Georgetown-húfa  á herra
Hannyrðahornið 29. september 2020

Georgetown-húfa á herra

Höfundur: Handverkskúnst

Prjónuð hipster húfa á herra úr DROPS Flora. Húfan er prjónuð í stroffprjóni.

DROPS Design: fl-055

Stærðir: S/M (M/L) L/XL

Höfuðmál: ca 54/56 (56/58) 58/60 cm.

Hæð með tvöföldu uppábroti ca: 25 (26) 27 cm.

Garn: DROPS FLORA (fæst í Handverkskúnst): 100 (100) 100 g litur á mynd: indigo nr 10

Prjónfesta: 26 lykkjur x 32 umferðir í sléttu prjóni = 10x10 cm.

Prjónar: Sokkaprjónar og hringprjónn 40 cm nr 2,5

HÚFA – STUTT ÚTSKÝRING Á STYKKI:
Stykkið er prjónað í hring á hringprjóna. Smám saman er lykkjum fækkað, skiptið yfir á sokkaprjóna þegar þörf er á.
HÚFA: Fitjið upp 144 (152) 160 lykkjur á hringprjón. Tengið í hring og setjið prjónamerki sem markar upphaf umferðar. Prjónið stroff hringinn með 2 lykkjur slétt og 2 lykkjur brugðið. Prjónið stroffprjón þar til stykkið mælist ca 26 (27) 28 cm (eða prjónið að óskaðri lengd, nú eru eftir ca 4 cm til loka).

Nú byrjar úrtaka fyrir toppinn á húfunni, prjónið þannig:

FYRSTA ÚRTAKA: *Prjónið 1 lykkju slétt, prjónið næstu 2 lykkjur slétt saman, 1 lykkja brugðið*, prjónið frá *-* alls 36 (38) 40 sinnum í umferð (fækkað um 36 (38) 40 lykkjur) = 108 (114) 120 lykkjur.

Prjónið með sléttum lykkjum yfir sléttar lykkjur og brugðnum lykkjum yfir brugðnar lykkjur í 2 cm.

ÖNNUR ÚRTAKA: Prjónið 1 lykkju slétt, færið prjónamerkið hingað (þ.e.a.s. prjónamerkið er fært um 1 lykkju til vinstri og þetta er núna byrjun á umferð). *Prjónið 1 lykkju slétt, prjónið næstu 2 lykkjur slétt saman*, prjónið frá *-* alls 36 (38) 40 sinnum í umferð (fækkað um 36 (38) 40 lykkjur) = 72 (76) 80 lykkjur. Allar brugðnar lykkjur eru núna horfnar. Prjónið slétt í hring, 1 cm.
ÞRIÐJA ÚRTAKA: Prjónið 2 lykkjur slétt saman út umferðina (fækkað um 36 (38) 40) = 36 (38) 40 lykkjur í umferð. Prjónið slétt í hring, 1 cm.

FJÓRÐA ÚRTAKA: Prjónið 2 lykkjur slétt saman út umferðina (fækkað um 18 (19) 20 lykkjur) = 18 (19) 20 lykkjur í umferð.
Klippið frá. Notið nál til að þræða þráðinn í gegnum síðustu lykkjurnar nokkrum sinnum. Herðið að og festið vel. Húfan mælist ca 30 (31) 32 cm. Brjótið uppá kantinn 2 sinnum að réttu ca 2½ cm í hvort skipti. Húfan mælist ca 25 (26) 27 cm með uppábroti.

Prjónakveðja,
mæðgurnar í Handverkskúnst,
www.garn.is

Haustpeysa á börn
Hannyrðahornið 28. október 2020

Haustpeysa á börn

Prjónuð peysa fyrir börn með laskalínu úr DROPS Merino Extra Fine. 

Georgetown-húfa  á herra
Hannyrðahornið 29. september 2020

Georgetown-húfa á herra

Prjónuð hipster húfa á herra úr DROPS Flora. Húfan er prjónuð í stroffprjóni.

Rose Blush-vesti
Hannyrðahornið 28. ágúst 2020

Rose Blush-vesti

Vestið er prjónað með stroffi og klauf í hliðum.

Prjónaðir sokkar
Hannyrðahornið 14. ágúst 2020

Prjónaðir sokkar

Prjónaðir sokkar úr DROPS Fabel. Stykkið er prjónað ofan frá og niður með norræn...

Alvira púðaver
Hannyrðahornið 20. júlí 2020

Alvira púðaver

Þetta fallega púðaver er prjónað með gatamynstri.

Haustpeysa
Hannyrðahornið 8. júlí 2020

Haustpeysa

Þessi er tilvalin í útileguna eða fyrir haustið.

Þægilegar smekkbuxur
Hannyrðahornið 10. júní 2020

Þægilegar smekkbuxur

Prjónaðar buxur fyrir börn með axlaböndum úr DROPS Flora. Stykkið er prjónað með...

Elluteppið
Hannyrðahornið 28. maí 2020

Elluteppið

Þegar Ella vinkona mín átti von á sínu fyrsta barni heklaði ég að sjálfsögðu tep...