Vinsamlegast athugið að þetta efni er eldra en 4 ára.
Jólahúfa á káta krakka
Hannyrðahornið 21. desember 2018

Jólahúfa á káta krakka

Höfundur: Handverkskúnst
Hér er flott jólahúfa á káta krakka. 
 
Stærð: 2 (3/4) 5/8 (9/12) ára
Höfuðmál: ca 48/50 (50/52) 52/54 (54/56) cm
Lengd: 38 (41) 42 (45) cm
 
Garn: Drops Merino Extra Fine fæst í Handverkskúnst
100-100-100-100 g litur 11, rauður
50-50-50-50 g litur 01, natur
50-50-50-50 g litur 05, ljós grár
 
Prjónar: Sokkaprjónar nr 3,5, 40 cm hringprjónar nr 2,5 og 3,5.
Prjónfesta:22 lykkjur á breidd og 30 umferðir á hæð með sléttprjóni = 10 x 10 cm.
 
Mynstur: Sjá mynsturteikningu A.1 og A.3.
 
ÚRTAKA:
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð, prjónið 2 lykkjur slétt (prjónamerki situr á milli þessa lykkja), prjónið 2 lykkjur slétt saman.
 
HÚFA:
Húfan er prjónuð í hring. neðan frá og upp. Skiptið yfir á sokkaprjón eftir þörfum. 
 
Fitjið upp 104 (112) 112 (120) lykkjur á hringprjón 2,5 með ljósgrár. Prjónið 1 umferð slétt. Prjónið síðan stroff (= 2 sl,2 br) 3 cm. Skiptið yfir á hringprjón 3,5. Prjónið 1 umferð slétt og fækkið um 8 lykkjur jafnt yfir umferðina = 96 (104) 104 (112) lykkjur. Prjónið A.1 hringinn (= 12-13-13-14 mynstureiningar með 8 lykkjum). Í umferð merktri með ör er aukið út um 0 (1) 1 (2) lykkjur jafnt yfir = 96 (105) 105 (114) lykkjur. Þegar A.1 hefur verið prjónað til loka er prjónað A.2 hringinn. Í umferð merktri með ör er fækkað um 0 (1) 1 (2) lykkjur jafnt yfir = 96 (104) 104 (112) lykkjur. Prjónið A.3 hringinn (= 12-13-13-14 mynstureiningar með 8 lykkjum). Prjónið áfram slétt prjón með rauðum lit þar til stykkið mælist 16 (17) 18 (19) cm. Setjið 1 prjónamerki í byrjun umferðar og 1 prjónamerki eftir 48 (52) 52 (56) lykkjur (prjónamerki merkja hliðar). Í næstu umferð er fækkað um 1 lykkju hvoru megin við hvert prjónamerki – sjá ÚRTAKA (= 4 lykkjur færri). Fækkið lykkjum svona í 3. hverri umferð alls 23 (25) 25 (27) sinnum = 4 lykkjur á prjóni í öllum stærðum. Klippið frá, dragið bandið í gegnum þær lykkjur sem eftir eru, herðið á bandi og festið vel. Húfan mælist ca 38 (41) 42 (45) cm ofan frá og niður.
 
Gangið frá endum, festið skúf eða dusk á enda húfunnar. 
 
Prjónakveðja,
mæðgurnar í Handverkskúnst
www.garn.is 
 

3 myndir:

Skylt efni: jólahúfa

Lopagleði
Hannyrðahornið 27. nóvember 2023

Lopagleði

Lopagleði er sjal eða teppi og passar á alla! Hún nýtist á svölum sumarkvöldum í...

Smásjal heklað úr DROPS Air
Hannyrðahornið 12. nóvember 2023

Smásjal heklað úr DROPS Air

Uppskrift að "Happy Laurel Shawl" sjal. Allar umferðir byrja með 3 loftlykkjum s...

Síðar buxur
Hannyrðahornið 29. október 2023

Síðar buxur

Síðar buxur úr einbandi og plötulopa

Tíglatuskur
Hannyrðahornið 16. október 2023

Tíglatuskur

Prjónaðar tuskur með fallegu gatamynstri sem myndar tígla. Við mælum með tveimur...

Vetrartrefill
Hannyrðahornið 2. október 2023

Vetrartrefill

Uppskriftin er í einni stærð en auðvelt er að breyta bæði breidd og lengd

Notalegt hálsskjól
Hannyrðahornið 18. september 2023

Notalegt hálsskjól

Nú þegar vetur nálgast er gott að byrja á vetrarprjóni. Þetta fallega og einfald...

Barnapeysan Smári
Hannyrðahornið 4. september 2023

Barnapeysan Smári

Efni: 200-300-300-350 gr Þingborgarlopi í aðallit, 50 gr lopi í sauðalit eða Sle...

Blúndutuskur
Hannyrðahornið 15. ágúst 2023

Blúndutuskur

Prjónaðar tuskur í garðaprjóni með blúndukanti úr DROPS Cotton Light.