Vinsamlegast athugið að þetta efni er eldra en mánaðar gamalt.
Svipmynd úr Grasagarðinum árið 2021.
Svipmynd úr Grasagarðinum árið 2021.
Mynd / Myndir / Grasagarðurinn í Reykjavík
Fræðsluhornið 31. ágúst 2021

Lifandi safn undir berum himni

Höfundur: Vilmundur Hansen

Grasagarðurinn í Reykjavík fagnar sextíu ára afmæli á þessu ári. Hlutverk garðsins er að varðveita og skrá plöntur til fræðslu, rannsókna og yndisauka. Í garðinum eru varðveittar um 5.000 plöntur í átta safndeildum.

Hjörtur Þorbjörnsson, forstöðu­maður garðsins, segir að Grasa­garður Reykjavíkur hafi verið stofnaður árið 1961, á 175 ára afmæli Reykjavíkurborgar, og er rekinn af borginni.

Svipmynd úr Grasagarðinum árið 1985.

„Hlutverk Grasagarðsins er að varðveita og skrá plöntur til fræðslu, rannsókna og yndisauka. Í dag eru varðveittar um 5.000 plöntur í garðinum af 3.000 tegundum eða öðrum flokkunareiningum. Átta safndeildir eru í garðinum og gegnir hver safndeild ákveðnu hlutverki, eins og til dæmis að sýna og kynna íslenskar plöntur, trjágróður eða mat- og kryddjurtir. Plöntusafnið í heild sinni gefur síðan hugmynd um fjölbreytni gróðurs í tempraða beltinu nyrðra.“

Fjölæringar í blóma við skrifstofu Grasagarðsins á 9. áratugnum.

Sextíu ára vöxtur

Eins og búast má við af lifandi safni hefur Grasagarðurinn tekið miklum breytingum í tímans rás. „Flatarmál garðsins hefur aukist og fjöldi plantna margfaldast frá stofnun hans. Garðurinn hefur einnig þróast eftir getu í takti við nýja strauma og stefnur í safnamálum og hvert sé hlutverk grasagarða.“

Að sögn Hjartar er fræðsla eitt af meginhlutverkum Grasagarðs­ins í dag og boðið sé upp á fjölbreytta fræðslu fyrir almenning og skólahópa árið um kring. „Markmið fræðslunnar er að nýta hin margvíslegu plöntusöfn til fræðslu um umhverfið, garðyrkju, grasafræði, dýralíf, garðmenningu og grasnytjar, sem og til eflingar útiveru og lýðheilsu.

Miðsvæði gamla garðsins sem var gert upp 2017-2018. Gráölurinn kom sem fræ frá grasagarði í St. Pétursborg árið 1965.

Garðurinn er opinn alla daga ársins og í garðinn kemur fólk gjarnan til að njóta umhverfisins og fræðast um safnkost garðsins.“

Garðurinn heldur áfram að þróast og segir Hjörtur að á 60 ára afmælinu horfi hann og starfsmenn garðsins björtum augum til framtíðar og hlakki til að fylgjast með safninu halda áfram að þróast og breytast.

Viðburðadagatal Grasagarðsins í Reykjavík

Grasagarðurinn í Reykjavík stendur reglulega fyrir fræðslu­göngum eða uppákomum í garðinum. Viðburðirnir eru öllum opnir og ókeypis. Starfs­menn garðsins taka einnig á móti hópum til leiðsagnar um garðinn.

16. september, klukkan 17, er dagur íslenskrar náttúru og munum við hafa fræðslugöngu í tilefni dagsins, nánar auglýst síðar.

29. september er alþjóðlegur dagur gegn matarsóun og verður opin fræðsla frá 17-19 í samstarfi við Flóruna Garden Bistro og Slow Food samtökin.

3. október, klukkan 11, verður fræðsla um vetrarskýli fyrir plöntur.

23. október er dagur kartöfl­unnar og klukkan 11 til 13 verður opin fræðsla um kartöflur og kartöfluræktun.

20. nóvember, klukkan 11-13, verður listasmiðja fyrir krakka í garðskálanum.

5. desember, klukkan 11, verður vetrarfuglaskoðun í garðinum í samstarfi við Fuglavernd.

Bókanir og nánari upp­lýsingar fást hjá Björk Þorleifsdóttur í síma 411 8650 virka daga klukkan 9 til 15 eða á botgard@reykjavik.is.

Hjörtur Þorbjörnsson, forstöðumaður Grasagarðsins.

Samkeppnisstaða sjávarútvegsins
Fræðsluhornið 12. október 2021

Samkeppnisstaða sjávarútvegsins

Íslensk sjávarútvegsfyrirtæki eiga í harðri samkeppni á mark­aði við fiskframlei...

Væntingar sauðfjárbænda til nýrrar ríkisstjórnar
Fræðsluhornið 7. október 2021

Væntingar sauðfjárbænda til nýrrar ríkisstjórnar

Niðurstöður kosninga til Alþingis 25. september voru skýrar. Ríkis­stjórnarflokk...

Íslensk mjólkurframleiðsla 101
Fræðsluhornið 5. október 2021

Íslensk mjólkurframleiðsla 101

Á dögunum var kosið til Alþingis að nýju og hefur töluverð endurnýjun þingmanna ...

Enn eykst heimsframleiðsla mjólkur
Fræðsluhornið 1. október 2021

Enn eykst heimsframleiðsla mjólkur

Líkt og undanfarin ár hefur FAO (Matvæla- og landbúnaðarstofnun Sameinuðu þjóðan...

Skógur er lifandi vatnsforðabúr
Fræðsluhornið 29. september 2021

Skógur er lifandi vatnsforðabúr

Undanfarið hafa verið miklir þurrk­ar á norður- og austurhluta landsins. Grunnva...

Riða í Skagafirði
Fræðsluhornið 29. september 2021

Riða í Skagafirði

Riðuveiki í kindum er sérstæður sjúkdómur að því leyti að smitefni hans, svokall...

Nýr opinn skrúfuhreyfill á þotur sagður geta minnkað eldsneytisnotkun um 20%
Fræðsluhornið 22. september 2021

Nýr opinn skrúfuhreyfill á þotur sagður geta minnkað eldsneytisnotkun um 20%

General Electric og franska fyrirtækið Safran kynntu í júní síðastliðnum áform u...

Nestlé ekki lengur stærsta fyrirtækið!
Fræðsluhornið 21. september 2021

Nestlé ekki lengur stærsta fyrirtækið!

Hollenski landbúnaðarbankinn Rabobank gefur árlega út lista yfir stærstu afurðaf...