Hafsteinn er kokkur ársins
Hafsteinn Ólafsson, yfirkokkur á veitingastaðnum Sumac Grill + Drinks á Laugarvegi í Reykjavík, bar sigur úr býtum í keppninni Kokkur ársins 2017 sem haldinn var í Hörpu síðastliðinn laugardag.
Eftifarandi fimm matreiðslumenn kepptu til úrslita:
- Hafsteinn Ólafsson Sumac Grill + Drinks (1. sæti)
- Garðar Kári Garðarsson Deplar Farm / Strikið (2. sæti)
- Víðir Erlingsson Bláa Lónið (3. sæti)
- Rúnar Pierre Heriveaux Grillið Hótel Saga
- Bjarni Viðar Þorsteinsson Sjávargrillið
Keppendur elduðu 3ja rétta matseðil úr svokallaðri leynikörfu, sem hulunni var svipt af deginum áður. Eftir það höfðu þeir fimm klukkustundir til að undirbúa matinn.
Hafsteinn, sem er landsliðsmaður í kokkalandsliðinu, hafði þrjú síðustu árin lent í öðru sæti áður en kom að sigri í fjórðu tilraun. Hann mun keppa fyrir Íslands hönd í „Nordic Chef Of The Year“ 2018 í Danmörku.
Fjölskipuð dómnefnd valdi sigurvegara. Hún fylgdi eftir vinnubrögðum keppenda í þaula og smakkaði allan matinn. Yfirdómari var Krister Dahl frá Svíþjóð. Þórdís Kolbrún Reykfjörð Gylfadóttir ráðherra ferðamála, iðnaðar og nýsköpunar krýndi sigurvegarann.