Þétting byggðar úrelt hugsun og talin heilsufarslega og félagslega skaðleg
Þétting byggðar hefur verið eins konar töfraorð í íslenskri sveitarstjórnarpólitík í fjölmörg ár og einkum þar sem byggð er þéttust fyrir eins og á höfuðborgarsvæðinu. Byggðaþétting hefur átt að leysa úr flestum vanda, eins og húsnæðisvanda, og draga stórlega úr loftmengun og þörfinni á akstri ökutækja.