Vinsamlegast athugið að þetta efni er eldra en 1 árs.
Í huganum heim
Líf og starf 21. september 2021

Í huganum heim

Höfundur: Hörður Kristjánsson

„Þessi bók hefur allnokkra sérstöðu og við vitum ekki til að út hafi komið bók með svipuðu sniði hér á landi,“ segir höfundurinn Guðlaug Jónsdóttir, sem tileinkar bókina foreldrum sínum, Þóru Ágústdóttur og Jóni Jónssyni frá Melum í Hrútafirði.

Það er sannarlega ekki ofsagt að bókin er einstaklega falleg og einlæg. Hún er í harðbandi og mikið myndskreytt af Hlíf Unu Bárudóttur. Sögusviðið er sveit á áttunda áratug síðustu aldar þar sem horft er á heiminn með augum tíu ára stúlku sem er höfundur sjálfur og er kölluð Didda. Hún segir frá ýmsu sem á dagana drífur í sveitinni. Í inngangi ávarpar höfundur lesendur sína og gerir þá um leið ósjálfrátt að vinum sínum, þannig að framhaldið verður afskaplega ljúft.

„Við teljum að vel hafi tekist til við að draga fram tíðarandann, en myndir Hlífar Unu skipta þar miklu,“ segir höfundurinn Guðlaug.

„Fullorðnir lesendur ættu að kannast við margt sem þarna er skrifað, ekki síst fólk sem hefur alist upp í sveit eða átt tengingu við sveitalífið. Þótt bókin sé ætluð börnum þá teljum við að samlestur barna og fullorðinna geti verið afar skemmtilegur. Þarna er ýmislegt sem hægt er að velta vöngum yfir og er efni í þroskandi og uppbyggilegar samræður kynslóðanna.“

Bókin er skreytt fjölda fallegra mynda eftir eftir Hlíf Unu Bárudóttur.

Bókin sprottin upp úr starfi heimilisfræðikennara á Ísafirði

Guðlaug hóf störf við Grunnskólann á Ísafirði haustið 2007.

„Ég er matreiðslumeistari að mennt, bætti síðan við mig kennsluréttindum og kenni heimilisfræði. Þegar ég fór að kenna fann ég fljótt hversu gott gat verið að krydda kennsluna hjá yngri börnunum með stuttum sögum, börn elska sögur! Þannig byrjaði þetta allt saman og síðan fór ég að skrifa sögurnar niður. Á ákveðnum tímapunkti var mér ljóst að ég væri í raun komin með heilmiklar heimildir um líf fólks í sveit frá þessum tíma og jafnvel efni í ágætis bók. Ég tók því ákvörðun í félagi við manninn minn, Karl Kristján Ásgeirsson, að stefna á útgáfu.
Í huganum heim keppir ekki við fantasíubókmenntir eða spennutrylla. Bókinni fylgir friður og ró, hlýja og notalegheit sem ég tel að eigi virkilega erindi til barna og fullorðinna í erli og hraða nútímans.“

Betri barnabók er vandfundin

Herdís M. Hübner lýsir bókinni afskaplega vel í umsögn sinni og þarf eiginlega ekki að hafa um hana fleiri orð. Herdís hefur verið farsæll íslenskukennari á Ísafirði til margra ára og er nú afkastamikill þýðandi. Gefum Herdísi orðið:

„Í huganum heim eftir Guðlaugu Jónsdóttur (Diddu) er hugljúft og skemmtilegt ferðalag aftur í tímann, heim í sveitina hennar að Melum í Hrútafirði. Didda rifjar upp alls kyns ævintýri frá æskuárunum og lesandinn skynjar glöggt að þegar maður er 10 ára er lífið allt eitt ævintýri alla daga.

Á Melum bjuggu þrír bræður og fjölskyldur þeirra og þar voru mörg börn á ýmsum aldri sem voru sífellt að bralla eitthvað úti og inni og finna upp á alls konar uppátækjum. Didda dregur upp skemmtilegar og lifandi myndir af krökkunum og líka fullorðna fólkinu á bænum, öðru fólki í sveitinni, gestum og gangandi. Enn fremur eru dýrin mikilvægar persónur í sögunni og mörg ævintýranna tengjast samskiptum manna og dýra. Sumar persónur bókarinnar eru jafnvel ekki af þessum heimi!

Bókin er skemmtilega skrifuð á litríku og lifandi máli og dásamlega fallegar myndir Hlífar Unu gefa frásögninni enn meiri lit og líf. Aðstæður og andblær bókarinnar minna á sögur Astridar Lindgren um Börnin í Ólátagarði sem margir þekkja og þessar bækur eiga það einnig sameiginlegt að vera sannkallaður yndislestur, bæði fyrir börn og fullorðna. Í bókinni er góður boðskapur þótt hvergi örli á predikunartón, hún er einfaldlega full af hlýju og virðingu fyrir öllu sem lifir og hrífur lesandann með sér. Við lesturinn lá ég í grasinu, fann sólina verma mig, fann ilm af lyngi og heyrði lömbin jarma, krakkana hlæja og hrossagaukinn hneggja. Ég var komin í huganum heim til hennar Diddu litlu – og um leið til eigin æskuára.
Betri barnabók er vandfundin.
Herdís M. Hübner.“

Til sölu á netinu

Bókin er nú sem stendur til sölu á Fb-síðunni: Í huganum heim. Inni á þeirri síðu má einnig finna meira efni um bókina. Nánari upplýsingar gefur Karl í síma:895-0292.

Huldufreyjur Dalrúnar
Líf og starf 30. september 2022

Huldufreyjur Dalrúnar

Sagnfræðingurinn Dalrún Kaldakvísl Eygerðardóttir útskrifaðist með doktorspr...

Íslensk matarveisla úr lífrænum hráefnum
Líf og starf 29. september 2022

Íslensk matarveisla úr lífrænum hráefnum

Fyrsti lífræni dagurinn var haldinn sunnudaginn 18. september á Neðra-Hálsi i...

Allur húsakostur hitaður upp með afurð úr eigin skógi
Líf og starf 28. september 2022

Allur húsakostur hitaður upp með afurð úr eigin skógi

Þessa dagana eru merk tímamót í orkuskiptum hjá bændum að eiga sér stað í ...

Saumaskapur unninn með nál hafinn til vegs og virðingar
Líf og starf 28. september 2022

Saumaskapur unninn með nál hafinn til vegs og virðingar

Margt verður til í kvenna höndum er nafn á sýningu í félagsheimilinu Goðal...

Land Rover með leikaraferil
Líf og starf 28. september 2022

Land Rover með leikaraferil

Á Hvammi í Hvítársíðu er Land Rover jeppi sem hefur öðlast frægð á síðus...

Augnablik í lífi þeirra yngstu þetta sumarið
Líf og starf 27. september 2022

Augnablik í lífi þeirra yngstu þetta sumarið

Ungviðið leikur við hvern sinn fingur yfir sumartímann enda svo margt skemmtile...

Ungir bændur taka við keflinu á Brúsastöðum
Líf og starf 27. september 2022

Ungir bændur taka við keflinu á Brúsastöðum

Skafti Vignisson og Lisa Inga Hälterlein tóku um síðustu áramót við búinu ...

Ómar Ragnarsson heiðraður
Líf og starf 27. september 2022

Ómar Ragnarsson heiðraður

Ómar Ragnarsson umhverfisverndarsinni hlaut Náttúruverndarviðurkenningu Sigri...