Vinsamlegast athugið að þetta efni er eldra en 9 ára.
Skógræktarfélag Íslands lýsir áhyggjum af samdrætti
Fréttir 10. mars 2015

Skógræktarfélag Íslands lýsir áhyggjum af samdrætti

Höfundur: Vilmundur Hansen

Skógræktarfélag Íslands hefur sent frá sér fréttatilkynningu þar sem lýst er yfir áhyggjum af þeim samdrætti sem orðið hefur í nýskógrækt hér á landi undanfarin ár. Fréttatilkynningin er á þessa leið.

Stjórn Skógræktarfélags Íslands lýsir yfir áhyggjum af stórfelldum samdrætti í nýgræðslu skóga á undanförnum sex árum. Árið 2014 voru gróðursettar um 2,9 millj. trjáplantna á Íslandi. Leita þarf allt aftur til ársins 1989 til þess að finna lægri tölur um heildargróðursetningu skóga á landinu. Afturhvarf um aldarfjórðung er alvarleg staða þegar horft er til uppbyggingar á innviðum skógræktar á undanförnum árum. Ef þróuninni verður ekki snúið við hið fyrsta blasir við að það mikla uppbyggingarstarf sem átt hefur sér stað frá því um 1990 verður fyrir miklu tjóni, á sama tíma og tækifæri til skógræktar hafa aldrei verið meiri. Mesta tjónið liggur þó í töpuðum mannauði og engri endurnýjun eða nýsköpun og svo auðvitað tapaðri auðlind og vistþjónustu skóga sem ekki verða til.

Ljóst er að taka mun nokkur ár að ná sambærilegum afköstum og árið 2007 en þá náði gróðursetning hámarki þegar gróðursettar voru hér á landi rúmlega 6,1 milljónir trjáplantna. Tækifæri hér á landi til fjölþættrar atvinnuuppbyggingar í skógrækt og landgræðslu eru mikil og sömuleiðis tækifærin til þess að draga úr uppsöfnun gróðurhúsalofttegunda í andrúmslofti með þeirri hagkvæmu og skilvirku leið að binda kolefni, með aukinni skógrækt. Athyglisvert er að skoða þessa hnignun í samhengi við þingsályktun sem samþykkt var sl. vor „um eflingu skógræktar sem atvinnuvegar og sameiningu stjórnsýslueininga á sviði skógræktar og landgræðslu“ (143. löggjafarþing 2013-2014. Þingskjal 273 – 211. mál). Sú þingsályktun var samþykkt af öllum þingmönnum sem viðstaddir voru afgreiðsluna.

Einnig gengur þessi þróun gegn stefnuyfirlýsingu ríkisstjórnar Sjálfstæðisflokks og Framsóknarflokks (frá 13. maí 2013). Verði ekkert að gert er ljóst að áratuga uppbyggingarstarf mun fara forgörðum.
 

Skylt efni: Skógrækt

Nýir liðsmenn Bændablaðsins
Fréttir 21. júní 2024

Nýir liðsmenn Bændablaðsins

Lesendur hafa kannski tekið eftir nýjum efnisþáttum í blaðinu í vor. Hugarleikfi...

Opnað fyrir milljarða króna fjármögnun
Fréttir 21. júní 2024

Opnað fyrir milljarða króna fjármögnun

Lítil og meðalstór fyrirtæki á Íslandi fá aðgengi að 3,2 milljarða króna fjármög...

Stækka ræktarland og fjölga vörutegundum
Fréttir 20. júní 2024

Stækka ræktarland og fjölga vörutegundum

Hvítlauksbændurnir í Neðri-Brekku í Dölum fengu nýlega tvo styrki úr Matvælasjóð...

Verðlaunuðu góðan árangur
Fréttir 20. júní 2024

Verðlaunuðu góðan árangur

Tabea Elisabeth Schneider hlaut verðlaun fyrir besta árangur á B.S. prófi þegar ...

Fuglum fækkar vegna óveðurs
Fréttir 20. júní 2024

Fuglum fækkar vegna óveðurs

Samkvæmt fuglatalningu varð algjört hrun í fjölda fugla á Norðausturlandi þegar ...

Óhrædd að takast á við áskoranir
Fréttir 19. júní 2024

Óhrædd að takast á við áskoranir

Tilkynnt var um ráðningu Margrétar Ágústu Sigurðardóttur í starf framkvæmdastjór...

Halla færir út kvíarnar
Fréttir 19. júní 2024

Halla færir út kvíarnar

Halla Sif Svansdóttir Hölludóttir, garðyrkjuframleiðandi og eigandi garðyrkjustö...

Sala Búvís stöðvuð
Fréttir 19. júní 2024

Sala Búvís stöðvuð

Samkeppniseftirlitið hefur komið í veg fyrir að Skeljungur kaupi Búvís ehf. þar ...