Vinsamlegast athugið að þetta efni er eldra en 6 ára.
TTIP-samningagerð mótmælt í Þýskalandi.
TTIP-samningagerð mótmælt í Þýskalandi.
Mynd / DW
Fréttir 9. maí 2016

TTIP-samningagerð mótmælt harðlega í Þýskalandi

Höfundur: Hörður Kristjánsson
Þúsundir manna úr hópi neytenda og umhverfisverndarsinna í Þýskalandi mótmæltu harðlega í síðustu viku fyrirhuguðum Atlantshafs-viðskipta- og fjárfestingasamningi (Trans-Atlantic Trade and Investment Partnership - TTIP). Einnig var mótmælt svokölluðum CETA samningi milli ESB og Kanada (Comprehensive Economic and Trade Agreement).
 
Þrettánda umferð TTIP-samningagerðarinnar hófst í New York á mánudag. Mikil leynd hefur hvílt yfir samningagerðinni samkvæmt frétt á vefsíðu Deutsche Welle (DW). Hafa fulltrúar löggjafarvaldsins aðeins fengið að sjá drög að þeim samningum sem unnið er að. Þá hafa þingmenn aðeins fengið að kíkja á gögnin í lokuðum herbergjum og er bannað að ræða um þá við sérfræðinga. Í Þýskalandi hefur Angela Merkel barist hart fyrir TTIP- og CETA-samningunum. Þá hefur hún varið af hörku þá leynd sem ríkt hefur við samningagerðina. 
 
Mótmælendur óttast að með þessum samningum eigi að færa fyrirtækjasamsteypum yfirþjóðlegt vald sem skaða muni hagsmuni almennings. Þannig eigi að færa fyrirtækjum vald sem sé æðra valdi lýðræðislega kjörinna fulltrúa almennings. Sömu áhyggjur hafa verið uppi varðandi TIP-samning 12 þjóða við Kyrrahaf. Forseti Bandaríkjanna hefur verið í fararbroddi þeirra þjóðarleiðtoga sem hvatt hafa til samþykktar slíkra samninga. 
 
Mótmælin sem fram fóru síðastliðinn laugardag fóru fram skömmu fyrir komu Barack Obama  Bandaríkjaforseta, sem notaði ferðina líka til að hafa uppi áróður fyrir veru Breta í ESB. Nú styttist í að Bretar kjósi um BREXIT, sem snýst um það hvort landið gangi úr ESB eða ekki. Hefur áróðri Obama verið æði misjafnlega tekið í Bretlandi og þykir sumum Bretum það dæmi um freklega íhlutun Bandaríkjamanna í bresk innanríkismál. 
 
Mótmælin gegn TTIP eru ekki þau fyrstu sem fram fara í Þýskalandi. Í nóvember mótmæltu yfir 100 þúsund manns samningagerðinni á götum Berlínar. 
Rannsakar skyggnar konur
Fréttir 7. febrúar 2023

Rannsakar skyggnar konur

Dr. Dalrún Kaldakvísl Eygerðardóttir sagnfræðingur rannsakar sögu skyggnra kvenn...

Of algengt að hestunum sé gefinn óþverri
Fréttir 6. febrúar 2023

Of algengt að hestunum sé gefinn óþverri

Margeir Ingólfsson og Sigríður Jóhanna Guðmundsdóttir, bændur á bænum Brú í Blás...

Tíu ára starfsafmæli
Fréttir 3. febrúar 2023

Tíu ára starfsafmæli

Tíu ár eru síðan Ráðgjafarmiðstöð landbúnaðarins (RML) var sett á laggirnar. Af ...

Innlend fóðurframleiðsla gæti nýtt jarðhita sem fer til spillis
Fréttir 3. febrúar 2023

Innlend fóðurframleiðsla gæti nýtt jarðhita sem fer til spillis

Fjárfestingafélag Þingeyinga hf. hefur unnið að skýrslu í samstarfi við verkfræð...

Markaðssetning utan hefðbundins sláturtíma
Fréttir 2. febrúar 2023

Markaðssetning utan hefðbundins sláturtíma

Nýlega var Sláturhúsi Vesturlands í Borgarnesi veittur styrkur úr markaðssjóði s...

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...

Enn versnar rekstrarafkoma skuldsettra kúabúa
Fréttir 31. janúar 2023

Enn versnar rekstrarafkoma skuldsettra kúabúa

Ráðgjafarmiðstöð landbúnaðarins (RML) hefur lokið við greiningu á rekstri 154 kú...

Skordýr sem fóður og fæða
Fréttir 31. janúar 2023

Skordýr sem fóður og fæða

Við Landbúnaðarháskóla Íslands er unnið verkefni sem snýr að því að koma upp sko...