Vinsamlegast athugið að þetta efni er eldra en 6 ára.
Ráðstefnan verður haldin í Silfurbergi í Hörpu.
Ráðstefnan verður haldin í Silfurbergi í Hörpu.
Fréttir 19. maí 2016

Ráðstefnan Matur er mikils virði haldin í dag

Samstarfsvettvangur um Matvæla­landið Ísland efnir til ráðstefnu í Silfurbergi í Hörpu fimmtudaginn 19. maí þar sem rýnt verður í framtíð markaðssetningar og sölu á mat. Yfirskriftin er „Matur er mikils virði“ en einkum verður sjónum beint að framtíðinni og leiðum til að auka verðmæti þeirra matarauðlinda sem við Íslendingar búum yfir.
 
Aðalfyrirlesari á ráðstefnunni er Birthe Linddal, danskur sérfræðingur í framtíðarfræðum. Hún heldur erindi um strauma og stefnur í matargeiranum og fjallar um það hvernig matvælaframleiðendur geta mætt áskorunum og nýtt tækifæri sem þeim fylgja.
 
Til að ræða um framtíðina og nýjar leiðir við sölu og markaðssetningu á mat verða fleiri fyrirlesarar í Hörpu þennan dag. 
 
Athyglisverð erindi verða haldin um leiðir til að auka virði afurða, stefnu íslenskra fyrirtækja og sagðar reynslusögur af nýstárlegum aðferðum til að ná til neytenda. Gunnar Bragi Sveinsson, sjávarútvegs- og landbúnaðarráðherra, ávarpar gesti en ráðstefnustjóri verður Hörður Kristinsson, rannsókna- og nýsköpunarstjóri hjá Matís. 
 
Ráðstefnan hefst með staðgóðri hádegishressingu kl. 12.00 í umsjá matreiðslumeistaranna Bjarna Gunnars Kristinssonar, yfirkokks í Hörpu, og Gísla Matthíasar Auðunssonar, eiganda Slippsins í Vestmannaeyjum og Matar og drykkjar í Reykjavík. 
 
Matvælalandið Ísland er samstarfsvettvangur Bændasamtaka Íslands, Háskóla Íslands, Íslandsstofu, Matís, Samtaka ferðaþjónustunnar, Samtaka fyrirtækja í sjávarútvegi, Samtaka iðnaðarins og fyrirtækja innan viðkomandi samtaka. Atvinnuvega- og nýsköpunarráðuneytið á einnig fulltrúa.
 
Enginn aðgangseyrir er á ráðstefnuna en þátttakendur eru vinsamlegast beðnir um að skrá sig á www.si.is.
 
Dagskráin í Silfurbergi í dag:
 
Kl. 12.00 Hádegishressing í boði matvælaframleiðenda
Kl. 12.30  Setning. Gunnar Bragi Sveinsson, sjávarútvegs- og landbúnaðarráðherra.
 
Food trends towards 2025 - from food trends to successful innovation
- Birthe Linddal, framtíðarfrömuður
 
Markaðssetning matvæla – hvert stefna íslensk fyrirtæki? 
- Guðný Káradóttir, forstöðumaður sjávarútvegs og matvæla hjá Íslandsstofu
 
Leyndarmál íslenska þorsksins
– Guðmundur H. Gunnarsson, nýsköpunarstjóri hjá Skinney Þinganes
 
Meira fé fyrir sauðfjárafurðir
- Svavar Halldórsson, frkv.stj. Landssamtaka sauðfjárbænda
 
Reynslusögur úr ýmsum áttum
 
Veitingastaðurinn Matur og drykkur
– Gísli Matthías Auðunsson, matreiðslumeistari
 
Bjórskóli Ölgerðarinnar 
– Jarþrúður Ásmundsdóttir, Gestastofu Ölgerðarinnar
 
Blámar – hafsjór af hollustu 
– Valdís Fjölnisdóttir og Pálmi Jónsson, eigendur Blámar
 
Eldum rétt 
– Kristófer Júlíus Leifsson, stofnandi Eldum rétt
 
Vakandi – aðgerðir gegn matarsóun 
– Rakel Garðarsdóttir, frumkvöðull

 

Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...