Vinsamlegast athugið að þetta efni er eldra en 2 mánaða.
Ferð þú í fjársjóðsleit?
Menning 5. mars 2024

Ferð þú í fjársjóðsleit?

Höfundur: Sigrún Pétursdóttir

Helstu ástæður fyrir því að fólk kaupir notaðan fatnað er að bæði eru slík kaup hagkvæm og umhverfisvæn auk þess sem auðveldara er að skapa sér sinn eigin stíl en ella. Hér eru tíu.

  1. Hagkvæmt: Notaður fatnaður er venjulega mun ódýrari en sá sem fæst í helstu tískuvöruverslunum og gerir neytendum kleift að spara umtalsverða upphæð á meðan valið er ... vel í fataskápinn.
  2. Umhverfisáhrif: Endurnýting fatnaðar hjálpar til við að draga úr umhverfisáhrifum tískuiðnaðarins. Með því að lengja þannig líftíma hverrar flíkur, er viðkomandi að leggja sitt af mörkum til að draga úr textílúrgangi og ýta að sama skapi undir varðveislu auðlinda.
  3. Einstök uppgötvun: Að versla notuð föt getur gefið þér tækifæri til að uppgötva hluti sem eru kannski ekki fáanlegir í hefðbundnum verslunum. Þannig er hægt að móta þinn eigin stíl.
  4. Gæði og ending: Andstætt algengum misskilningi geta notuð föt verið af miklum gæðum og endingu. Ending þess fatnaðar sem þegar hefur verið þveginn og notaður margoft – en er enn heillegur og lítur vel út – er ekkert annað en vitnisburður um gæði þeirra.
  5. Stuðningur við sjálfbæra starfshætti: Með því að kaupa notuð föt er stutt við hugmyndina um hringlaga hagkerfi þar sem vörur eru endurnýttar og endurunnar, frekar en að þeim sé fargað eftir takmarkaða notkun. Þetta stuðlar að sjálfbærari og vistvænni nálgun á tískuneyslu.
  6. Siðferðilegt sjónarmið: Að velja notaðan fatnað getur einnig verið í samræmi við siðferðileg sjónarmið, þar sem það dregur úr eftirspurn eftir framleiðslu svokallaðrar hraðtísku („fast fashion“) sem oft tengist lélegum vinnuaðstæðum og misnotkun í fataiðnaðinum.
  7. Dregið úr kolefnisfótspori: Framleiðsla á nýjum fatnaði hefur oft í för með sér umtalsverða kolefnislosun og orkunotkun. Að kaupa áður notaðar flíkur hjálpar til við að minnka kolefnisfótsporið á þann hátt að dræmri eftirspurn er eftir nýjum fatnaði.
  8. Persónulegur stíll: Að heimsækja verslanir fyrir notuð föt og varning gerir fólki kleift að horfa í kringum sig með persónulegan stíl sinn í huga og jafnvel gera tilraunir með mismunandi tískustefnur án þess að eyða í það formúgu.
  9. Framlag til góðgerðarmála: Margar nytjaverslanir starfa undir merkjum góðgerðarsamtaka þar sem ágóði af sölunni rennur til styrktar ýmsum mætum málefnum. Með því að kaupa fatnað frá slíkum starfsstöðvum er kaupandinn óbeint að leggja sitt af mörkum til
    góðgerðarmála.
  10. Persónulegt afrek: Sumir fyllast ánægju- og afrekstilfinningu, nú jafnvel spennu, sem fylgir því að finna falda fjársjóði ef svo má kalla. Vintage Levi‘s buxur með appelsínugulum miða, gamalt Dior undirpils og þar fram eftir götunum. Æsingurinn við slíka fjársjóðsleit ætti að gleðja harðasta sjóræningjahjarta.
Fyrir ævintýragjarna

Hér er listi yfir nokkrar af verslunum landsins sem selja notaðan fatnað, fyrir hetjur nútímans sem bæði hugnast að fara í fjársjóðsleit og bjarga heiminum. Fyrir þá sem kjósa að ráfa um vefsíður má líta á missyanacherie.com en þar má sjá bæði „Chanel Thrift Store Finds“ og „ Designer Thrift store Finds“.

En hér koma dæmi um verslanir.

