Vinsamlegast athugið að þetta efni er eldra en 6 ára.
Hvatningarverðlaun BSE hlaut  sjónvarpsstöðin N4. María Björk Ingvadóttir, framkvæmdastjóri N4, tekur hér við verðlaununum.
Hvatningarverðlaun BSE hlaut sjónvarpsstöðin N4. María Björk Ingvadóttir, framkvæmdastjóri N4, tekur hér við verðlaununum.
Fréttir 4. maí 2016

Verðlaun í sauðfjár- og nautgriparækt hjá Búnaðarsambandi Eyjafjarðar

Veitt voru verðlaun á aðalfundi Búnaðarsambands Eyjafjarðar sem haldinn var í Hlíðarbæ fyrr í þessum mánuði, fyrir sauðfjárrækt og nautgriparækt sem og einni Hvatningarverðlaun BSE, en þau hlutu sjónvarpsstöðin N4.
 
Auk venjulegra aðalfundarstarfa fluttu erindi á fundinum Sindri Sigurgeirsson, formaður BÍ, Vignir Sigurðsson og Berglind Óðinsdóttir ræddu um starfemi og ráðgjöf RML til bænda. Gunnlaugur Eiðsson, framkvæmdastjóri Kjarnafæðis, hélt erindi um stöðu og framtíðarhorfur á kjötmarkaði. 
 
Kjarni hlaut sauðfjárræktarverðlaun
 
Verðlaunin voru veitt í þrettánda sinn samkvæmt sömu reglum. Byggt er á niðurstöðum skýrsluhalds hjá þeim búum sem hafa eitt hundrað eða fleiri fullorðnar ær á skýrslum. Tekið er tillit til þriggja þátta, reiknaðs kjötþunga eftir fullorðna kind, gerðarmats og hlutfalls milli vöðva- og fitueinkunnar.
 
Að þessu sinni hlaut búið í Kjarna í Hörgársveit sauðfjárræktarverðlaun BSE fyrir árið 2015. Ábúendur í Kjarna eru hjónin Davíð Jónsson og Sigrún Sverrisdóttir. Þau keyptu jörðina og hófu búskap þar árið 1998. Í Kjarna er búið með sauðfé og unnið utan heimilis. Davíð er í fullri vinnu sem húsasmiður.  
 
Kindur hafa lengst af verið nálægt 200, en voru á síðasta ári hátt á þriðja hundrað. Vel er staðið að ræktun fjárins varðandi gerð og við sauðfjárræktina hefur verið lögð mest áhersla á frjósemi fjárins. Á síðasta ári voru 222 vetrarfóðraðar ær sem skiluðu að meðaltali 30,1 kg af kjöti. Gemlingar voru 47 sem skiluðu 9,8 kg. Kjötmat er mjög gott og er gerðarmatið 10,3 og fita 6,2 og því er fituhlutfallið með því besta sem gerist, eða 1,66.
 
Nautgriparækt til fyrirmyndar á Syðri-Grund
 
Á Syðri-Grund í Höfðahverfi hefur verið rekið fyrirmyndar kúabú um lang skeið. Þar er myndarlegt heim að líta og snyrtimennska í fyrirrúmi. Búið á Syðri-Grund hlaut nautgriparæktarverðlaun BES að þessu sinni.
 
Afurðir eru úrvalsgóðar og á síðasta ári var Félagsbúið á Syðri-Grund í öðru sæti af búum á starfssvæði BSE með afurðir eftir hverja kú. Þar voru 56,8 árskýr með meðalnyt 7.478 kg. mjólkur. Næstu þrjú ár þar á undan var búið í 4.–6. sæti á sama lista í héraðinu.
 
Syðri-Grund var stofnað sem nýbýli út úr Grund árið 1935 af Magnúsi Snæbjörnssyni og Guðnýju Laxdal sem bjuggu til ársins 1974. Árið 1966 hófu búskap Sævar Magnússon, sonur þeirra, og kona hans, Guðný Hallfreðsdóttir. Þriðji ættliðurinn kom í búskapinn þegar Stefán Rúnar sonur þeirra hóf búskap með þeim árið 1993 og er búið fyrst og fremst í hans höndum núna.

3 myndir:

Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...