Vinsamlegast athugið að þetta efni er eldra en 3 ára.
Sigrún Aðalsteinsdóttir, Garðar Lárusson, heiðursfélagi Léttis, og Kjartan Helgason gerðu grautnum góð skil.
Sigrún Aðalsteinsdóttir, Garðar Lárusson, heiðursfélagi Léttis, og Kjartan Helgason gerðu grautnum góð skil.
Mynd / MÞÞ
Hross og hestamennska 18. nóvember 2019

Mjólkurgrautur og slátur í boði í hádegissamveru

Höfundur: Margét Þóra Þórsdóttir
„Fyrst og fremst erum við að þakka fyrir gengin spor. Við fáum fyrirtæki til að styrkja þetta framtak og það hefur gengið vel, þannig að enginn borgar neitt, bara mætir og hefur gaman. Við lítum svo á að „heldri félagar okkar hafi greitt fyrir sig áður með ómetanlegu framlagi sínu til uppbyggingar félagsins,“ segir Sigfús Ólafur Helgason, framkvæmdastjóri Hesta­manna­félagsins Léttis. 
 
Félagið hefur þann sið að bjóða eldri félagsmönnum, 65 ára og eldri, þrisvar til fjórum sinnum á ári í gleðskap af einhverju tagi. Nú rétt um daginn var hópnum boðið í Skeifuna, félagsheimili Léttis í Reiðhöllinni, og þar var í boði mjólkurgrautur og slátur eins og hver gat í sig látið.
 
Sýnum þakklæti okkar fyrir unnin verk
 
Sigfús segir að án þessa fólks væri félagið ekki það sem það nú er, „og við viljum sýna þakklæti okkar fyrir unnin verk með þessu, en ekki síður er hugmyndin líka sú að fá þetta góða fólk til að koma í félagsheimili okkar, heyra sögur frá liðinni tíð, búa til sögur úr fortíð sem við sem yngri erum þekkjum ekki,“ segir hann. „Mér finnst stundum að við sem yngri erum gleymum því að félagið okkar var til áður en við gengum í það, Léttir er 90 ára gamalt félag og nauðsynlegt fyrir okkur að vita að það var líf og það er til saga hestamennsku á Akureyri  fyrir reiðhöll, styrki frá bænum og fleira og fleira sem okkur þykir sjálfsagt núna.“ 
 
Frá vinstri eru Margrét Árnadóttir, Sigríður Guðmundsdóttir og  Hólmfríður Hreinsdóttir.
 
Margir leggja félaginu enn lið 
 
Sigfús segir að hestamenn beri virðingu og sé þakklátt eldra „heldra“ fólkinu sínu og það sé því dásamlegt þegar það kemur á viðburði sem efnt er til fyrir það, „og ég veit að þau meta það mikils,“ segir hann. Margir leggja félaginu enn lið, fólk á þessum aldri er margt hvert hætt að vinna en hefur nægan tíma til að stússast í ýmsum sérverkefnum, smíðavinnu, þrifum og tiltekt eða hverju svo sem til fellur í félagsstarfinu. Þannig að vissulega sé líf í hestamennskunni þótt 65 ára aldri sé náð.
 
Að þessu sinni var sem fyrr segir boðið upp á mjólkurgraut og slátur, svona í tilefni af því að sláturtíð hefur staðið yfir síðustu viku. Hafdís Gylfadóttir og Guðlaug Reynisdóttir, báðar silfurmerkishafar Léttismanna, stóðu í ströngu við grautargerðina, eru konurnar á bak við tjöldin. Næst segir Sigfús að til standi að bjóða heldri manna-hópnum upp á kráarkvöld og verður það öðru hvorum megin við áramótin næstu. 

14 myndir:

Upplifði drauminn
Hross og hestamennska 7. desember 2022

Upplifði drauminn

Að sýna hross yfir 9,00 fyrir hæfileika er draumur flestra atvinnumanna og sýnen...

Hrossaræktendur verðlaunaðir
Hross og hestamennska 6. desember 2022

Hrossaræktendur verðlaunaðir

Bergur Jónsson og Olil Amble voru valin Ræktunarmenn ársins 2022 á haustráðstefn...

Fimmtán bú tilnefnd til ræktunarverðlauna
Hross og hestamennska 17. nóvember 2022

Fimmtán bú tilnefnd til ræktunarverðlauna

Á ráðstefnu Fagráðs í hrossarækt 20. nóvember næstkomandi verður eins og hefðbun...

Sleipnisbikarinn kominn á Hóla
Hross og hestamennska 4. nóvember 2022

Sleipnisbikarinn kominn á Hóla

Bændasamtök Íslands afhentu Háskólanum á Hólum Sleipnis- bikarinn til varðveislu...

Kynbótamat hrossa og hryssur til afkvæmaverðlauna haustið 2022
Hross og hestamennska 3. nóvember 2022

Kynbótamat hrossa og hryssur til afkvæmaverðlauna haustið 2022

Kynbótamat hefur verið uppreiknað fyrir íslensk hross og vistað inni í Upprunaæt...

„Ekki í mínum villtustu draumum“
Hross og hestamennska 11. október 2022

„Ekki í mínum villtustu draumum“

Það ríkti mikil spenna í vor um hver yrði Sleipnisbikarhafinn á Landsmóti.

Heiðursverðlaunastóðhestur fluttur til Þýskalands
Hross og hestamennska 5. október 2022

Heiðursverðlaunastóðhestur fluttur til Þýskalands

Heiðursverðlaunastóðhesturinn Eldur frá Torfunesi hefur verið fluttur til Þýs...

Mannlíf á Landsmóti
Hross og hestamennska 27. júlí 2022

Mannlíf á Landsmóti

Nýverið var haldið Landsmót hestamanna í 24. sinn, en það er einn stærsti íþ...