Vinsamlegast athugið að þetta efni er eldra en 2 mánaða.
Sokkaskór á börnin
Hannyrðahornið 5. júlí 2021

Sokkaskór á börnin

Höfundur: Handverkskúnst

Prjónaðar tátiljur með gata­mynstri fyrir börn úr Drops Flora.

DROPS Design: Mynstur fl-004-by

Stærðir: (fyrirburar) 0/1 (1/3) 6/9 (12/18) mánaða 2 (3/4) ára

Lengd fótar: (8) 9 (10) 11 (12) 14 (16) cm

Garn: Drops Flora (fæst hjá Handverkskúnst)
- (50) 50 (50) 50 (50) 50 (50) g litur á mynd nr 20, ferskjubleikur

Prjónar: hringprjónar nr 2,5 eða sú stærð sem þarf til að fá 26 lykkjur x 34 umferðir í sléttu prjóni = 10x10 cm.

Garðaprjón (prjónað fram og til baka): Lykkjurnar eru prjónaðar slétt í öllum umferðum.

TÁTILJA: Tátiljan er prjónuð fram og til baka frá miðju að aftan.

Fitjið upp (44) 44 (48) 52 (52) 56 (56) lykkjur á hringprjón nr 2,5 með Flora. Prjónið 1 umferð brugðið frá röngu, prjónið síðan stroff frá réttu þannig: *1 lykkja slétt, 1 lykkja brugðið*, endurtakið frá *-*út umferð. Haldið svona áfram með stroff í (3) 3 (3) 4 (4) 5 (6) cm. Í næstu umferð frá réttu er gerð ein gataumferð þannig: *2 lykkjur slétt saman, sláið 1 sinni uppá prjóninn, 1 lykkja slétt, 1 lykkja brugðið*, endurtakið frá *-* út umferð.

Haldið áfram með stroff eins og áður þar til stykkið mælist alls (5) 5 (5) 6 (6) 7 (8) cm.
Prjónið 1 umferð brugðið frá röngu, JAFNFRAMT er fækkað um (9) 9 (11) 13 (13) 13 (13) lykkjur jafnt yfir = (35) 35 (37) 39 (39) 43 (43) lykkjur. Klippið þráðinn frá.

Setjið nú ystu (11) 11 (12) 13 (13) 15 (15) lykkjurnar á þráð í hvorri hlið = 13 lykkjur eftir á prjóni í öllum stærðum. Prjónið A.1 yfir 13 lykkjurnar, byrjið frá réttu. Haldið svona áfram með mynstur í (3) 3½ (4) 4½ (5½) 6½ (8) cm, prjónið síðustu umferð brugðið frá röngu, JAFNFRAMT er fækkað um (5) 5 (3) 1 (1) 1 (1) lykkjur yfir 13 lykkjurnar = (8) 8 (10) 12 (12) 12 (12) lykkjur, klippið þráðinn frá. Næsta umferð er prjónuð frá réttu þannig: Prjónið lykkjurnar af þræði í annarri hlið, prjónið upp (7) 9 (10) 11 (13) 16 (21) lykkjur meðfram hlið á miðjustykki, prjónið (8) 8 (10) 12 (12) 12 (12) lykkjur á prjóni (= framan), prjónið upp (7) 9 (10) 11 (13) 16 (21) lykkjur meðfram hinni hliðinni á miðjustykki og prjónið lykkjurnar af seinni þræði = (44) 48 (54) 60 (64) 74 (84) lykkjur í umferð.

Prjónið (2½) 3 (3) 4 (5) 5 (5) cm GARÐAPRJÓN – sjá útskýringu að ofan, JAFNFRAMT eftir (1) 1½ (1½) 2 (3) 3 (3) cm fækkið lykkjum í annarri hverri umferð (þ.e.a.s. í hverri umferð frá réttu) að réttu máli þannig:

Fækkið um 1 lykkju í byrjun og í lok umferðar með því að prjóna 2 lykkjur slétt saman innan við 1 kantlykkju. Að auki eru prjónaðar 2 lykkjur slétt saman hvoru megin við 2 miðju lykkjurnar í umferð (= 4 lykkjur færri í annarri hverri umferð) = ca (32) 36 (42) 48 (52) 62 (72) lykkjur eftir í umferð.

Fellið af og saumið sauminn undir fæti og upp meðfram miðju að aftan í ystu lykkjubogana svo að saumurinn verði ekki þykkur.
Prjónið hina tátiljuna alveg eins.

SNÚRA: Klippið 3 þræði ca 1 metra. Tvinnið þá saman þar til þeir taka í, leggið snúruna saman tvöfalda og þá kemur hún til með að tvinna sig aftur saman. Hnýtið hnút í hvorn enda. Þræðið snúruna í gegnum gataumferðina á tátiljunni (byrjið og endið mitt að framan). Endurtakið á hinni tátiljunni.

Dominik herravettlingar
Hannyrðahornið 25. ágúst 2021

Dominik herravettlingar

Byssuvettlingar (veiðivettlingar – símavettlingar).

Botna – ullarpils
Hannyrðahornið 6. ágúst 2021

Botna – ullarpils

Lopinn í pilsinu er alíslenskur, í sauðalitunum, og í honum er sérvalin lambsull...

Sokkaskór á börnin
Hannyrðahornið 5. júlí 2021

Sokkaskór á börnin

Prjónaðar tátiljur með gata­mynstri fyrir börn úr Drops Flora.

Hipsumhaps-sjal
Hannyrðahornið 21. júní 2021

Hipsumhaps-sjal

Hannaðu þitt eigið sjal eftir „Hipsum-haps“ aðferðinni: auðveld leið til að prjó...

Rondane poncho
Hannyrðahornið 7. júní 2021

Rondane poncho

Fallegt poncho sem tilvalið er að hafa við hendina í sumar. Prjónað úr DROPS Par...

Ullarvikuhúfa
Hannyrðahornið 25. maí 2021

Ullarvikuhúfa

Nokkrir uppskriftahönnuðir hafa sammælst um að senda uppskriftir í Bændablaðið s...

Mikil gróska í félagsstarfi ullarvinnsluhópa og ýmis tækifæri eru í nýtingu hráefnisins
Hannyrðahornið 11. maí 2021

Mikil gróska í félagsstarfi ullarvinnsluhópa og ýmis tækifæri eru í nýtingu hráefnisins

Á dögunum var haldinn fyrsti Evrópski ullardagurinn. Ísland tók þátt í viðburðin...

Fallegt prjónavesti
Hannyrðahornið 28. apríl 2021

Fallegt prjónavesti

Vesti eru vinsæl í dag og notuð við öll tilefni. Þetta fallega vesti er prjónað ...