Vinsamlegast athugið að þetta efni er eldra en 6 ára.
Kílóverð á ýmsum kjöt- og fisktegundum í Krónunni á Granda, mið. 30. ágúst 2017.
Kílóverð á ýmsum kjöt- og fisktegundum í Krónunni á Granda, mið. 30. ágúst 2017.
Mynd / TB
Fréttir 31. ágúst 2017

Hvað kostar að kaupa í matinn?

Höfundur: Tjörvi Bjarnason

Töluverð umræða hefur spunnist á Facebook í hópnum "Matartips" um lambakjöt og verðlagsmál núna þegar sauðfjárbændur sjá fram á stórfellda verðlækkun til sín. Rúmlega 22 þúsund manns eru í hópnum sem skiptist á skoðunum um allt sem viðkemur mat og matargerð.

Dagbjartur Dagbjartsson bóndi hóf umræðuþráð á Matartips-síðunni þar sem hann óskaði eftir viðhorfum neytenda til lambakjötsins og spurði meðal annars hvort að varan væri of dýr. Sitt sýnist hverjum en margir kvarta undan stórum pakkningum og óhentugum skammtastærðum. Sumir segjast velja annað kjöt vegna þess að lambið sé of dýrt.

Fulltrúi Bændablaðsins fór í Krónuna og skoðaði verðmiðana á íslensku ófrosnu kjöti og fiski. Breytileikinn er töluverður enda er um ólíkar vörur að ræða sem kostar mismunandi mikið að framleiða. Hér er matnum raðað eftir kílóverði:

Grísahakk: 899 kr.
Hrossagúllas: 998 kr.
Lambahakk: 1.199 kr.
Lambalæri, þítt: 1.499 kr.
Kindasirlon, úrbeinað: 1.499 kr.
Lambaskankar: 1.599 kr.
Nautgripahakk: 1.629 kr.
Grísagúllas: 1.699 kr.
Grísasnitsel: 1.699 kr.
Krónu kjúklingabringur, ferskar: 1.799 kr.
Ýsa í raspi: 1.799 kr.
Ýsuflök, roðlaus og beinlaus: 1.945 kr.
Kindainnlæri, þítt: 1.999 kr.
Ýsuflök, reykt: 2.073 kr.
Krónu kjúklingafille: 2.199 kr.
Holta kjúklingalæri, úrbeinuð: 2.298 kr.
Lambahryggur, þíddur: 2.299 kr.
Lambalærissteikur í sneiðum: 2.299 kr.
Holta kjúklingalundir: 2.499 kr.
Ali kjúklingalæri, úrbeinuð: 2.699 kr.
Ungnautagúllas: 2.699 kr.
Laxaflök, beinhreinsuð: 2.799 kr.
Lambainnralæri, þítt: 3.749 kr.
Nauta mínútusteik: 3.999 kr.

Ýsuflakið er 30% dýrara en lambalærið
Þegar verð er borið saman sést að ódýrasti kosturinn er grísahakk en þar á eftir kemur hrossagúllas. Lambahakkið er það þriðja ódýrasta og í fjórða sæti er uppþítt lambalæri á beini sem kostar 1.499 krónur kílóið. Nautamínútusteik er hins vegar dýrust af þeim tegundum sem Bændablaðið skoðaði en kílóverðið á henni er 3.999 krónur. Íslenskt nautgripahakk kostar 1.629 kr./kg. Ýsan, sem áður var einn ódýrasti matur sem landsmenn gátu keypt, er um miðbik listans. Kílóverð á ýsuflökum er 1.954 krónur sem er rétt um 30% hærra verð en á uppþídda lambalærinu. Kílóverð á kjúklingi er breytilegt eftir bitum en verð á bringum um þessar mundir í Krónunni er 1.799 kr./kg. Sama verð var á grísagúllasi og grísasnitseli, 1.699 kr./kg


Lambahryggur af stærri gerðinni (3,5 kg) kostar sitt, samtals 7.968 kr. En kílóverðið er 2.299 kr. Margir veigra sér við að kaupa slíkt magn af kjöti.


Smellið á myndina til að stækka.

Sláturhús brann til grunna
Fréttir 12. apríl 2024

Sláturhús brann til grunna

Sláturhúsið í Seglbúðum í Landbroti brann til grunna þann 1. apríl.

Ekki farið að lögum um útivist nautgripa
Fréttir 12. apríl 2024

Ekki farið að lögum um útivist nautgripa

Matvælastofnun lagði stjórnvaldssektir á þrjú kúabú á Vesturlandi á dögunum vegn...

Dregur úr kaupvilja
Fréttir 12. apríl 2024

Dregur úr kaupvilja

Niðurstöður tilboðsmarkaðar fyrir greiðslumark mjólkur í byrjun apríl sýna að ja...

Staða framkvæmdastjóra BÍ auglýst innan tíðar
Fréttir 11. apríl 2024

Staða framkvæmdastjóra BÍ auglýst innan tíðar

Vigdís Häsler hefur látið af störfum sem framkvæmdastjóri Bændasamtaka Íslands. ...

Erfiðara verður að fá sphagnum og innfluttur jarðvegur CE-vottaður
Fréttir 11. apríl 2024

Erfiðara verður að fá sphagnum og innfluttur jarðvegur CE-vottaður

Búast má við að innflutningur á mómosamold (sphagnumríkri mold) fari minnkandi á...

Bjarkey ætlar að skerpa línurnar
Fréttir 11. apríl 2024

Bjarkey ætlar að skerpa línurnar

Bjarkey Olsen Gunnarsdóttir er nýr ráðherra matvælaráðuneytis en Svandís Svavars...

Greiðslumark færist til Norðvesturlands
Fréttir 11. apríl 2024

Greiðslumark færist til Norðvesturlands

Um sjötíu prósent mjólkurkvóta sem skipti um eigendur á síðasta tilboðsmarkaði f...

Nemendur vilja betri hádegismat
Fréttir 10. apríl 2024

Nemendur vilja betri hádegismat

Fulltrúar ungmennaráðs Mýrdalshrepps vöktu máls á skólamáltíðum á sveitarstjórna...