Vinsamlegast athugið að þetta efni er eldra en 8 ára.
Elín Anna tekur hér við ART-vottuninni úr hendi Sigríðar Þorsteinsdóttur, verkefnisstjóra og ART-þjálfara á Suðurlandi. Með þeim á myndinni eru Gunnar Þór Gunnarssonog Kolbrún Sigþórsdóttir ART-þjálfarar.
Elín Anna tekur hér við ART-vottuninni úr hendi Sigríðar Þorsteinsdóttur, verkefnisstjóra og ART-þjálfara á Suðurlandi. Með þeim á myndinni eru Gunnar Þór Gunnarssonog Kolbrún Sigþórsdóttir ART-þjálfarar.
Mynd / Magnús Hlynur Hreiðarsson
Fréttir 21. júní 2016

ART-vottaður leikskóli í Skeiða- og Gnúpverjahreppi

Höfundur: Magnús Hlynur Hreiðarsson
Nýlega fékk leikskólinn Leikholt í Brautarholti í Skeiða- og Gnúpverjahreppi ART-vottun. 
 
„ART er fastmótað hegðunarmódel sem þjálfar börn, unglinga og fullorðna í mannlegum samskiptum og gefur þeim einnig verkfæri í hendurnar til þess að vinna með reiðitilfinninguna og ná betri sjálfstjórn. 
 
Einnig hjálpar ART-þjálfunin einstaklingnum til að vinna úr vandamálum, hugsa út í hvað sé siðferðislega rétt og hvað sé siðferðislega rangt þegar taka þarf ákvörðun um eitthvað. 
 
Þá þjálfast einstaklingurinn einnig í því að færa rök fyrir sinni ákvörðun og svara af hverju hann/hún tók þessa ákvörðun,“ segir Kolbrún Sigþórsdóttir, sem starfar hjá ART-teyminu á Suðurlandi þegar hún var spurð hvað ART væri. 
 
Kolbrún segir að tilgangurinn með ARTI sé að einstaklingurinn nái að þekkja sjálfan sig og tilfinningar sínar það vel að hann geti átt góð samskipti við aðra, viti hvaða aðstæður eru honum erfiðar og hvernig hann eigi að bregðast við í ýmsum atvikum sem upp koma í lífinu.
 
„Markmiðið með ART-þjálfun er að þjálfa einstaklinginn í félagsfærni svo að hann geti verið öruggur í samskiptum sínum við aðra, að hann geti sýnt sjálfstjórn með því að stoppa og hugsa:
 
„Hvað gerist ef ég bregst svona við?“ „Hverjar verða afleiðingarnar ef ég segi þetta/geri þetta?“ bætir Kolbrún við.
 
ART-þjálfunin fer að miklu leyti fram í gegnum hlutverkaleiki og endurgjöf frá hópnum. Markmiðið er að einstaklingurinn verði öruggari í að takast á við erfiðar aðstæður og honum gangi betur að taka ákvarðanir og færa rök fyrir þeim. Þannig eflist sjálfsmyndin og sjálfsöryggið eykst og þannig byggist upp einstaklingur sem er betur búinn til að takast á við lífið.
 
Gæðastimpill fyrir Leikholt
 
Það að leikskólinn Leikholt er kominn með ART-vottun gefur leikskólanum ákveðinn gæðastimpil. Þrír grunnskólar á Suðurlandi hafa fengið ART-vottun, það eru Laugalandsskóli í Holtum, Þjórsárskóli og Víkurskóli í Vík í Mýrdal. Eini leikskólinn sem hefur haft ART-vottunina þar til nú er Leikskólinn á Laugalandi, Leikholt hefur nú bæst í hóp þessara flottu skóla. Grunnskólinn á Þórshöfn er eini skólinn utan Suðurlands sem fengið hefur ART-vottun en hún gildir til þriggja ára í senn. Þá þarf að endurmeta og fara yfir stöðu ART-sins og sýnileik innan skólastarfsins, það er til að mynda komið að því í Víkurskóla, Laugalandsskóla í Holtum og Grunnskólanum í Þórshöfn.
 
