Vinsamlegast athugið að þetta efni er eldra en 8 ára.
Tollar á eina grein ekki felldir niður á kostnað annarar
Fréttir 15. apríl 2014

Tollar á eina grein ekki felldir niður á kostnað annarar

Höfundur: Freyr Rögnvaldsson
Sigurður Ingi Jóhannsson atvinnuvegaráðherra segir það ofureinföldun að segja að tollar verði afnumdir ef samningaviðræður við Evrópusambandið um niðurfellingu tolla á búvörum skila árangri. „Við erum fyrst og fremst að ræða um gagnkvæmar niðurfellingar á tollum af ákveðnu magni af ákveðnum landbúnaðarafurðum. Með því myndu íslenskir neytendur fá fjölbreyttari flóru vöruframboðs á Íslandi og íslenskir útflytjendur fengju vaxandi tækifæri til útflutnings á góðum verðum.“
 
Um er að ræða samningaviðræður milli Evrópusambandsins og Íslands sem staðið hafi í all langan tíma og ganga út á að fella niður tolla á hluta innfluttra landbúnaðarafurða. Á móti yrðu tollar á hluta íslenkra landbúnaðarafurða sem fluttar væru út til landa sambandsins felldir niður. „Það má segja að þessar samningaviðræður  hafi hafist vegna óska mjólkur- og kjötiðnaðarins í landinu, fyrir minn tíma í embætti atvinnuvegaráðherra. Í haust var komið ákveðið hökt í þessar viðræður en engu að síður var ákveðið að halda þeim áfram. Nú hefur staðan breyst á þann veg að það sem hefur verið til umræðu er mun hagfelldari samningur fyrir okkur en áður var upp á borðinu, án þess að ég geti farið nánar út í stöðu málsins. Ég vænti þess þó að það séu ekki margir mánuðir í að lokaniðurstaða geti legið fyrir“, segir Sigurður Ingi.
 
Samningaviðræðurnar snúast um mjólkurafurðir og kjöt af flestum tegundum, sem og unnar vörur. Grænmeti er hins vegar ekki undir í þessum samningi að sögn Sigurðar Inga. „Það sem um ræðir eru gagnkvæmar opnanir á tollfrjálsum viðskiptum í ákveðnu magni. Markmið okkar er að gagnkvæmir möguleikar opnist fyrir hverja atvinnugrein innan landbúnaðarins en ekki verði samið um niðurfellingu á tollum innan einnar atvinnugreinar á kostnað annarar. Þetta þýðir að fáist heimildir til að flytja út skyr til dæmis, þá verði opnað á innflutning á öðrum mjólkurafurðum, til dæmis ostum, í staðinn. Hið sama má segja um aðrar greinar landbúnaðar. Samningaviðræðurnar hafa verið á þessum nótum undanfarið, í það minnsta í mun meira mæli en var.“
 
Takist að ljúka samningnum mun líða all nokkur tími þar til hann tekur að fullu gildi, líklega einhver ár. Ljóst er að samningur um gagnkvæm viðskipti af þessu tagi gæti skapað mikil tækifæri í útflutningi á landbúnaðarafurðum, til að mynda skyri sem mikil eftirspurn er eftir úti í Evrópu en vegna hárra tolla hefur ekki verið hagkvæmt að flytja það út í því mæli sem mögulegt væri.
Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...