Vinsamlegast athugið að þetta efni er eldra en 3 mánaða.
Norðurstjörnuvettlingar
Hannyrðahornið 22. janúar 2021

Norðurstjörnuvettlingar

Höfundur: Handverkskúnst

Þessir fallegu vettlingar eru prjónaðir með norrænu mynstri. Uppskrift að húfu og sokkum í stíl má finna á garn.is.

DROPS Design: Mynstur me-065-bn

Stærðir: 2 (3/5) 6/9 (10/12) ára

Lengd á vettlingi: 14 (16) 18 (21) cm.

Ummál á vettlingi: 13 (15) 16 (18) cm.

Garn: DROPS MERINO EXTRA FINE (fæst í Handverkskúnst)
- Milligrár nr 04: 50 g í allar stæðir
- Rjómahvítur nr 01: 50 g í allar stærðir

Prjónfesta: 22L x 30 umferðir í sléttu prjóni = 10x10 cm.

Prjónar: Sokkaprjónar nr 3,5

MYNSTUR: Sjá mynsturteikningu A.1 til A.2.

ÚRTAKA-2 (á við um efst á vettlingum): Byrjið 3 lykkjum á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa 2 lykkja), lyftið 1 lykkju eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 2 lykkjur færri við prjónamerki).

ÚRTAKA-3 (á við um þumla):

Byrjið 2 lykkjum á undan prjónamerki, prjónið 2 lykkjur slétt saman, prjónamerki, lyftið 1 lykkju eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 2 lykkjur færri).

VINSTRI VETTLINGUR:

Fitjið upp 28 (32) 36 (40) lykkjur á sokkaprjóna 3,5 með milligrár. Prjónið 6 umferðir slétt fyrir fald. Næsta umferð er prjónuð þannig: *2 lykkjur slétt saman, sláið uppá prjóninn*, prjónið frá *-* út umferðina (= uppábrot). Stykkið er nú mælt frá uppábroti. Prjónið 6 umferðir slétt með milligrár. Prjónið A.1 hringinn (= 7 (8) 9 (10) mynstureiningar með 4 lykkjum). Þegar A.1 hefur verið prjónað til loka, prjónið A.2 hringinn. A.2 er endurtekið á hæðina til loka.

JAFNFRAMT þegar stykkið mælist ca 6 (8) 9 (10) cm frá uppábroti, prjónið merkiþráð fyrir op á þumli þannig: Prjónið 6 (8) 9 (11) lykkjur mynstur eins og áður, prjónið 6 (6) 7 (7) lykkjur slétt fyrir op fyrir þumal með þræði í öðrum lit en litum í stykki, færið lykkjurnar 6 (6) 7 (7) aftur yfir á vinstri prjón og prjónið þær í mynstri, prjónið þær 16 (18) 20 (22) lykkjur sem eftir eru í mynstri eins og áður. Haldið áfram með mynstur þar til vettlingurinn mælist ca 12 (14) 15 (18) cm frá uppábroti (nú hafa verið prjónaðir 6 (6) 6 (8) cm frá opi fyrir þumal). Nú eru eftir ca 2 (2) 3 (3) cm til loka, mátið e.t.v. vettlinginn og prjónið að óskaðri lend.
Setjið eitt prjónamerki í byrjun á stykki og 1 prjónamerki eftir 14 (16) 18 (20) lykkjur. Prjónið slétt hringinn með milligrár. JAFNFRAMT í fyrstu umferð er lykkjum fækkað hvoru megin við 2 prjónamerki – sjá ÚRTAKA-2 (= 4 lykkjur færri). Fækkið lykkjum svona í hverri umferð alls 6 (7) 8 (9) sinnum = 4 lykkjur eftir. Klippið frá, þræðið þráð í gegnum þær lykkjur sem eftir eru, herðið að og festið vel. Vettlingurinn mælist ca 14 (16) 18 (21) cm ofan frá og niður að uppábroti.

