Þröstur Norðurlandameistari

Norðurlandameistaramót í eldsmíði fór fram dagana 11.14. júní síðastliðinn í Tidaholm í Svíþjóð. Þröstur Sigmundsson, sem býr í Reykjanesbæ, gerði sér lítið fyrir og varð Norðurlandameistari í opnum flokki.

Beate Stormo úr Eyjarfjarðarsveit og Guðmundur Sigurðsson frá Akranesi náðu einnig mjög góðum árangri í sínum flokkum og urðu bæði í þriðja sæti.

Félag eldsmiða á Íslandi er með smiðju á Akranesi en félagið stendur fyrir og tekur þátt í ýmsum viðburðum, eins og opnum smiðjum, námskeiðum, sýnikennslu og uppákomum á söfnum og hátíðum alls konar.

„Eldsmíði á sér djúpar rætur í íslenskri sögu allt frá landnámi. Landnámsmenn komu með þekkingu á járnsmíði sem varð grundvöllur fyrir lífi og samfélagi í nýju landi. Smiðir sköpuðu nauðsynleg verkfæri, hnífa og búnað til daglegs lífs, allt mótað með eldi, járni og handverki,“ segir Þröstur stoltur með Norðurlandameistaratitilinn sinn.