Vinsamlegast athugið að þetta efni er eldra en 1 árs.
Heiðbrá við fjósastörf í Noregi.
Heiðbrá við fjósastörf í Noregi.
Lesendabásinn 20. september 2021

Sameinumst um öflugan landbúnað

Höfundur: Heiðbrá Ólafsdóttir

Á ferð minni um Suðurkjör­dæmið hef ég komið á marga bæi og átt samtal við marga bændur, unga sem aldna. Öll höfum við verið sammála um að efla þurfi landbúnaðinn, tryggja og bæta rekstrarumhverfi bænda. Eitt sem liggur mörgum bændum á hjarta er kynslóðaskipting, hvernig eiga ungir framtíðarbændur að geta tekið við búum svo vel sé gert.

Miðflokkurinn hefur einn flokka átt frumkvæði að því að leggja fram þingsályktunartillögu um ættliðaskipti bújarða þess efnis að jarðeigendum verði heimilt með einföldum hætti að ráðstafa jörð sinni milli ættliða. Markmið tillögunnar er að treysta búrekstur í landinu og að gera ábúendum jarða auðveldara að ráðstafa jörð innan ættar. Markmið laga um ættaróðal frá árinu 1943 var að draga úr þeirri skuldabyrði sem fylgir kynslóðaskiptingu en sú skuldabyrði veldur því að kaupendur geta oft litlu áorkað til umbóta á jörðum sínum. Eftir brottfall ákvæða um heimild til stofnunar nýrra ættaróðala úr jarðalögum er staðan alls ekki ólík en staðan í dag kallar á að farið verði í heildræna endurskoðun á því hvernig haga megi ættliðaskiptum á bújörðum til framtíðar þannig að nýliðun verði sem allra mest og að ungir bændur geti tekið við búum af eldri kynslóðum án þess að þurfa að taka á sig óviðráðanlega skuldabyrði.

Einnig hefur Miðflokkurinn lagt fram þingsályktunartillögu í 24 liðum ásamt greinargerð um stóreflingu innlendrar matvælaframleiðslu og öruggt og fyrirsjáanlegt rekstrarumhverfi landbúnaðar í samstarfi við bændur. Í umsögn Landssamtaka sauðfjárbænda um tillöguna kemur fram að samtökin styðji tillöguna efnislega og fagna því að hún kemur fram og styðja eindregið að tillagan verði samþykkt. Landssamtök kúabænda segja í sinni umsögn að samtökin taki undir það sem kemur fram í tillögunni og hvetja til þess að hún verði samþykkt. Bændasamtök Íslands hafa einnig farið yfir efni tillögunnar og styðja eindregið að hún verði samþykkt.

Hvað stendur þá í vegi fyrir öflugum landbúnaði?

Þegar horft er yfir farinn veg tala staðreyndirnar sínu máli og ljóst er að áherslur Miðflokksins eru og hafa ávallt verið að stuðla að bættum og öflugum landbúnaði.

Árið 2020 skrifaði Sigmundur Davíð Gunnlaugsson formaður Miðflokksins í grein sinni “Staða íslensks landbúnaðar vandinn og lausnin” að öflugur landbúnaður væri spurning um ákvörðun.
Kæri kjósandi, þessi ákvörðunar­taka liggur hjá þér í komandi alþingiskosningum.

Miðflokkurinn hefur þor, getu og vilja til þess að láta verkin tala. Sameinumst því um að byggja upp öflugan landbúnað, fyrir Ísland allt.

Heiðbrá Ólafsdóttir
Höfundur er lögfræðingur,
kúabóndi og formaður
Miðflokksdeildar Rangárþings.

900 milljónir greiddar út til bænda
Lesendabásinn 23. september 2022

900 milljónir greiddar út til bænda

Fyrstu sprettgreiðslurnar til bænda voru greiddar út síðastliðinn föstudag, t...

Íslendingar hafa selt syndaaflausnir vegna losunar á 68 milljónum tonna af CO2
Lesendabásinn 20. september 2022

Íslendingar hafa selt syndaaflausnir vegna losunar á 68 milljónum tonna af CO2

Í rúman áratug, eða frá árinu 2011, hafa íslensk orkufyrirtæki selt hreinl...

Nú er lag að lenda strandveiðum
Lesendabásinn 20. september 2022

Nú er lag að lenda strandveiðum

Kæra Svandís. Lengi hefur staðið til að skrifa þér en núna held ég að það se...

Ærin ástæða til bjartsýni hjá sauðfjárbændum
Lesendabásinn 16. september 2022

Ærin ástæða til bjartsýni hjá sauðfjárbændum

Eftir erfiða tíma undanfarin ár eru jákvæð teikn á lofti fyrir sauðfjárbænd...

NØK (Nordisk Økonomisk Kvægavl) 2022 - Seinni hluti
Lesendabásinn 14. september 2022

NØK (Nordisk Økonomisk Kvægavl) 2022 - Seinni hluti

Í síðasta tölublaði Bændablaðsins (15. tölublað) birtist fyrri hluti umfjöl...

Blóðtakan eykur nytjar af hrossum og styrkir afkomuna
Lesendabásinn 13. september 2022

Blóðtakan eykur nytjar af hrossum og styrkir afkomuna

Með annars ágætri umfjöllun um blóðtökur úr hryssum í Bændablaðinu þann 25...

Ný verðlagsnefnd og uppfærður verðlagsgrundvöllur
Lesendabásinn 8. september 2022

Ný verðlagsnefnd og uppfærður verðlagsgrundvöllur

Ný verðlagsnefnd hittist á sínum fyrsta fundi í síðustu viku á nýrri skri...

Landbúnaðarháskóli Íslands verður hluti af evrópsku háskólaneti
Lesendabásinn 7. september 2022

Landbúnaðarháskóli Íslands verður hluti af evrópsku háskólaneti

Landbúnaðarháskóli Íslands og sjö aðrir samstarfsháskólar í Evrópu hlut...