Bændablaðið er mest lesna blað landsins
Samkvæmt nýjum niðurstöðum úr prentmiðlamælingu Gallups er Bændablaðið nú mest lesni prentmiðill landsins.
Meðallestur Bændablaðsins á landsvísu eykst um 3,7% milli ára og mældist nú tæplega 30 prósent.
Lestur eykst á öllum prentmiðlum milli ára. Lestur Morgunblaðsins á landsvísu mælist 21,7%, lestur Heimildarinnar er 13,8% og Viðskiptablaðið mælist með 6,2% lestur.