Vinsamlegast athugið að þetta efni er eldra en mánaðar gamalt.
Sýningin Rask verður í Sláturhúsinu á Egilsstöðum 6. júní til 31. ágúst þar sem ljósmyndin og ljóðið eru leidd saman.
Sýningin Rask verður í Sláturhúsinu á Egilsstöðum 6. júní til 31. ágúst þar sem ljósmyndin og ljóðið eru leidd saman.
Mynd / Listahátíð-Agnieszka Sosnowska
Menning 31. maí 2024

Listin teygir sig víða

Höfundur: Steinunn Ásmundsdóttir

Listahátíð í Reykjavík fer fram dagana 1. til 16. júní. Hátíðin teygir sig einnig með ýmsa viðburði út á landsbyggðina.

Listahátíð fagnar fjölbreytileika mannlífsins og setur aðgengi og virðingu fyrir umhverfinu í forgang, að sögn forsvarsmanna hennar. Við verkefnaval er hátíðin sögð hafa faglegan metnað, kjark, lífsgleði og stórhug að leiðarljósi. Á dagskránni í ár er fjölbreytt úrval yfir 80 listviðburða af ýmsum toga og sumir þeirra utan Reykjavíkur.

Sæskrímsli, ljósmyndir og ljóð

Sem dæmi um viðburði á landsbyggðinni er Sæskrímsli. Segir um sýninguna í kynningu að hún sé „fyrsta stóra götuleikhússýningin sem unnin er á Íslandi. Skrímslin ganga á land í von um að minna okkur á að passa upp á náttúruna okkar. Sýningin ferðast á Akranes, Ísafjörð, Húsavík og í Neskaupstað.“ Tilgreind er listsýningin Rask í Sláturhúsinu á Egilsstöðum. „Þar mætast Agnieszka Sosnowska ljósmyndari og Ingunn Snædal ljóðskáld,“ segir í kynningu. „Samspil ljósmynda og ljóða birtast sem vitnisburður um þróun lands og eyðingu.“
Þá verður samsýningin Er þetta Norður? í Listasafninu á Akureyri. Þar fjallar listafólkið um „sameiginlega reynsluheima fólks sem býr á Norðurslóðum“.
Suðupottur listsköpunar

Á Siglufirði verður INTO festival í Alþýðuhúsinu. „Alþýðuhúsið er handhafi Eyrarrósarinnar í ár sem eru verðlaun veitt annað hvert ár fyrir framúrskarandi menningarstarf á landsbyggðinni. Á INTO festival sameinast listafólk víðs vegar að úr heiminum og sýnir verk sín. Myndlist, gjörningar, útilistaverk, tónleikar og ljóðalestur eru meðal þess sem áhorfendur mega búast við að finna á hátíðinni,“ segir í kynningu.

„KIOSK 108 er sjálfstæður vettvangur lista á Seyðisfirði. Þar finna gestir einstakan suðupott sjónlista, tónlistar og gjörninga. KIOSK 108 býður upp á tveggja daga hátíð þar sem fléttast saman framsækin listsköpun og tónlist svo úr verður margbreytilegt og ástríðufullt neðanjarðarpartí.“

Þá má nefna skúlptúrsýninguna Í lausu lofti sem verður í Gallerý Úthverfu á Ísafirði. Þar sýnir Auður Lóa Guðnadóttir skúlptúra „sem fjalla um það að tilheyra og tilheyra ekki, græna páfagauka í almenningsgörðum Lundúna, flöskuskeyti og allt þar á milli. Auður Lóa hefur einbeitt sér að skúlptúrum úr máluðum pappamassa.“

Heildardagskrá er að finna á vef Listsahátíðar

Telur árangurinn á EM viðunandi
Líf og starf 23. júlí 2024

Telur árangurinn á EM viðunandi

Evrópumótinu í bridds lauk í síðustu viku í Herning í Danmörku. Ísland sendi út ...

Gerum okkur dagamun
Líf og starf 22. júlí 2024

Gerum okkur dagamun

Nú er ekki seinna vænna en að fara að leggja línurnar fyrir sumarið og með það t...

Kóngurinn í Skagafirði
Líf og starf 22. júlí 2024

Kóngurinn í Skagafirði

Jón Arnljótsson, sauðfjárbóndi á Ytri- Mælifellsá í Skagafirði, hefur lengi veri...

Safnar saman þekkingu um alþýðulækningar
Líf og starf 18. júlí 2024

Safnar saman þekkingu um alþýðulækningar

Skoða á hefðir og notkun óhefðbundinna lækninga á Íslandi í norrænni rannsókn. A...

Gerum okkur dagamun
Líf og starf 18. júlí 2024

Gerum okkur dagamun

Nú er ekki seinna vænna en að fara að leggja línurnar fyrir sumarið og með það t...

Stjörnuspá vikunnar
Líf og starf 15. júlí 2024

Stjörnuspá vikunnar

Vatnsberinn er eitthvað órór þessa dagana enda einhver stífla á verkefnum í krin...

Gerum okkur dagamun
Líf og starf 12. júlí 2024

Gerum okkur dagamun

Nú er ekki seinna vænna en að fara að leggja línurnar fyrir sumarið og með það t...

Bænder
Líf og starf 12. júlí 2024

Bænder

Sumir fara á Tinder. Aðrir hafa ekki tíma í slíkt vegna anna í búskapnum. Hér, k...