Vinsamlegast athugið að þetta efni er eldra en 6 ára.
Milljón sumarblóm
Fréttir 30. apríl 2015

Milljón sumarblóm

Höfundur: Vilmundur Hansen

Framleiðsla á sumarblómum er um milljón plöntur á ári. Innflutningur á sumarblómum var talsverður fyrir nokkrum árum en hann hefur dregist saman og er lítill í dag. Sala á forræktuðum kálplöntum eykst jafnt og þétt.

„Garðyrkjustöðvar á Íslandi sem framleiða sumarblóm í einhverju magni eru um tíu og þar af eru fimm sem eru stórframleiðendur á íslenskan mælikvarða,“ segir Ingibjörg Sigmundsdóttir hjá Garðyrkjustöð Ingibjargar í Hveragerði. „Auk þess sem sum sveitar- og bæjarfélög framleiða eitthvað af sumarblómum á eigin vegum. Fljótt á litið myndi ég ætla að framleiðslan hér á landi væri um milljón sumarblóm á ári.“

Dregið úr innflutningi

Með sumarblómum er hér átt við minni plöntur eins og stjúpur, fjólur, flauelsblóm, skrautnálar, morgunfrú, fagurfíflar og nokkrar aðrar tegundir. Ingibjörg segir að af sumarblómum sé langmest framleitt af stjúpum og fjólum og að þær séu um 40% framleiðslunnar.

Fyrir nokkrum árum var flutt inn talsvert af sumarblómum en innflutningurinn á þeim hefur dregist mikið saman.

Ásgeir Bachmann, framkvæmda­stjóri Bauhaus á Íslandi, segir að á síðasta ári hafi fyrirtækið flutt inn talsvert af plöntum. „Af því er eitthvað, en óverulegt magn, af sumarblómum sem við flytjum inn frá Danmerkurdeild Gasa. Ég geri ráð fyrir að magnið verði svipað eða aðeins meira fyrir komandi sumar.

Bauhaus selur einnig talsvert af íslenskum sumarblómum og við höfum fullan hug á að auka söluna á blómum sem eru framleidd á Íslandi í framtíðinni.“

Eins og hálfs mánaðar sölutímabil

Algengt útsöluverð á sumarblómum í fyrra var 120 til 150 krónur en tilboð eru algeng meðan á sölutímabilinu stendur og því verðið oft talsvert lægra. Sölutímabil sumarblóma er stutt,eða frá miðjum maí og út júní, og veltan á þeim markaði því mikil á stuttum tíma.

Tískulitir eins og í fötum

„Vinsælustu litirnir á blómum fylgja mikið fatatískunni þannig að sumarblóm sem eru í litum sem einkenna fatatískuna seljast oft fyrr en blóm í öðrum litum. Bláar og hvítar stjúpur eru reyndar alltaf vinsælar og seljast vel en svo hafa komið tímabil þar sem appelsínugular hafa verið vinsælastar.“

Kálplöntur sækja í sig veðrið

Eftirspurn eftir forræktuðum kálplöntum hefur aukist jafnt og þétt undanfarin ár, að sögn Ingibjargar. „Forræktaðar matjurtir hafa verið að sækja í sig veðrið og ég gæti trúað að í heildina værum við að framleiða milli 100 og 150 þúsund slíkar á þessu ári.“

Innlendar plöntur harðgerðari

Ingibjörg segir ekki nokkurn vafa leika á því að sumarblóm sem ræktuð eru á Íslandi sé harðgerðari og betri en innfluttar plöntur. „Plönturnar eru aldar upp til að þola íslenskar aðstæður og harðgerðari fyrir vikið. Stjúpur og fjólur voru til dæmis komnar út í herðingu hjá mér fyrir mánuði og fyrir vikið þola þær íslenska veðráttu mun betur en innflutt sumarblóm. 

John Deere 7R 350 autoPowr er dráttarvél ársins 2022
Fréttir 24. janúar 2022

John Deere 7R 350 autoPowr er dráttarvél ársins 2022

John Deere 7R 350 AutoPowr er dráttarvél ársins 2022 í opnum flokki að mati evró...

KFC fékk mest úthlutað
Fréttir 24. janúar 2022

KFC fékk mest úthlutað

Atvinnuvega- og nýsköpunar­ráðuneytið hefur birt niðurstöðu úthlutunar á tollkvó...

Kostnaður við að fjölga neyðarstöðvum í Vaðlaheiðargöngum yfir 10 milljónir króna
Fréttir 24. janúar 2022

Kostnaður við að fjölga neyðarstöðvum í Vaðlaheiðargöngum yfir 10 milljónir króna

Kostnaður við að setja upp nýjar neyðarstöðvar í Vaðlaheiða­r­göng­um nemur 10 t...

Markmið um að 12 mánaða börn fái leikskólapláss í Sveitarfélaginu Skagafirði
Fréttir 21. janúar 2022

Markmið um að 12 mánaða börn fái leikskólapláss í Sveitarfélaginu Skagafirði

Sveitarfélagið Skagafjörður hefur um nokkurt skeið unnið að því að koma til móts...

Gat á sjókví í Reyðarfirði
Fréttir 21. janúar 2022

Gat á sjókví í Reyðarfirði

Matvælastofnun barst tilkynning frá Löxum Fiskeldi fimmtudaginn 20. janúar um ga...

Skoða alla möguleika til að mæta mikilli eftirspurn eftir lóðum
Fréttir 20. janúar 2022

Skoða alla möguleika til að mæta mikilli eftirspurn eftir lóðum

„Við erum hvergi nærri hætt með okkar uppbyggingu, en stefnan er að íbúar í svei...

„Fyrir okkur öll“ er nýtt slagorð Rangárþings ytra
Fréttir 19. janúar 2022

„Fyrir okkur öll“ er nýtt slagorð Rangárþings ytra

Rangárþing ytra efndi nýlega til slagorðakeppnis um slagorð fyrir sveitarfélagið...

Mikilvægt skref í uppbyggingu Akureyrarflugvallar
Fréttir 19. janúar 2022

Mikilvægt skref í uppbyggingu Akureyrarflugvallar

Samningur um smíði á 1.100 fermetra viðbyggingu við Flug­stöðina á Akureyri var ...