóli stóðu fyrir í góðu samstarfi, lauk nýverið. „Fólk sér vaxandi tækifæri í matvælaframleiðslu af ýmsu tagi hér fyrir austan, það er mikil gróska í þessari grein og áhuginn greinilegur,“ segir Halldóra Dröfn Hafþórsdóttir, verkefnastjóri Matarauðs Austurlands hjá Austurbrú.

Námsleiðin er unnin samkvæmt námskrá Fræðslumiðstöðvar atvinnulífsins og aðlöguð að austfirsku umhverfi. Ellefu nemendur luku náminu og voru útskrifaðir fyrr í þessum mánuði. Verkefnin sem þeir unnu að voru fjölbreytt og endurspegluðu þá grósku sem fyrir hendi er í fjórðungnum.

Heimaplatti sem er í boði á veitingastaðnum Við Voginn á Djúpavogi, en hann samanstendur af matvælum úr heimahéraði.

Bóklegt og verklegt nám

Halldóra Dröfn segir að fyrirkomulag námsins hafi verið með þeim hætti að fyrir áramót var farið yfir bóklega hlutann, þar sem m.a. var komið inn á hugmyndavinnu, gerð markaðsáætlana, verk- og kostnaðaráætlanir og fleira. Nemendur fengu fræðslu um matvælamarkaðinn á Íslandi og kynningu frá MAST og Samtökum smáframleiðenda matvæla. Eins var farið yfir helstu fjármögnunarleiðir og unnið að gæðahandbók. Bóklegi hlutinn var rafrænn.

Á vorönn fór verklegt nám fram í Hallormsstaðaskóla, þar sem nemar fengu kynningu á hreinlæti og örveirufræði, vélum og tækjum til matvælaframleiðslu, næringargildi hráefna, uppskriftum, aukaefnum og merkingum. Halldóra segir að mikil áhersla hafi verið lögð á að miða seinni hluta námskeiðsins við þarfir hvers og eins nemanda og þau verkefni sem hann vann að. Nemendur höfðu aðgang að vottuðu tilraunaeldhúsi í skólanum. Bryndís Fiona Ford skólameistari og Sigurður Eyberg Jóhannesson fagstjóri höfðu umsjón með námskeiðinu.

Hópurinn kynnti sér starfsemi Búlandstinds í ferð sinni um Djúpavog og Berufjörð.

Dagsferð í Berufjörð

Á önninni var farið í dagsferð í Berufjörð og komið við á Djúpavogi. Fyrst var staldrað við hjá hjónunum í Lindarbrekku, Bergþóru Valgeirsdóttur og Eið Gísla Guðmundssyni sem stunda þar hefðbundinn búskap en hafa undanfarin ár þróað vörur úr hreindýrakjöti, gæsabringum og ærkjöti. Þau hafa sjálf byggt aðstöðuna frá grunni. Þá var komið við hjá William Óðni Lefever og Gretu Mjöll Samúelsdóttur, sem stofnuðu Lefever Sause Co. fyrir nokkrum árum, fyrirtæki sem framleiðir sterkar sósur. Rán Freysdóttir hjá veitingastaðnum Við Voginn kynnti svonefnda „heimaplatta“ þar sem eingöngu má finna mat úr Djúpavogshreppi. Þá kom hópurinn  við hjá Búlandstindi þar sem þeir kynntu sér vinnsluna, laxaslátrun og vinnslu uppsjávarfiska. Auk þess heimsótti hópurinn Steinasafn Auðuns.

Fjölbreytt og spennandi verkefni

Halldóra segir að nemendur hafi verið á mismunandi stigi þegar þeir byrjuðu í haust, sumir voru þegar komnir af stað með svo gott sem fullunna vöru en aðrir mættu með áhugann að vopni, með eða án hugmyndar í farteskinu. „Sumir vildu auka við þekkingu sína á markaðnum og ýmsu sem viðkemur því að koma vörunni á framfæri en aðrir brunnu í skinninu að fara út í einhvers konar matvælaframleiðslu,“ segir hún en nemendur komu víða að, frá Djúpavogi, Stöðvarfirði, Héraði, Seyðisfirði og Borgarfirði eystra.

Meðal þess sem þeir unnu að má nefna að geitur komu við sögu, rauður rabarbari, þorskur, ull, ís, jerky, hljóðvist, fjallagrös, ferðamenn, koníak, pylsur, fiskisósa og margt annað sem Halldóra segir að verði gaman að fylgjast með áfram. Flestir nemanna ætla sér ótrauðir áfram með sína vöru þegar þar að kemur og sjá því fyrir sér að sækja um styrk úr Matvælasjóði fyrir sín verkefni.

Halldóra segir að boðið verði upp á námskeiðið að nýju en ekki ljóst sem stendur hvort það verði strax næsta haust eða beðið fram á haustið 2022. „Áhuginn er fyrir hendi og við sjáum til hvernig mál þróast,“ segir hún.

18 myndir:

Báru sig vel þrátt fyrir hvassviðri í maílok
Líf og starf 12. júní 2021

Báru sig vel þrátt fyrir hvassviðri í maílok

Víða má nú sjá merar með nýköstuð folöld sín sem eru að feta sín fyrstu spor í þ...

Aðgangur seldur að hvítlauksakrinum í ágúst
Líf og starf 10. júní 2021

Aðgangur seldur að hvítlauksakrinum í ágúst

Það eru til um 600 yrki af hvítlauk í heiminum. Á síðustu átta mánuðum hafa sex ...

Samtök smáframleiðenda matvæla gera tímamótasamning við Eimskip
Líf og starf 9. júní 2021

Samtök smáframleiðenda matvæla gera tímamótasamning við Eimskip

Í maí tók gildi nýr viðskipta­samningur milli Samtaka smáfram­leiðenda matvæla (...

Um 19 milljónir í rekstur hjúkrunarheimilis vegna vanfjármögnunar ríkisins
Líf og starf 7. júní 2021

Um 19 milljónir í rekstur hjúkrunarheimilis vegna vanfjármögnunar ríkisins

Grýtubakkahreppur lagði tæplega 19 milljónir króna á árinu 2020 með rekstri hjúk...

Smekkir á ketti til að þeir veiði ekki fugla
Líf og starf 4. júní 2021

Smekkir á ketti til að þeir veiði ekki fugla

Guðrún Gauksdóttir, sem býr í Kaldaðarnesi í Árborg, á þrjá ketti, sem heita Kúr...

Saumuðu tuskur úr ónýtum handklæðum fyrir þvottahús
Líf og starf 4. júní 2021

Saumuðu tuskur úr ónýtum handklæðum fyrir þvottahús

„Þetta var mjög skemmtilegt og gefandi. Það er alltaf gaman þegar hægt er að fin...

„Eigum í dag miklu meiri samleið með Samtökum ferðaþjónustunnar“
Líf og starf 3. júní 2021

„Eigum í dag miklu meiri samleið með Samtökum ferðaþjónustunnar“

Félag ferðaþjónustubænda (FFB) stefnir á að hætta að skilgreina sig sem búgreina...

Fjölbreytt sumarstörf garðyrkjunema
Líf og starf 1. júní 2021

Fjölbreytt sumarstörf garðyrkjunema

Lokapróf nemenda á Garð­yrkju­skólanum eru að baki þetta vorið og sumarið bíður ...