„Vonandi sjáum við fleiri skóla taka skrefið á næstu misserum og taka nauðsynlegar ráðstafanir til þess að fá vottunina, bæði Hvolsskóli og leikskólinn Örk á Hvolsvelli hafa t.d. sýnt því áhuga og vantar ekki mikið upp á,“ segir Kolbrún.
 
Pláss fyrir fleiri börn í Leikholti
 
„Í leikskólanum Leikholti eru 24 börn og húsrúm leyfir mun fleiri og óskum við því eftir fleiri börnum í þetta yndislega húsnæði og umhverfi sem býður upp á svo mikla möguleika. Í leikskólanum eru 9 starfsmenn, 5 leikskólakennarar, 3 leiðbeinendur og einn starfsmaður í eldhúsi/ræstingu. 
 
Í Leikholti ríkir mjög góður starfsandi, starfsfólkið hér er mjög metnaðarfullt og áhugasamt um starfið sitt og einkunnarorð okkar eru gleði, vinsemd og virðing. 
 
Við leggjum áherslu á leikinn, ART, umhverfismennt (erum Græn fána-leikskóli), og mál og læsi,“ segir Elín Anna Lárusdóttir leikskólastjóri. Hún segist tvímælalaust mæla með ART-inu fyrir aðra leikskóla, enda sé alltaf gott að hafa ákveðna stefnu í lífsleikni og agastjórnun í skólum. 
 
„Við í leikskólanum Leikholti erum mjög stolt af því að hafa fengið vottun sem ART-skóli því við lögðum okkur mikið fram í vetur að tileinka okkur verkfærin sem ART-ið býður upp á og gera það sem hluta af okkar menningu í okkar skóla. Mig langar að lokum að segja að ART-teymið á Selfossi stendur sig mjög vel að halda uppi þessum námskeiðum og ég vona virkilega að starf þeirra fái að njóta sín áfram, ART er smart,“ segir leikskólastjórinn að lokum.
 

3 myndir:

Kjötafurðastöðvar aftur undir samkeppnislög
Fréttir 12. febrúar 2025

Kjötafurðastöðvar aftur undir samkeppnislög

Þingmálaskrá ríkisstjórnarinnar hefur verið kynnt fyrir vorþingið. Landbúnaðarmá...

Sýktur refur í Skagafirði
Fréttir 12. febrúar 2025

Sýktur refur í Skagafirði

Íbúi í Skagafirði varð var við veikan ref og reyndist dýrið með fuglaflensu.

Deilt um gjaldtöku vegna meðhöndlunar á dýrahræjum
Fréttir 11. febrúar 2025

Deilt um gjaldtöku vegna meðhöndlunar á dýrahræjum

Fyrir áramót bárust tvö mál inn á borð lögfræðinga Bændasamtaka Íslands þar sem ...

Tvöfaldur hagnaður kjötvinnslu í eigu KS
Fréttir 11. febrúar 2025

Tvöfaldur hagnaður kjötvinnslu í eigu KS

Kjötvinnslan Esja gæðafæði nær tvöfaldaði hagnað sinn milli áranna 2022 og 2023.

Framleiðsla og sala á hrossakjöti jókst mest
Fréttir 10. febrúar 2025

Framleiðsla og sala á hrossakjöti jókst mest

Mikil aukning var í framleiðslu og sölu á hrossakjöti og svínakjöti á síðasta ár...

Betri afkoma sauðfjárbúa
Fréttir 10. febrúar 2025

Betri afkoma sauðfjárbúa

Hagstofan greindi frá því á vef sínum fyrir skemmstu að afkoman í sauðfjárræktin...

Hver á Ísland?
Fréttir 7. febrúar 2025

Hver á Ísland?

Húsnæðis- og mannvirkjastofnun stendur að átaksverkefni við að áætla eignarmörk ...

Niðurstöður viðhorfskönnunar áhyggjuefni
Fréttir 7. febrúar 2025

Niðurstöður viðhorfskönnunar áhyggjuefni

Meirihluti bænda telur stuðningskerfi landbúnaðar flókið en aðeins tæp 14% telja...