Vinsamlegast athugið að þetta efni er eldra en 7 ára.
Frá setningu Landsmóts hestamanna á Hellu 2014.
Frá setningu Landsmóts hestamanna á Hellu 2014.
Mynd / HKr.
Fréttir 25. maí 2016

Mótmæla því að þrjú landsmót í röð verði í sama landsfjórðungi

Höfundur: Margrét Þóra Þórsdóttir
 „Með þessari ákvörðun er stjórn LH að ákveða að þrjú landsmót í röð 2018-2020 og 2022 verði öll í einum landsfjórðungi,“ segir í ályktun sem ársþing Íþróttabandalags Akureyrar, ÍBA, hélt á dögunum en á þinginu sátu meðal annarra nokkrir fulltrúar frá Hestamannafélaginu Létti á Akureyri. 
 
Ársþingið mótmælti harðlega þeirri ákvörðun stjórnar Landssambands hestamannafélaga, LH, að landsmót hestamanna árin 2020 og 2022 verði haldin á Suðurlandi.
 
Hestamannafélagið Léttir lagði fram mjög metnaðarfulla umsókn um að landsmót hestamanna yrði haldið á Akureyri 2020 eða 2022 og naut til þess stuðning bæjarstjórnar Akureyrar, íþróttaráðs sem og stjórnar Íþróttabandalags Akureyrar.
 
Í greinargerð sem fylgdi ályktuninni segir að íþróttahreyfingin í hinum ýmsu íþróttagreinum á landsbyggðinni hafi á liðnum árum unnið að uppbyggingu hinna ýmsu keppnissvæða í góðri sátt og með miklum stuðningi sveitarfélaga sinna. Þar sé  Akureyri sannarlega engin undantekning. 
Mikill fengur að fá mannmörg mót heim í hérað
 
„Það má ljóst vera að öll uppbygging mannvirkja til að stunda íþróttir hverju nafni sem þær nefnast efla og styrkja greinarnar og um leið gera okkur samanburðarhæf í keppni þeirra bestu. Það er mikill fengur fyrir íþróttina sem og sveitarfélagið í heild sinni að fá stór og mannmörg mót og keppnir heim í hérað.
Akureyri hefur oft sýnt og sannað að bærinn ásamt forustufólki í íþróttahreyfingunni hefur staðið afar vel að öllu er snýr að stórmótahaldi og bærinn er mjög vel í stakk búinn að þjóna miklum fjölda gesta, samanber N1 mót KA, pollamót Þórs, Skíðalandsmót Íslands sem og landmót UMFÍ,“ segir í ályktun ársþingsins sem skorar á stjórn LH að endurskoða nú þegar þessa ákvörðun.
 
Ályktun Léttismanna var samþykkt með einróma stuðningi íþróttahreyfingarinnar á Akureyri sem þykir málið eiga fullt erindi inn til stjórnar ÍSÍ. 
 
Fram kom í máli þingfulltrúa að fleiri sérsambönd séu að leggja til að landsmót í hinum ýmsu greinum íþrótta og aðrir stórir viðburðir verði einungis á Suðurlandi. Slíku mótmælir íþróttahreyfingin á Akureyri.
Passíusálmar sr. Hallgríms
Fréttir 29. mars 2024

Passíusálmar sr. Hallgríms

Passíusálmarnir verða fluttir í Hallgrímskirkju á föstudaginn langa.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...