ÞUMALL:

Dragið út þráðinn sem var prjónaður yfir 6 (6) 7 (7) lykkjur fyrir opi fyrir þumal. Deilið þessum lykkjum á sokkaprjóna 3,5 og prjónið að auki upp 1 lykkju í hvorri hlið á þumli með milligrár = 14 (14) 16 (16) lykkjur. Prjónið slétt hringinn með milligrár. Þegar þumallinn mælist ca 3 (3½) 4 (4½) cm, setjið 1 prjónamerki í hvora hlið á þumli. Nú er eftir ca 1 cm til loka, mátið e.t.v. vettlinginn og prjónið að óskaðri lengd á þumli. Í næstu umferð er lykkjum fækkað hvoru megin við bæði prjónamerkin – sjá ÚRTAKA-3 (= 4 lykkjur færri). Fækkið lykkjum svona í hverri umferð alls 2 sinnum = 6 (6) 8 (8) lykkjur eftir. Klippið frá, þræðið þráðinn í gegnum þær lykkjur sem eftir eru, herðið að og festið vel.

HÆGRI VETTLINGUR:

Prjónið eins og vinstri vettling upp að þumli. Prjónið merkiþráð fyrir op á þumli þannig: Prjónið 16 (18) 20 (22) lykkjur mynstur eins og áður, prjónið 6 (6) 7 (7) lykkjur slétt fyrir op fyrir þumal með þræði í öðrum lit en litum í stykki, færið lykkjurnar 6 (6) 7 (7) aftur yfir á vinstri prjón og prjónið þær í mynstri, prjónið þær 6 (8) 9 (11) lykkjur sem eftir eru í mynstri eins og áður. Prjónið áfram eins og kemur fram á vinstri vettlingi.

FRÁGANGUR:

Brjótið uppá faldinn að röngu og saumið niður með litlu, fallegu spori.

Prjónakveðja, mæðgurnar í Handverkskúnst
www.garn.is

Mikil gróska í félagsstarfi ullarvinnsluhópa og ýmis tækifæri eru í nýtingu hráefnisins
Hannyrðahornið 11. maí 2021

Mikil gróska í félagsstarfi ullarvinnsluhópa og ýmis tækifæri eru í nýtingu hráefnisins

Á dögunum var haldinn fyrsti Evrópski ullardagurinn. Ísland tók þátt í viðburðin...

Fallegt prjónavesti
Hannyrðahornið 28. apríl 2021

Fallegt prjónavesti

Vesti eru vinsæl í dag og notuð við öll tilefni. Þetta fallega vesti er prjónað ...

Litríkt púðaver
Hannyrðahornið 30. mars 2021

Litríkt púðaver

Prjónað púðaver úr DROPS Paris. Prjónað í röndum, með garðaprjóni og snúningum.

Vetrarskjól á herra
Hannyrðahornið 24. mars 2021

Vetrarskjól á herra

Hálskragar með axlarsæti hafa verið vinsælir í vetur og þessi fallegi kragi fyri...

Stílhreint dömuvesti
Hannyrðahornið 5. mars 2021

Stílhreint dömuvesti

Vesti eru svo vinsæl núna, prjónuð í ýmsum grófleikum. Þetta fallega vesti er fl...

Lillesand húfa
Hannyrðahornið 10. febrúar 2021

Lillesand húfa

Útprjónaðar húfur eru alltaf prýði á höfði. Þessi húfa fyrir börn er hlý og mjúk...

Norðurstjörnuvettlingar
Hannyrðahornið 22. janúar 2021

Norðurstjörnuvettlingar

Þessir fallegu vettlingar eru prjónaðir með norrænu mynstri. Uppskrift að húfu o...

Falleg stroffhúfa
Hannyrðahornið 11. janúar 2021

Falleg stroffhúfa

Fljótprjónuð húfa / hipsterhúfa í stroffprjóni úr DROPS Air. Þétt og góð í kulda...