ABC Barnahjálp Laugavegur 118, 101 Reykjavík og Nýbýlavegur 6, 200 Kópavogi

Basarinn Háaleitisbraut 68, 103 Reykjavík

Hertex Vínlandsleið 6, 113 Reykjavík

Verslanir Rauða Kross Íslands Laugavegur 12, 101 Reykjavík, Kringlan 103 Reykjavík, Laugavegur 116, 105 Reykjavík. Þönglabakki 1, 109 Reykjavík

Barnaloppan, Skeifan 11a, 108 Reykjavík

Extra loppan Smáralind, 200 Kópavogur

Verzlanahöllin Grettisgata 6, 101 Reykjavík

Gullið mitt Smiðjuvegur 4a, 200 Kópavogur

Hringekjan Þórunnartúni 2, 105 Reykjavík

Fatamarkaður Konukots, Eskihlíð 4, 105 Reykjavík

Hertex Hrísalundur 1a, 600 Akureyri

Nytjaverslun RKÍ Viðjulundur 2, 600 Akureyri

Lottan Kaupangi við Mýrarveg, 600 Akureyri

Aftur Nýtt Sunnuhlíð 12, 603 Akureyri

Nytjaverslun RKÍ Húnabraut 13, 540 Blönduós

Nytjamarkaðurinn Hvammstanga Brekkugata 4, 530 Hvammstangi

Nytjaverslun RKÍ Dynskógar 4, 700 Egilsstaðir

Steinninn Nytjamarkaður Egilsbraut 8, 740 Neskaupstaður,

Litla Rauða kross búðin á Stöðvarfirði Fjarðarbraut 48, 755 Stöðvarfjörður

Nytjaverslun RKÍ (staðsett á efri hæð Kjörbúðarinnar) Strandgata 50,
735 Eskifjörður

Hólagull Hólsvegur 2, 735 Eskifjörður

Rauða kross verslun Langanesvegur 3, 680 Þórshöfn

Vosbúð Antik- og nytjamarkaður, Flatir 29, 900 Vestmannaeyjar

Hertex Flugvallarbraut 740, Keflavík

Nytjaverslun RKÍ á Suðurnesjum Smiðjuvellir 8, Reykjanesbær

Trendport Hafnargata 60, 230 Reykjanesbær.

Að lokum

Endurnýting fata getur boðið upp á margvíslegan ávinning. Hagkvæmni og sjálfbærni auk siðferðislegra sjónarmiða.

Slíkir verslunarhættir gera fólki ekki aðeins kleift að spara peninga en í leiðinni að hafa jákvæð áhrif á umhverfið og jafnvel styðja góðgerðarmálefni.

Saltfiskur fyrir fjóra
Líf og starf 23. maí 2024

Saltfiskur fyrir fjóra

Saltaður þorskur er mjög vinsæll hjá þjóðum Suður-Evrópu og tengist þar um slóði...

Hjón hlutu samfélagsverðlaun
Líf og starf 22. maí 2024

Hjón hlutu samfélagsverðlaun

Samfélagsverðlaun Skagafjarðar voru veitt í níunda sinn við setningu Sæluviku Sk...

Þarfasti þjónninn
Líf og starf 22. maí 2024

Þarfasti þjónninn

Bændablaðið fékk til prufu rafmagnaða útgáfu af minnsta Weidemann skotbómulyftar...

Friðrik, Bjarki og Helga Ragna hlutu garðyrkjuverðlaun
Líf og starf 21. maí 2024

Friðrik, Bjarki og Helga Ragna hlutu garðyrkjuverðlaun

Garðyrkjuverðlaun voru veitt á hinni árlegu hátíðarathöfn Garðyrkjuskólans á sum...

Skáldið, framsóknarmaðurinn og fimm granda meldingin
Líf og starf 20. maí 2024

Skáldið, framsóknarmaðurinn og fimm granda meldingin

Þeir voru ekki margir sem komust í slemmu með spil austur-vestur á Kjördæmamótin...

Stjörnuspá 16. maí - 30. maí
Líf og starf 16. maí 2024

Stjörnuspá 16. maí - 30. maí

Vatnsberinn hefur í mörgu að snúast þessa dagana en er þó frekar skýr í kollinum...

Safnað fyrir Einstök börn
Líf og starf 26. apríl 2024

Safnað fyrir Einstök börn

Stóðhestaveisla Eiðfaxa var haldin 13. apríl í HorseDay-höllinni á Ingólfshvoli ...

Umhverfisvænar blómaskreytingar
Líf og starf 25. apríl 2024

Umhverfisvænar blómaskreytingar

Náttúruleg fegurð var í fyrirrúmi á námskeiði um blómaskreytingar í Garðyrkjuskó...