Vinsamlegast athugið að þetta efni er eldra en 8 ára.
Hjólreiðafólk er ekki nógu áberandi í vegköntunum
Fréttir 27. maí 2016

Hjólreiðafólk er ekki nógu áberandi í vegköntunum

Höfundur: Hjörtur L. Jónsson
Sama hvert maður fer, alls staðar sér maður hjólreiðafólk í umferð og í vegköntum. Persónulega finnst mér of stór hluti hjólreiðafólks ekki vera nægilega sýnilegt í umferðinni. 
 
Fyrir skemmstu fór ég upp Þjórs­árdalinn og sá einn hjólreiðamann u.þ.b. einn kílómetra fyrir framan mig, en þegar ég kom helmingi nær sá ég að þarna voru þrír hjólandi, en tveir voru vel fyrir aftan þennan sem ég sá fyrst. Sá sem ég sá fyrst var í gulu áberandi vesti, en hinir tveir voru í svörtum fötum.
 
Áhyggjuefni fjölgun reiðhjóla á vegum sem ekki eru hannaðir fyrir hjólaumferð
 
Fjölgun reiðhjóla er um mörg hundruð prósent á síðustu þrem árum, en vegakerfið er ekki hannað með svona mikla reiðhjólaumferð í huga. Það eru og verða slys á hjólreiðafólki, en til að minka hættuna á slysum þarf hjólreiðafólk að hafa það í huga að þeir sjást seint og illa, en geta aukið sýnileikann um helming með því að klæðast áberandi klæðnaði.
 
Betra að hjóla á móti umferð á einbreiðum malarvegum
 
Á sumum malarvegum og mjóum vegum tel ég vænlegra til öryggis, bæði fyrir bílstjóra og hjólreiðafólk að hjóla á öfugum vegarhelmingi (alla vega vandist ég því að hjóla á móti umferð á mjóum malarveginum þar sem ég ólst upp). Fyrir um ári síðan var ég að koma mjóan og hlykkjóttan veginn að Drangsnesi og sá þá nokkra koma á móti mér á reiðhjólum. Þegar ég kom nær sá ég að þetta virtist vera fjölskylda í hjólatúr. Allir fóru í einfalda röð úti í vegkantinum á móti umferð. Persónulega fannst mér betra að mæta þessum fimmmenningum sem hjóluðu mín megin heldur en þegar ég mæti reiðhjólum hægra megin í umferð (þetta er alfarið mín skoðun og ég veit ekki hvort það sé löglegt gagnvart umferðarlögum að hjóla á öfugum vegarhelmingi). 
 
Átak um að hætta að skoða og senda SMS-skilaboð í umferðinni
 
Nýlega sá ég gott áróðursmyndband um notkun á farsímum af bílstjórum. Í myndbandinu var sýnt hversu langt bíllinn fer á meðan ökumaðurinn lítur af veginum á símann sinn. Mjög gott og fræðandi myndband, en eitt fannst mér vanta í myndbandið: Það er hugsun ökumannsins þegar hann lítur upp til að gá að umferðinni, þá hugsar hann: Enginn bíll. En horfði hann nægilega vel til að sjá reiðhjól á veginum eða í vegkantinum? Förum varlega í umferðinni, þar eru fleiri en við.
Nokkrir bændur meðal styrkhafa
Fréttir 14. júní 2024

Nokkrir bændur meðal styrkhafa

Matvælaráðherra úthlutaði tæpum 500 milljónum króna úr Matvælasjóði þann 5. júní...

Ekkert hægt að gera
Fréttir 14. júní 2024

Ekkert hægt að gera

Æðarbændur fóru ekki varhluta af kulda og úrkomu á Norður- og Austurlandi í byrj...

Hretið seinkar vorverkum
Fréttir 13. júní 2024

Hretið seinkar vorverkum

Óveðrið sem gekk yfir Norður- og Norðausturland á dögunum hafði aðallega þau áhr...

ESA spyr um óvissuatriði breytinga á búvörulögum
Fréttir 13. júní 2024

ESA spyr um óvissuatriði breytinga á búvörulögum

Í byrjun maí sendi ESA, Eftirlitsstofnun EFTA, erindi til matvælaráðuneytisins þ...

Viðbragðshópur vegna kuldatíðar
Fréttir 13. júní 2024

Viðbragðshópur vegna kuldatíðar

Matvælaráðherra hefur sett á laggirnar viðbragðshóp vegna þeirra erfiðleika sem ...

Bein og langvinn áhrif á búgreinar
Fréttir 13. júní 2024

Bein og langvinn áhrif á búgreinar

Matvælaráðherra stofnaði þann 7. júní sérstakan viðbragðshóp vegna ótíðarinnar á...

Sjálfbærninám á háskólastigi
Fréttir 12. júní 2024

Sjálfbærninám á háskólastigi

Fulltrúar Háskóla Íslands (HÍ) og Hallormsstaðaskóla hafa staðfest samstarfssamn...

Ætla að virkja sólargeisla og senda til jarðarinnar
Fréttir 11. júní 2024

Ætla að virkja sólargeisla og senda til jarðarinnar

Íslenska loftslagsfyrirtækið Transition Labs er komið í samstarf við breska fyri...